ការស្រាវជ្រាវថ្មីមួយបានបង្ហាញថា នៅពេលអ្នកចំណាយពេលនៅមុខទូរទស្សន៍ច្រើនពេក វានឹងកាត់បន្ថយអាយុរបស់អ្នក។ ក្រុមអ្នកស្រាវជ្រាវនៅក្នុងប្រទេសអូស្ត្រាលីបានរកឃើញថា អ្នកដែលមើលទូរទស្សន៍ជាមធ្យមរយៈ
ការស្រាវជ្រាវថ្មីមួយបានបង្ហាញថា នៅពេលអ្នកចំណាយពេលនៅមុខទូរទស្សន៍ច្រើនពេក វានឹងកាត់បន្ថយអាយុរបស់អ្នក។ ក្រុមអ្នកស្រាវជ្រាវនៅក្នុងប្រទេសអូស្ត្រាលីបានរកឃើញថា អ្នកដែលមើលទូរទស្សន៍ជាមធ្យមរយៈពេលប្រាំមួយម៉ោងក្នុងមួយថ្ងៃ អាចរស់នៅជាមធ្យមប្រាំឆ្នាំ តិចជាងអ្នកដែលមិនមើលទូរទស្សន៍ជាប្រចាំ ។
រៀងរាល់ម៉ោងដែលអ្នកមានអាយុលើសពី ២៥ឆ្នាំ មើលទូរទស្សន៍ អាយុរបស់ពួកគេត្រូវបានកាត់បន្ថយ២២នាទី នេះបើយោងតាមការស្រាវជ្រាវដែលដឹកនាំដោយលោក J. Lennert Veerman នៃសាកលវិទ្យាល័យ Queensland។ ប៉ុន្តែអ្នកជំនាញផ្សេងទៀតបានព្រមានថា ការសិក្សានេះមិនបានបង្ហាញទេថាការមើលទូរទស្សន៍អាចបណ្តាលឲ្យមនុស្សឆាប់ស្លាប់ តែវាគ្រាន់តែបង្ហាញពីការទាក់ទងរវាងការមើលទូរទស្សន៍ច្រើននិងការមានអាយុខ្លី ។
លោកបណ្ឌិត David L. Katz នាយកមជ្ឈមណ្ឌលស្រាវជ្រាវការបង្ការនៅសាកលវិទ្យាល័យវេជ្ជសាស្ត្រ Yale ឱ្យដឹងថា ទោះបីជាការទាក់ទងដោយផ្ទាល់រវាងការមើលទូរទស្សន៍និងការមានអាយុខ្លីគឺមិនចុះសម្រុងគ្នាជាច្រើន តែផលប៉ះពាល់នៃការមើលទូរទស្សន៍នេះគឺមានជាប្រយោល ។ លោក Katz បានថ្លែងថា «នៅពេលយើងចំណាយពេលមើលទូរទស្សន៍កាន់តែច្រើន យើងក៏នឹងចំណាយពេលវេលាក្នុងការបរិភោគដោយគ្មានដែនកំណត់នៅមុខទូរទស្សន៍ផងដែរ ហើយយើងនឹងចំណាយពេលវេលាតិចក្នុងការធ្វើលំហាត់ប្រាណ ។ ការបរិភោគច្រើន ហើយធ្វើលំហាត់ប្រាណតិចវានឹងបង្កើនហានិភ័យនៃការវិវឌ្ឍទៅរកភាពធាត់ និងជំងឺរ៉ាំរ៉ៃដែលវានឹងបង្កជាជំងឺទឹកនោមផ្អែម ជំងឺបេះដូង និងមហារីក» ។
ការពន្យល់មួយផ្សេងទៀតអំពីរឿងនេះ គឺ មនុស្សដែលមើលទូរទស្សន៍ច្រើនហួសកំណត់ «ភាគច្រើនគឺជាមនុស្សឯកោ ឬដាច់ឆ្ងាយពីអ្នកដទៃ ឬមានជំងឺធ្លាក់ទឹកចិត្ត ហើយលក្ខខណ្ឌទាំងនេះអាចជាមូលហេតុពិតនៃការស្លាប់មុនអាយុ» ។
នៅឆ្នាំ២០០៨មនុស្សពេញវ័យជនជាតិអូស្ត្រាលីមើលទូរទស្សន៍សរុបចំនួន ៩,៨ ប៊ីលានម៉ោង ។ លើសពីនេះទៅទៀត មនុស្សពេញវ័យភាគច្រើនមើលទូរទស្សន៍ច្រើនជាងប្រាំមួយម៉ោងក្នុងមួយថ្ងៃ ។ អ្នកស្រាវជ្រាវបាននិយាយថា ស្ថិតិបានបង្ហាញថា ការមើលទូរទស្សន៍ច្រើនពេកអាចមានគ្រោះថ្នាក់ដូចជាការជក់បារី និងកង្វះការធ្វើលំហាត់ប្រាណអាចកាត់បន្ថយអាយុរបស់អ្នក។ បើគ្មានទូរទស្សន៍ ក្រុមអ្នកស្រាវជ្រាវបានប៉ាន់ប្រមាណថា អាយុសង្ឃឹមរស់របស់បុរសអាចនឹងមាន ១,៨ ឆ្នាំវែងជាង និងស្ត្រីមានចំនួន១.៥ឆ្នាំ ៕
ចែករំលែកព័តមាននេះ