នាឱកាសបុណ្យភ្ជុំបិណ្ឌ និងកាន់បិណ្ឌកាលពីវេនទី១៣ នៃពិធីភ្ជុំបិណ្ឌនៅវត្តវិហារសួគ៌ លោកជំទាវសៀង ចាន់ហេង និងព្រះគ្រូនី សុវណ្ណមុនីរ៉េត បានផ្តួចផ្តើមគំនិតដាក់បិណ្ឌនៅទីអារាមដ៏ល្បីនេះ យ៉ាងផុសផុល រួមជាមួយពុទ្ធបរិស័ទយ៉ាងច្រើនកុះករ ។
នាឱកាសបុណ្យភ្ជុំបិណ្ឌ និងកាន់បិណ្ឌកាលពីវេនទី១៣ នៃពិធីភ្ជុំបិណ្ឌនៅវត្តវិហារសួគ៌ លោកជំទាវសៀង ចាន់ហេង និងព្រះគ្រូនី សុវណ្ណមុនីរ៉េត បានផ្តួចផ្តើមគំនិតដាក់បិណ្ឌនៅទីអារាមដ៏ល្បីនេះ យ៉ាងផុសផុល រួមជាមួយពុទ្ធបរិស័ទយ៉ាងច្រើនកុះករ ។
ពិធីនេះ បានរៀបចំឡើងកាលពីថ្ងៃទី២៩ កញ្ញា កន្លងមក (ជាវេនទី១៣) នៃបុណ្យភ្ជុំបិណ្ឌ ។ ក្នុងឱកាសនោះ ក្រុមការងាររបស់លោកជំទាវសៀង ចាន់ហេង ក៏ដូចជាក្រុមការងាររៀបចំប្រចាំវត្តនាគវ័ន ក្នុងកុដិលេខ២៤ បានពាំនាំនូវទេយ្យទាន ជាថវិកាគ្រឿងឧបភោគ បរិភោគមួយចំនួន យកទៅប្រគេនព្រះសង្ឃគង់នៅវត្តវិហារសួគ៌ ព្រមទាំងបានចែកជូនថវិកាដល់យាកជី តាជី ចំណុះជើងវត្តយ៉ាងច្រើនកុះករ ។
ក្រៅពីនោះ ក៏មានបងប្អូនប្រជាពលរដ្ឋ មកពីទីជិតឆ្ងាយ និងកុមារា កុមារី ជាអ្នកស្រុកភូមិ បានមានឱកាសទទួលបាននូវថវិកាសម្រាប់ប្រើប្រាស់មួយផ្នែកតាមរយៈការចែកជូនដោយផ្ទាល់ដៃពីសំណាក់លោកជំទាវ សៀងចាន់ហេង អគ្គនាយិកាក្រុមហ៊ុនហេងអភិវឌ្ឍ និងចែកដោយផ្ទាល់ដៃពីព្រះអង្គនី សុវណ្ណមុនីរ៉េតផងដែរ ។
ប្រការដែលជាការកត់សម្គាល់ នាឱកាសឆ្លៀតពេលទៅធ្វើបុណ្យនៅវត្តវិហារសួគ៌ លោកជំទាវសៀង ចាន់ហេង បានរួមគ្នាជាមួយព្រះអង្គនី សុវណ្ណមុនីរ៉េត បួងសួងបណ្តាវត្ថុស័ក្តិសិទ្ធិតាមទីសក្ការៈបូជានានា ដែលស្ថិតនៅក្នុងវត្តវិហារសួគ៌កន្លែងដែលល្បីឈ្មោះក្នុងជំនឿ ពុទ្ធសាសនាក្នុងបំណងសុំពរជ័យសេចក្តីជូនក្រុមគ្រួសារ ឲ្យរស់នៅត្រជាក់ត្រជុំ រកស៊ីមានបាន ថែរក្សាប្រទេសកម្ពុជា ឲ្យមានសេចក្តីសុខសន្តិភាពបន្តទៀត ព្រមទាំងជួយឃុំគ្រងថ្នាក់ដឹកនាំប្រទេសឲ្យជួបតែភាពសុខសាន្តដើម្បីដឹកនាំប្រទេសឲ្យមានការអភិវឌ្ឍបន្តទៅមុខទៀត។
ចែករំលែកព័តមាននេះ