«China News» របស់ចិនផ្សាយកាលពីពេល ថ្មៗកន្លងមកថា ឧទ្យានបរិស្ថានវិទ្យា «ស,ឺយឿនភូ» បានសង់បន្ទប់ទឹកកញ្ចក់ឡោមព័ទ្ធជុំវិញដោយដើមឈើនៅក្បែរបឹងដ៏ធំ ជាទីពេញនិយមរបស់អ្នកស្រុកឆាងសា
«China News» របស់ចិនផ្សាយកាលពីពេល ថ្មៗកន្លងមកថា ឧទ្យានបរិស្ថានវិទ្យា «សឺយឿនភូ» បានសង់បន្ទប់ទឹកកញ្ចក់ឡោមព័ទ្ធជុំវិញដោយដើមឈើនៅក្បែរបឹងដ៏ធំ ជាទីពេញនិយមរបស់អ្នកស្រុកឆាងសា ខេត្ដហ៊ូណាន ភាគកណ្ដាលប្រទេសចិន ។
លោកយ៉ាង ឡាង មន្ដ្រីប្រចាំឧទ្យាននោះនិយាយថា «យើងចង់បង្កើតវត្ថុថ្មី ជានិម្មិត្ដរូបដ៏គូឱ្យរំភើប និងសប្បាយរីករាយ» ។ ផ្នែកខាងក្រៅនៃជញ្ជាំងបន្ទប់ទឹកកញ្ចក់ការពារមិនឱ្យអ្នកខាងក្រៅមើលឃើញផ្នែកខាងក្នុងទេ និងរក្សាសិទ្ធិរបស់បុគ្គល ។ បន្ទប់ទឹកនោះបើកជាផ្លូវការកាលពីថ្ងៃទី១ ខែតុលា ឆ្នាំ២០១៦ ជាថ្ងៃដំបូងនៃអំឡុងពេលបុណ្យជាតិរបស់ចិន ។
កាលពីឆ្នាំ២០១៥ អាជ្ញាធរចិនបានប្រកាសពី «គម្រោងការប្រើប្រាស់បន្ទប់ទឹកសាធារណៈ» ដោយសង្កត់ធ្ងន់លើការកែទម្រង់ និងអភិវឌ្ឍន៍បន្ទប់ទឹកក្នុងតំបន់ទេសចរណ៍នៅទូទាំងប្រទេស ក្រោយពីមានការរិះគន់ពីភ្ញៀវទេសចរណ៍ថា គ្មានអនាម័យ ។ កន្លងមកប្រទេសចិន បានសន្យាថាបន្ទប់ទឹកសាធារណៈនៅគ្រប់តំបន់ទេសចរណ៍ត្រូវស្ថិតក្នុងកម្រិត ៣A ឬខ្ពស់ជាង ដោយកែទម្រង់ថ្មីតាមកម្រិតស្ដង់ដាពិភពលោក ៕
ចែករំលែកព័តមាននេះ