ក្រោយពេលហក់ឡើងជាលំដាប់នៃប្រជាប្រិយភាព នីកូ បានធ្វើអោយបងប្អូនទស្សនិកជនមើលឃើញថា រត់ខ្វែងដៃជើងមិនតិចកន្លែងនោះទេ ដើម្បីបំពេញការងារ។ ការខិតខំបំពេញភារៈបែបនេះហើយ ជាហេតុរុញអោយតារាលំដាប់យុវវ័យរូបនេះ បាត់ជំហរ ដួលភ្លាមៗតែម្តង ខណៈពេល
រាជធានីភ្នំពេញ ៖ ក្រោយពេលហក់ឡើងជាលំដាប់នៃប្រជាប្រិយភាព នីកូ បានធ្វើអោយបងប្អូនទស្សនិកជនមើលឃើញថា រត់ខ្វែងដៃជើងមិនតិចកន្លែងនោះទេ ដើម្បីបំពេញការងារ។ ការខិតខំបំពេញភារៈបែបនេះហើយ ជាហេតុរុញអោយតារាលំដាប់យុវវ័យរូបនេះ បាត់ជំហរ ដួលភ្លាមៗតែម្តង ខណៈពេលកំពុងថតកម្មវិធី ហើយធ្វើអោយអ្នកនៅជុំវិញខ្លួនស្លន់ស្លោរភ័យមិនតិចនោះទេ។
តារាចម្រៀងរូបសង្ហា លោក ណុប សម្បត្តិ ពុទ្ធិរ័ត្ន ហៅ នីកូ បានធ្វើឱ្យទាំងអ្នកគាំទ្រ ក៏ដូចជាមិត្តភក្តិសិល្បករបារម្ភមិនតិចនោះទេ នៅពេលដែលឃើញលោកដួលទាំងជំហរពេលកំពុងតែថតកម្មវិធី GATSBY IDOL Ep5 ។
រូបភាពវីដេអូ ដួលសន្លប់របស់លោក នីកូ នេះ ត្រូវបានសាមីខ្លួនបង្ហោះចែករំលែកនៅលើផេករបស់លោក ដែលមានឈ្មោះ ថា Nico mrcookies កាលពីយប់ថ្ងៃអង្គារ៍ ទី១៩ ខែមេសា ឆ្នាំ២០២២ កន្លងទៅនេះ ។ វីដេអូខ្លីនេះ គឺដកស្រង់ចេញពីកម្មវិធី GATSBY IDOL ដែលជាកម្មវិធី មួយស្វែងរកតារាចំណូលថ្មី ជាធនធានមួយសម្រាប់វិស័យសិល្បៈកម្ពុជា ។ តារារូបនេះបានបង្ហោះវីដេអូ ខណៈកំពុងតែថតកម្មវិធី GATSBY IDOL ហើយលោក នីកូ ស្រាប់តែងងឹតមុខដួលទាំងជំហរតែម្តង ។
លោកបានលើកឡើងនៅក្នុងវីដេអូនោះថា ៖ «GATSBY IDOL ep5 សប្តាហ៍នេះ កំហុសអ្នកណា? ខ្ញុំថតទាំងឈឺ ឬឈឺហើយនៅតែថត? ការពិតខ្ញុំដួលសន្លប់ក្នុងពេលកំពុងថតកម្មវិធីហ្គេតប៊ីអាយដលវគ្គ5 ព្រោះខ្ញុំប្រើអារម្មណ៍ខ្លាំងពេក!» ។
ក្រោយពេលលោកបានបង្ហោះចែករំលែកវីដេអូខ្លួនដួលទាំងជំហរបែបនេះ មិត្តសិល្បករ និង អ្នកគាំទ្របានបង្ហាញក្ដីបារម្ភយ៉ាងខ្លាំង ចំពោះសុខភាពរបស់លោក ថែមទាំងសុំឱ្យលោកថែទាំសុខភាពខ្លួនឱ្យបានល្អប្រសើរ និងជូនពរឱ្យលោកឆាប់មានកម្លាំងមាំមួនឡើងវិញផងដែរ។
ពិតណាស់ នីកូ ឡើងកូដខ្លាំង ក្រោយពេលក្លាយជាគណៈកម្មាការប្រឡងចម្រៀង វា.យតម្លៃបេក្ខជន។ លោកត្រូវបានមហាជនលើកឡើងថា មានភាពសុក្រិតល្អពេលបានអោយពិន្ទុដល់អ្នកប្រឡង។ លោកចាប់ការងារលើកទី១ មែន តែឆ្លងកាត់បទពិសោធន៍ ជាអ្នកចម្រៀង ធ្វើអោយ នីកូ យល់ច្បាស់ពីការលើកដាក់សំឡេង ដោយធ្វើអោយអ្នកជ្រើសរើសមិនខកបំណងឡើយ។
ចែករំលែកព័តមាននេះ