ខំលះបង់ទាំងកាយទាំងចិត្ត៥ឆ្នាំ ពេលនេះទើបចេញចរិតពិត
រាជធានីភ្នំពេញ ៖ បុរសម្នាក់ត្រូវបាននារីជាគូស្នេហ៍និងក្រុមគ្រួសាររបស់នាងចាប់អូសចូលសាលាសង្កាត់ចោមចៅកាលពីវេលាម៉ោង៨ និង៤៥នាទីព្រឹក …
រាជធានីភ្នំពេញ ៖ បុរសម្នាក់ត្រូវបាននារីជាគូស្នេហ៍និងក្រុមគ្រួសាររបស់នាងចាប់អូសចូលសាលាសង្កាត់ចោមចៅកាលពីវេលាម៉ោង៨ និង៤៥នាទីព្រឹក …
រាជធានីភ្នំពេញ ៖ បុរសម្នាក់ត្រូវបាននារីជាគូស្នេហ៍និងក្រុមគ្រួសាររបស់នាងចាប់អូសចូលសាលាសង្កាត់ចោមចៅកាលពីវេលាម៉ោង៨ និង៤៥នាទីព្រឹក ថ្ងៃទី២៧ ខែកញ្ញា ឆ្នាំ២០១៦ ដោយអះអាងថា នាងជាមួយគូស្នេហ៍នេះបានរស់នៅជាមួយគ្នាដូចប្តីប្រពន្ធ៥ឆ្នាំហើយនៅពេលនេះបែរជាប្រុសកំហូចរូបនេះមានបំណងចង់ដោះដៃយករួចខ្លួនព្រមទាំងរត់ចោលនាងទៀតផង ។
ប្រភពពីកន្លែងកើតហេតុបានឲ្យដឹងថា បុរសដែលត្រូវក្រុមគ្រួសារនិងគូស្នេហ៍ចាប់អូសចូលសាលាសង្កាត់ដោះស្រាយគ្នានេះឈ្មោះ ភឿន សិទ្ធ អាយុ២២ឆ្នាំ អតីតកម្មកររោងចក្រ បច្ចុប្បន្នប្រកបរបរលក់ក្រួចអាំង ស្នាក់នៅម្តុំអូរដឹម សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅស្រុកបារាយណ៍ ខេត្តកំពង់ធំ ចំណែកនារីគូស្នេហ៍មានអាយុ២១ឆ្នាំ ជាកម្មការិនីរោងចក្រកាត់ដេរ ។
នារីវ័យក្មេងជាគូស្នេហ៍បានរៀបរាប់ទាំងទឹកភ្នែកថា ពួកនាងបានស្រលាញ់គ្នា៥ឆ្នាំហើយតាំងពីពួកនាងធ្វើការនៅរោងចក្រជាមួយគ្នាមកម្ល៉េះ ។ ដោយសារតែពាក់លួងលោម ព្រមទាំងសន្យាថានឹងចូលដណ្ដឹងរៀបការតាមប្រពៃណី នាងក៏សុខចិត្តលះបង់ព្រហ្មចារីយ៍ជូនប្រុសស្នេហ៍ដើម្បីបញ្ជាក់ចិត្តស្មោះ ប៉ុន្តែប្រុសស្នេហ៍របស់នាងសន្យាថាចូលដណ្តឹងម្តងហើយម្តងទៀត ពោលគឺសន្យាឲ្យរួចតែពីមាត់ប៉ុណ្ណោះ ។ លុះរយៈពេល១ខែចុងក្រោយនេះប្រុសកំហូចនេះក៏ដាក់ពាក្យលាឈប់ការងារពីរោងចក្រ និងរត់ចោលបន្ទប់ជួលក្នុងបំណងដោះដៃចោលនាង ។
នារីវ័យក្មេងរូបនេះបន្តទៀតថា បន្ទាប់ពីដឹងថា ប្រុសស្នេហ៍ចង់ដោះដៃ នាងក៏ប្រាប់ក្រុមគ្រួសារឲ្យដឹង ហើយក៏លើកគ្នាពីស្រុកមកភ្នំពេញដើម្បីតាមរកប្រុសកំហូចនេះរហូតប្រទះឃើញនៅម្តុំផ្សារអូរដឹមកាលពីព្រឹកថ្ងៃទី២៧ ខែកញ្ញា ឆ្នាំ២០១៦ ក៏នាំគ្នាចាប់អូសចូលសាលាសង្កាត់ដើម្បីដោះស្រាយគ្នា ។
ចំណែកភាគីខាងប្រុសដែលរងការចោទប្រកាន់នេះបានប្រាប់ឲ្យដឹងថា រូបគេមិនបានឆក់យកព្រហ្មចារីយ៍នាងឡើយ គឺគ្រាន់តែស្រឡាញ់គ្នាធម្មតាប៉ុណ្ណោះ ។
ចំពោះការឆ្លើយដោះសារបែបនេះ ត្រូវភាគីខាងស្រីបដិសេធទាំងស្រុក ដោយលើកឡើងថា នេះគ្រាន់តែជាពាក្យដោះសារយករួចខ្លួនប៉ុណ្ណោះ ដំណាច់តែលះបង់ខ្លួនប្រាណនិងចិត្ត៥ឆ្នាំហើយ មិនអាចឲ្យដោះដៃបានដោយស្រួលបែបនេះទេ គឺត្រូវតែដោះស្រាយគ្នាឲ្យបានច្បាស់លាស់សិន ។
ក្រោយពីប្រកែកប្រណាំងគ្នាកណ្ដាលផ្លូវអស់ចិត្ត ភាគីខាងស្រីក៏ចាប់អូសភាគីខាងប្រុសចូលទៅសាលាសង្កាត់ចោមចៅដើម្បីឲ្យអាជ្ញាធរជួយដោះស្រាយ ៕
ចែករំលែកព័តមាននេះ