ខេត្តឧត្តរមានជ័យ ៖ នៅក្នុងរដូវភ្ជុំបិណ្ឌឆ្នាំនេះនៅតាមទីអារាមនានាក្នុងខេត្តគេសង្កេតឃើញថា ចាប់ពីបិណ្ឌទី១រហូតបិណ្ឌទី១៤ និងថ្ងៃភ្ជុំបិណ្ឌមានការថយចុះពុទ្ធបរិស័ទខុសពីឆ្នាំទៅ តែដោយឡែកនៅតំបន់ទេសចរណ៍ប្រវត្តិសាស្ត្រទំនប់ថ្មីតាម៉ុក បែរជាមានមនុស្សម្នាទៅលេងកម្សាន្តច្រើនជាឆ្នាំកន្លងទៅ ។ ទំនប់ថ្មីក្នុងភូមិគោកសំព័រ ឃុំលំទង ស្រុកអន្លង់វែង ។
ប្រជាពលរដ្ឋនៅក្នុងខេត្តជាច្រើននាក់ បានត្អូញត្អែរថានៅក្នុងឱកាសបុណ្យភ្ជុំបិណ្ឌឆ្នាំនេះមានការថយចុះអ្នកទៅធ្វើបុណ្យនៅតាមទីអារាមនានាក្នុងខេត្តដោយសារតែឆ្នាំកន្លងទៅក៏ដូចជាក្នុងឆ្នាំនេះពួកគាត់ខាតបង់លុយច្រើនពេក នៅពេលប្រមូលផលដំណាំលក់មិនបានចំណេញ ថែមទាំងជំពាក់លុយធនាគារស្ទើរគ្រប់ក្រុមគ្រួសារ ។ ទោះបីជាបែបណាក៏មានពលរដ្ឋបានទៅធ្វើបុណ្យរាប់បាត្រ និងប្រគេនចង្ហាន់ នំអន្សមដល់ព្រះសង្សនៅតាមទីអារាមផងដែរ ។
ពលរដ្ឋដដែលបន្តថាដោយឡែកគេបានសង្កេតឃើញនៅតំបន់ទេសចរណ៍ប្រវត្តិសាស្ត្រទំនប់ថ្មីតាម៉ុក កន្លែងទំនប់បង្ហៀរមានប្រជាពលរដ្ឋនាំគ្នីគ្នាទៅលេងកម្សាន្តចាប់ពីវេនបិណ្ឌមួយរហូតដល់ថ្ងៃភ្ជុំបិណ្ឌមានមនុស្សចាប់ពី៥ទៅ៧រយនាក់លើសពីឆ្នាំ មុនៗ ។
សមត្ថកិច្ចឱ្យដឹងថានៅក្នុងអំឡុងបុណ្យភ្ជុំបិណ្ឌនេះប៉ូលិស កងរាជអាវុធហត្ថ ទាហានបានដាក់តាមទីកន្លែងគោលដៅ ដើម្បីការពារសន្តិសុខជូនពលរដ្ឋធ្វើដំណើទៅធ្វើបុណ្យទាននៅតាមទីអារាមប្រកបដោយសុវត្ថិភាព ។ ពុំមានករណីចោរប្លន់ និងចោរលួចទេ តែទោះជាបែបណាមានក្រុមក្មេងទំនើងអុកឡុកនៅកន្លែងចាក់ធុងបាស់រាំលេងកម្សាន្តក្នុងទីអារាមនាពេលយប់ និងនៅតាមតំបន់ទេសចរណ៍ផងដែរ ហើយសមត្ថកិច្ចឃាត់ខ្លួនបាន១៥នាក់យកទៅអប់រ ំរួចដោះលែងវិញ ៕
ចែករំលែកព័តមាននេះ