ខេត្តតាកែវ ៖ អនុសាខាកាកបាទក្រហមកម្ពុជាប្រចាំស្រុកសំរោង ដឹកនាំដោយលោកញ៉ែម ស្រស់ អភិបាលស្រុកសំរោង និងជាប្រធានអនុសាខា បាននាំយកអំណោយមនុស្សធម៌របស់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ចែកជូនស្ត្រីម៉េមាយកូន៥នាក់ ដែលរងគ្រោះដោយសារប្តីដុតបំផ្លាញផ្ទះសម្បែងឆេះហ្មត់គ្មានសល់ កាលពីយប់ថ្ងៃទីថ្ងៃទី ៣០ កញ្ញា ២០១៦ កន្លងទៅ ។
អំណោយដែលត្រូវចែកជូននៅព្រឹកថ្ងៃទី០៤ តុលា ២០១៥រួមមាន ៖ អង្គរ៣បាវ ស្មើនឹង ១៥០គីឡូក្រាម , មី១កេសធំ , ទឹកត្រី១យួរ ,ទឹកស៊ីអ៊ីវ១យួរ ឃីត១ឈុត មានមុង ភួយ ក្រមា។ល។ និងថវិកាចំនួន៥ម៉ឺនរៀលផងដែរ ។
សូមបញ្ជាក់ថា ស្ត្រីមេម៉ាយកូន៥ខាងលើនេះ មានឈ្មោះ អ៊ុយ សាបាន អាយុ ៣៤ឆ្នាំ រីឯប្តីដែលដុតបំផ្លាញផ្ទះចោលមានឈ្មោះ សៀង សាផល អាយុ៣៨ឆ្នាំ បច្ចុប្បន្នកំពុងឃុំខ្លួននៅអធិការនគរបាលស្រុក រង់ចាំកសាងសំណុំរឿងចាត់ការតាមនីតិវិធី ។
គួររំលឹកថា កាលពីយប់ថ្ងៃទី ៣០ កញ្ញា ២០១៦ ឈ្មោះសៀង សាផល ( ជាប្តី ) បានដុតផ្ទះចោល ព្រោះខឹងនឹងប្រពន្ធនឹងកូន រត់ទៅនៅផ្ទះអ្នកជិតខាងមិនព្រមមកផ្ទះខ្លួនឯងវិញ ។ ស្ត្រីជាប្រពន្ធអោយដឹងថា មូលហេតុដែលរូបងនាង និងកូនចៅ រត់ទៅនៅផ្ទះអ្នកជិត ខាង គឺដោយសារបុរសជាប្តីតែងរឿងឈ្លោះប្រកែកជានិច្ច ពិសេសនៅល្ងាចថ្ងៃកើតហេតុ បុរសជាប្តីបានមកសុំលុយរូបនាង ប៉ុន្តែនាងគ្មានលុយ ទើបកើតជារឿងឈ្លោះ ហើយរត់ទៅផ្ទះអ្នកជិតខាង ដោយប្តីហៅមិនមកវិញ ក៏សម្រេចដុតផ្ទះចោលឆេះហ្មត់គ្មានសល់តែម្តងទៅ ។
ក្រោយការបាត់បង់ផ្ទះសម្បែងនិងទ្រព្យសម្បត្តិគ្មានសល់ ធ្វើឲ្យស្ត្រីមេម៉ាយបានត្រូវផ្ទះអ្នកជិតខាងឲ្យជ្រកកោនបណ្តោះអាសន្ននិងជួយម្ហូបអាហារមួយពេលៗតែប៉ុណ្ណោះ ។ ក្រោយទទួលបានអំណោយកាកបាទក្រហមស្រុកសំរោងខាងលើ ស្ត្រីអភ័ព្វក៍បានបន្តអំពាវនាវដល់សប្បុបុរសជននានាមេត្តាជួយនាងនិងកូនៗទាំង៥នាក់បន្តទៀត៕
ចែករំលែកព័តមាននេះ