រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីនៃកម្ពុជា បានប្រកាសថា សម្តេចកំពុងពិចារណាក្នុងការលុបចោលនូវកាតព្វកិច្ចពាក់ម៉ាស់នៅក្រៅអាគារ ក្នុងតំបន់មួយចំនួន ដើម្បកាត់បន្ថយការចំណាយរបស់ពលរដ្ឋ ខណៈអត្រានៃការឆ្លងកូវីដ-១៩…
រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីនៃកម្ពុជា បានប្រកាសថា សម្តេចកំពុងពិចារណាក្នុងការលុបចោលនូវកាតព្វកិច្ចពាក់ម៉ាស់នៅក្រៅអាគារ ក្នុងតំបន់មួយចំនួន ដើម្បកាត់បន្ថយការចំណាយរបស់ពលរដ្ឋ ខណៈអត្រានៃការឆ្លងកូវីដ-១៩ បន្តធ្លាក់ចុះខ្លាំង ដោយសារតែភាពស៊ាំរបស់សហគមន៍ ។
សម្តេចតេជោ បានថ្លែងក្នុងពិធីអញ្ជើញសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤ នាព្រឹកថ្ងៃទី២០ ខែមេសានេះ សម្តេចបន្តថា « មុនចូលឆ្នាំនេះ សម្តេចតេជោ បានដាក់ខេត្ត៤ មិនដាក់កាតព្វកិច្ចពាក់ម៉ាស់ទេ ទុកឲ្យបងប្អូនធ្វើការជ្រើសរើស ប៉ុន្តែខេត្តទាំង៤នោះ រឿងមួយហើយ ហើយខេត្តផ្សេងទៀតអាចនឹងបន្តមិនពាក់ម៉ាស់ដែរ ។ «សម្រាប់ខេត្តដទៃទៀត ពាក់ម៉ាសក៏អត់ពាក់ដែរ អីចឹងតិចទៀតខ្ញុំនឹងនិយាយភាពស៊ាំសហគមន៍ វាយ៉ាងម៉េច? មកដល់ថ្ងៃនេះ ការឆ្លងរបស់យើងវាយ៉ាងម៉េច ? »
សម្តេចតេជោ បានបញ្ជាក់ថា ដើម្បីយើងអាចតាមដានបន្តព្រោះខ្ញុំ មានផែនការកាត់បន្ថយនឹងការចំណាយរបស់ប្រជាពលរដ្ឋ តាមរយៈការពាក់ម៉ាស់ នៅតំបន់ផ្សេងទៀតក្រៅពីខេត្តទាំង៤ នឹងអាចពង្រីកទៅខេត្តដទៃ ហើយខេត្តខ្លះត្រូវកាត់យកស្រុកចេញ ទុកតែទីប្រជុំជន ហើយពេលខ្លះអាចនៅក្រៅអគារផ្អាកការពាក់ម៉ាស់ ប៉ុន្តែចូលអគារដែលមានបន្ទប់ម៉ាស៊ីនត្រជាក់ស្អីៗទៀត អាហ្នឹង គឺត្រូវពាក់ម៉ាស់ យើងហ្នឹងពិនិត្យតាមជំហាននីមួយៗ ។
នាយករដ្ឋមន្ត្រីបានបន្ថែមទៀតថា «ខ្ញុំសូមយកឱកាសនេះ ថ្លែងនូវការកោតសរសើរចំពោះគ្រប់កម្លាំង អាជ្ញាធរដែនដី កងកម្លាំងប្រដាប់អាវុធ គ្រប់ប្រភេទដែលរក្សាបានល្អ នូវសន្តិសុខសណ្តាប់ធ្នាប់សង្គម ក្នុងពេលវេលាមួយដែលមានប្រជាជនច្រើនកុះករទៅលេងកម្សាន្តនៅតំបន់របស់ខ្លួននេះពិតជាគួរឲ្យមានមោទនភាព ហើយនេះហើយជាការផ្ទេរអំណាចពីថ្នាក់ជាតិទៅកាន់ថ្នាក់មូលដ្ឋាន ដែលធ្វើឲ្យមូលសដ្ឋានមានការទទួលខុសត្រូវ កាន់តែច្រើន លើបញ្ហាដែលទាក់ទងជាមួយនឹងសមត្ថកិច្ច ដែលខ្លួនទទួលខុសត្រូវ ។
សូមរំលឹកថា ៖នៅយប់ថ្ងៃអាទិត្យ ទី១០ ខែមេសានេះ សម្តេចតេជោ ហ៊ុន សែន បានសម្រេចដាក់ខេត្ត៤ គឺខេត្តរតនគិរី មណ្ឌលគិរី ស្ទឹងត្រែង និងខេត្តព្រះវិហារ មិនតម្រូវឱ្យប្រជាពលរដ្ឋ ពាក់ម៉ាសទៀតនោះទេ។ ប៉ុន្តែសម្តេចតេជោ បញ្ជាក់ថា ខេត្តទាំង ៤នេះ គឺទុកលទ្ធភាពឱ្យប្រជាពលរដ្ឋម្នាក់ៗ សម្រេចចិត្តដោយខ្លួនឯងថា ត្រូវពាក់ម៉ាស ឬមិនពាក់ម៉ាសនោះទេ។
សម្តេចតេជោ ហ៊ុន សែន បានលើកឡើងថា ក្នុងខេត្តទាំង ៤នេះ គឺទុកលទ្ធភាពជូនប្រជាពលរដ្ឋរបស់យើង សម្រេចដោយខ្លួនឯង ត្រូវពាក់ម៉ាស ឬមិនពាក់ម៉ាស។ បងប្អូន ដែលទៅពីខាងក្រៅខេត្តទាំង ៤នោះ ហើយទៅលេងខេត្តទាំង ៤នោះ ក៏ត្រូវសម្រេចខ្លួនឯងថា ត្រូវពាក់ម៉ាស ឬមិនពាក់ម៉ាស។ ប៉ុន្តែនៅពេលចេញពីខេត្តទាំង ៤នេះ បើចូលទៅខេត្តផ្សេងទៀត គឺត្រូវពាក់ម៉ាស ជាកាតព្វកិច្ចចាំបាច់។
សម្តេចបន្ថែមថា ចំពោះខេត្តសម្រេចចិត្តដោយខ្លួនឯងថា ពាក់ម៉ាស ឬមិនគួរពាក់ម៉ាស នៅពេលចូលដល់ខេត្តទាំង៤នេះ រួមមាន ខេត្តរតនគិរី មណ្ឌលគិរី ស្ទឹងត្រែង និងព្រះវិហារ ។ គឺសម្រេចចិត្តដោយខ្លួនឯង ពាក់ម៉ាស ឬមិនពាក់ម៉ាស ។ ប៉ុន្តែនៅពេលចេញផុតពីដែនដីខេត្តទាំង ៤នេះ ត្រូវតែពាក់ម៉ាស ជាចាំបាច់»៕
ចែករំលែកព័តមាននេះ