រាជធានីភ្នំពេញ ៖ បុរសម្នាក់អត់មានលុយមួយរៀលនៅជាប់ខ្លួន ជិះម៉ូតូទាំងស្រវឹងទ្រេតទ្រោតរេចង្កូតពេញផ្លូវជ្រុលទៅបុករថយន្ដ ដែលកំពុងតែបត់ឆ្លង ផ្លូវបណ្ដាលឱ្យខូចខាតរថយន្តនិងម៉ូតូ តែមិនមានអ្នករងរបួសទេ កាលពីវេលាម៉ោង៩យប់ថ្ងៃទី២៨ កញ្ញា នៅចំណុចមុខមន្ទីរពេទ្យកាល់ម៉ែត តាមបណ្ដោយមហាវិថីព្រះនរោត្ដម ស្ថិតក្នុងសង្កាត់ ស្រះចក ខណ្ឌដូនពេញ ។
រាជធានីភ្នំពេញ ៖ បុរសម្នាក់អត់មានលុយមួយរៀលនៅជាប់ខ្លួន ជិះម៉ូតូទាំងស្រវឹងទ្រេតទ្រោតរេចង្កូតពេញផ្លូវជ្រុលទៅបុករថយន្ដ ដែលកំពុងតែបត់ឆ្លង ផ្លូវបណ្ដាលឱ្យខូចខាតរថយន្តនិងម៉ូតូ តែមិនមានអ្នករងរបួសទេ កាលពីវេលាម៉ោង៩យប់ថ្ងៃទី២៨ កញ្ញា នៅចំណុចមុខមន្ទីរពេទ្យកាល់ម៉ែត តាមបណ្ដោយមហាវិថីព្រះនរោត្ដម ស្ថិតក្នុងសង្កាត់ ស្រះចក ខណ្ឌដូនពេញ ។
ម៉ូតូបង្កខាងលើម៉ាកស៊ុយស៊ូគីស្មាស ពណ៌ខ្មៅ ជិះដោយបុរសម្នាក់ស្ថិតក្នុងស្ថានភាពស្រវឹងជោកជាំ ចំណែករថយន្ដរងគ្រោះម៉ាកវីស្តូ ពណ៌.ស ជិះគ្នា២នាក់ ។
ប្រភពព័ត៌មានពីប្រជាពលរដ្ឋដែលនៅជិតកន្លែងកើតហេតុបានអោយដឹងថា នៅមុនពេលកើតហេតុ គេឃើញបុរសបង្កជិះម៉ូតូស្ថិតក្នុងស្ថានភាពស្រវឹងជោកជាំជិះរេចង្កូតពេញផ្លូវដោយធ្វើដំណើរតាមបណ្ដោយមហាវិថីព្រះនរោត្ដមទិសដៅពីត្បូងទៅជើង ។ ពេលមកដល់ចំណុចកើតហេតុ ក៏ជ្រុលទៅបុករថយន្ដវីស្តូដែលទើបនឹងបើកចេញពីញ៉ាំអាហារនៅតាមផ្លូវ ហើយបម្រុងបត់ឆ្វេងឆ្លងផ្លូវក៏ត្រូវម៉ូតូជិះទៅបុកចំក្បាលរថយន្ដចំហៀងខាងឆ្វេងបណ្ដាលអោយរថយន្តនិងម៉ូតូខូចខាតបន្តិចបន្តួច តែមិនបណ្ដាលឱ្យម្ចាស់ម៉ូតូរងរបួសនោះទេ។
ចំណែកម្ចាស់រថយន្តឱ្យដឹងដែរថា មុនពេលកើតហេតុ រូបលោកនិងមិត្តភក្តិទើបចេញមកពីញ៉ាំអាហារក្បែរកន្លែងកើតហេតុ ពេលញាំរួចរូបគេបានចូលរថយន្តបំរុងបត់ឆ្វេង ស្រាប់តែត្រូវម៉ូតូបើកយ៉ាងលឿន ទៅបុករថយន្តគាត់តែម្តងទៅ ។ បន្ទាប់ពីបុកភ្លាមៗ ខាងម៉ូតូបង្កបានសុំទោស និងអង្វរទៅម្ចាស់រថយន្តថា រូបគេមិនមានប្រាក់សងទេ ទាំងអ្នករត់ម៉ូតូឌុប និងរ៉ឺម៉កម៉ូតូដែលនៅក្បែរនោះ បានជួយអង្វរដល់ម្ចាស់រថយន្តថា មិនបាច់ទារថ្លៃជួសជុលទេ ព្រោះគ្នាគ្មានប្រាក់ ។
ក្រោយពេលកើតហេតុ និងដោយនិយាយគ្នាអស់ពេលយ៉ាងយូរនៅតែមិនត្រូវគ្នា ទោះបីជាសមត្ថកិច្ចមកដល់សួរនាំ និងស្តីបន្ទោសទៅអ្នកបើកម៉ូតូថា បើស្រវឹងកុំបើកបរ និងបានសួរទៅអ្នកបើកម៉ូតូថា មានលុយប៉ុន្មាន តែអ្នកបើកម៉ូតូប្រាប់ថា មួយ១០០រៀលក៏អត់មានដែរ ទើបសមត្ថកិច្ចប្រាប់ថា ជិតដល់ថ្ងៃភ្ជុំបិណ្ឌហើយគាត់មិនចង់យករថយន្តនិងម៉ូតូទៅទុករង់ចាំដោះស្រាយទេ ព្រោះត្រូវរង់ចាំទាល់តែភ្ជុំបិណ្ឌចប់ ទើបដោះស្រាយកុំឲ្យខាតពេលវេលា ណាមួយអ្នកជិះម៉ូតូអត់មានលុយទៀត អ៊ីចឹងសុំឲ្យខាងម្ចាស់រថយន្តជួយសម្រួលផង ព្រោះរថយន្តក៏ខូចខាតតិចតួចដែរ ទើបម្ចាស់រថយន្ដព្រមឱ្យម្ចាស់ម៉ូតូលើកម៉ូតូជិះទៅផ្ទះដោយមិនបានសំណងអ្វីទាំងអស់ដើម្បីបញ្ចប់រឿងតែម្ដង
ទៅ៕
ចែករំលែកព័តមាននេះ