រាជធានីភ្នំពេញ ៖ កម្មសិក្សាការីមន្ត្រីជាន់ខ្ពស់នៃសាលាភូមិន្ទរដ្ឋបាល នៅព្រឹកថ្ងៃទី៧ តុលា ២០១៦ បានរៀបចំពិធីដាំដើមឈើចំនួន៣០០ដើម នៅក្នុងវិទ្យាល័យ ជាស៊ីម ជ្រោយចង្វារ ដែលស្ថិតនៅសង្កាត់ជ្រោយចង្វារ ខណ្ឌជ្រោយ ចង្វារក្រោមប្រធានបទ
«ដើមឈើជាកំណើតកូនខ្ញុំ» ។
ពិធីនេះ បានរៀបចំឡើងដោយមានការអញ្ជើញចូលរូមពីលោកអ៊ុច មុនី អនុប្រធាននាយកដ្ឋាន បណ្តុះបណ្តាលបន្ត និងជាតំណាង លោកយក់ ប៊ុនណា រដ្ឋលេខាធិការក្រសួងមុខងារសារធារណះ និងជានាយកសាលាភូមិរដ្ឋបាល ព្រមទាំងមានការចូលរួមពីគរុនិស្សិត ដែលជាកម្មសិក្សាការីមន្ត្រីជាន់ខ្ពស់ និងមធ្យមនិងលោកគ្រូ អ្នកគ្រូ សិស្សានុសិស្ស យ៉ាងច្រើនកុះករ។
លោកអ៊ុក ប៊ុនរិទ្ធ នាយកសាលា វិទ្យាល័យជាស៊ីមជ្រោយចង្វារ បានមានមតិស្វាគមន៍អោយដឹងថា វិទ្យាល័យជាស៊ីមជ្រោយចង្វារមានទំតាំង ស្ថិតនៅភូមិទី៣ សង្កាត់ជ្រោយចង្វារ ដែលមានផ្ទៃដីទំហំ២៧ ៩៨៤.១៣ម៉ែត្រការ៉េ ហើយបានបង្កើតឡើងនៅឆ្នាំ១៩៨៤ ដែលពីមុនដំបូងជាអនុវិទ្យាល័យជ្រោយចង្វារ មាន១ខ្នង មានចំនួនសិស្សានុសិស្សចំនួន១៤៩នាក់ និងលោកគ្រូអ្នកគ្រូចំនួន៩នាក់។លុះក្រោយមក ក្រោយក្រសួង អប់រំ និងកីឡា ក៍បានពង្រឹកអនុវិទ្យាល័យ ជ្រោយចង្វារទៅជាវិទ្យាល័យជ្រោយ
ចង្វារ។
លោកនាយកបានបន្តទៀតថា ដោយមានការយកចិត្តទុកដាក់ពីអាជ្ញាធរ សប្បុរសជននិងប្រជាពលរដ្ឋជាអាណាព្យាបាលសិស្ស ជួយជ្រោងជ្រែង ជាពិសេស ថ្នាក់ដឹកនាំ សម្តេចតេជោហ៊ុន សែន នាយករដ្ឋមន្ត្រី , សម្តេ ចអគ្គមហាធម្មពោធិសាលជា ស៊ីម និងលោក ប៉ា សុជាតិវង្ស អភិបាលរាជធានីភ្នំពេញ ក៍បានផ្តល់អាគារសិក្សាជាបន្តបន្ទាប់ និងបានរៀបចំចាក់ដី កែលំអរ ចាក់ផ្លូវបេតុង ក្រាលការ៉ូឡានិងដាំដើមឈើ ហើយបានប្រែក្លាយទៅជាអាគារសិក្សាល្អ បរិស្ថានល្អការសិក្សាល្អ សម្រាប់ឆ្នាំសិក្សា២០១៦ ២០១៧នេះ ។
លោក អ៊ុច មុនី បានអោយដឹងថា ការសិក្សានៅក្នុងសាលាភូមិន្ទរដ្ឋបាលតម្រូវអោយសិស្សនិងកម្មសិក្សាការីផ្សារភ្ជាប់ទ្រីស្តីជាមួយជីវភាពជាក់ស្តែង នៃសង្គម ការស្វែងយល់ពីស្ថានភាពពិតប្រាកដនិងការគិតគូពីដំដោះស្រាយផ្អែកលើស្ថានភាពវិវត្តន៍ក្នុងសង្គម និងអន្តរជាតិជាក់ស្តែង ព្រមទាំងការបណ្តុះបណ្តាលនូវគុណធម៌និងសមត្ថភាពមន្ត្រីរាជការអោយឆ្លើយតបនិងបរិយា កាស់និងបរិបទសង្គម។
ចែករំលែកព័តមាននេះ