Google បង្ហាញទូរស័ព្ទជំនាន់ថ្មី
ក្រុមហ៊ុនយក្សរបស់អាមេរិកGoogle ទើបតែបានបញ្ចេញម៉ូដែលទូរស័ព្ទជំនាន់ថ្មីមួយដើម្បីប្រកួតប្រជែងជាមួយក្រុមហ៊ុនApple និង ក្រុមហ៊ុនSamsung ។ ទូរស័ព្ទស៊េរីថ្មីរបស់Google មានឈ្មោះថា
ក្រុមហ៊ុនយក្សរបស់អាមេរិកGoogle ទើបតែបានបញ្ចេញម៉ូដែលទូរស័ព្ទជំនាន់ថ្មីមួយដើម្បីប្រកួតប្រជែងជាមួយក្រុមហ៊ុនApple និង ក្រុមហ៊ុនSamsung ។ ទូរស័ព្ទស៊េរីថ្មីរបស់Google មានឈ្មោះថា Pixel ហើយក្រុមហ៊ុនបានបង្ហាញពីម៉ូដែល Pixel ដែលមានទំហំអេក្រង់ 5អីុញ និងម៉ូដែលPixel XL មានទំហំអេក្រង់5,5អីុញវាមានលក្ខណៈពិសេសជាច្រើនក្នុងនោះគឺកម្មវិធីGoogle Assitant។ ទូរស័ព្ទថ្មីរបស់Google នាពេលនេះជាតំណាងឲ្យជំហានថ្មីមួយទៀតរបស់ក្រុមហ៊ុនក្នុងការលក់ផលិតផលរបស់ខ្លួនផ្ទាល់ ក្រៅពីការផ្គត់ផ្គង់កម្មវិធីដល់ក្រុមហ៊ុន ផ្សេងៗលើទីផ្សារបច្ចេកវិទ្យានោះ។ ទូរស័ព្ទនេះមានតម្លៃចាប់ពី៦៤៩ដុល្លារអាមេរិកសម្រាប់Pixel និងតម្លៃ៧៦៩ដុល្លារអាមេរិកសម្រាប់ Pixel XL ដែលមានតម្លៃស្មើនឹងទូរស័ព្ទជំនាន់ថ្មីរបស់ក្រុមហ៊ុនApple គឺIphone 7 និងទូរស័ព្ទជំនាន់ថ្មីរបស់ក្រុមហ៊ុនសាំស៊ុងដូចគ្នាដែរ។
លោក Sundar Pichai នាយកប្រតិបត្តិក្រុមហ៊ុនGoogle បានបង្ហាញពីសមត្ថភាពពិសេសៗរបស់Pixel ថាវាជាទូរស័ព្ទដែលមានកាមេរ៉ាដ៏ល្អបំផុតដែលទូរស័ព្ទផ្សេងមិនទាន់មានសមត្ថភាពដូច ។ វាមានកម្លាំងថ្ម 2770mAh អាចនិយាយបាន៣២ម៉ោង និងកាន់បានយូរដល់ទៅ៥៥២ម៉ោង ហើយសាកថ្មីឆាប់រហ័សតែ១៥នាទី អាចនិយាយបាន៧ម៉ោង មានកាមេរ៉ា12MP ហើយមានកាមេរ៉ា selfie ចំនួន 8MP ផងដែរ ។ វាមានរ៉េម(Ram) 4GB មានអង្គចងចាំប្រភេទ 32GB និង 128GB ដែលជាប់ជាមួយទូរស័ព្ទស្រាប់នឹងមិនអាចបន្ថែមអង្គចងចាំទេ Pixel ក៏មានកញ្ចក់ប្រភេទ Gorilla Glass 4 ដែលមិនឆ្កូត មានតួលោហៈ និងដំណើរការដោយប្រព័ន្ធ Android 7.1 Nougat ដែលជាជំនាន់ថ្មីបំផុតរបស់Android ហើយវាមានស្គែនម្រាមដៃផងដែរ ។ Pixel មានពណ៌ចំនួនបីសម្រាប់ជ្រើសរើសពណ៌ខ្មៅ ពណ៌ប្រាក់ និងពណ៌ខៀវ ។
តាមធម្មតារាល់ការបង្ហាញទូរស័ព្ទថ្មីរបស់ក្រុមហ៊ុនGoogle ស្ថិតនៅក្រោម Nexus ដែលGoogle បានបង្កើតកាលពីឆ្នាំ២០១០ មានទាំងទូរស័ព្ទ និងក្តារឆ្លាតវៃ ហើយក៏មានដំណឹងមិនច្បាស់ថាម៉ាក Nexus នេះក្រុមហ៊ុនGoogle លែងផលិតទៀតហើយ តែក៏មានដំណឹងថា ក្រុមហ៊ុនGoogle នឹងចេញម៉ូដែលថ្មីNexusG1 នាពេលខាងមុខ។ តែក៏មានព័ត៌មានថា ក្រុមហ៊ុនHTC ក៏ចេញម៉ូដែលថ្មីរបស់ខ្លួនឈ្មោះG1ដូចគ្នា ៕
ចែករំលែកព័តមាននេះ