ខេត្តពោធិ៍សាត់ ៖ គ្រោះថ្នាក់ចរាចរណ៍មួយបានកើតឡើងរវាងរថយន្តនិងម៉ូតូ បណ្ដាលឱ្យខាងភាគីខាងម៉ូតូបាក់ភ្លៅ បាក់ជើង របួសយ៉ាងធ្ងន់ធ្ងរ ហេីយបញ្ជូនទៅសង្គ្រោះនៅមន្ទីរពេទ្យជាបន្ទាន់ រីឯអ្នករួមដំណើរម្នាក់ទៀត រងរបួសស្រាល ដែលគ្រោះថ្នាក់នេះបានកើតឡើងកាលពីវេលាម៉ោង០៥ និង៣០នាទីល្ងាច ស្ថិតនៅលើផ្លូវកៅស៊ូ ឆ្ពោះទៅកាន់ស្រុកភ្នំក្រវាញ ត្រង់ចំណុចទំនប់បង្ហៀរ ក្នុងភូមិរលាបសង្កាត់រលាប ក្រុងពោធិ៍សាត់ ខេត្តពោធិ៍សាត់ ។
មនុស្សជាច្រើនកំពុងងូតទឹកលេងយ៉ាងសប្បាយរីករាយនោះ ស្រាប់តែមានគ្រោះថ្នាក់ចរាចរណ៍រថយន្ដបុកជាមួយម៉ូតូ បណ្ដាលឲ្យភាគីខាងម៉ូតូរបួសបាក់ដៃ បាក់ផ្លូវ និងម្នាក់ទៀតរបួសស្រាល ។
ជនរងគ្រោះបើកម៉ូតូដែលរបួសធ្ងន់ឈ្មោះសុគន្ធ ភេទប្រុស អាយុ២១ឆ្នាំ និងអ្នករួមដំណើររបួសស្រាលឈ្មោះគី ហាន ភេទប្រុស អាយុ២៦ឆ្នាំ រស់នៅភូមិវត្តហ្លួង សង្កាត់លលកស ក្រុងពោធិ៍សាត់ ជិះម៉ូតូម៉ាកស្មាសរីវ៉ូគ្មានស្លាកលេខ ។ ចំណែករថយន្ដពណ៌ស្លែ ពាក់ស្លាកលេខបាត់ដំបង2A.1493 អ្នកបើកឈ្មោះថាន ថា ភេទប្រុស អាយុ៥៥ឆ្នាំ មានទីលំនៅភូមិជុំនិ ឃុំអន្លង់វិល ស្រុកសង្កែ ខេត្តបាត់ដំបង ។ គ្រោះថ្នាក់ចរាចរណ៍នេះ បណ្ដាលមកពីអ្នកបើកបរទាំងសងខាង មិនគោរពច្បាប់ចរាចរណ៍ ខ្វះការយោគយល់ និងប្រើល្បឿនលឿននៅទីប្រជុំជន។
សមត្ថកិច្ចបានបញ្ជូនជនរងគ្រោះទៅព្យាបាលនៅមន្ទីរពេទ្យបង្អែកខេត្ត រីឯរថយន្ដនិងម៉ូតូបង្ក បានយកមករក្សាទុកនៅអធិការដ្ឋាននគរបាលក្រុងពោធិ៍សាត់ ដើម្បីដោះស្រាយទៅតាមច្បាប់ចរាចរណ៍ផ្លូវគោក ។
ចែករំលែកព័តមាននេះ