សហគ្រាសជប៉ុនជាច្រើនជំរុញឱ្យបុគ្គលិកអង្គុយធ្វើការតិច
ប្រទេសជប៉ុន ៖ ក្រុមហ៊ុនជប៉ុនកាន់តែច្រើនដែលយល់ដឹងពីការអង្គុយធ្វើការក្នុងរយៈពេលយូរ ហើយបានចាប់ផ្តើមផ្សព្វផ្សាយពីផលប្រយោជន៍នៃការឈរ និងពត់ខ្លួនប្រាណ។
ប្រទេសជប៉ុន ៖ ក្រុមហ៊ុនជប៉ុនកាន់តែច្រើនដែលយល់ដឹងពីការអង្គុយធ្វើការក្នុងរយៈពេលយូរ ហើយបានចាប់ផ្តើមផ្សព្វផ្សាយពីផលប្រយោជន៍នៃការឈរ និងពត់ខ្លួនប្រាណ។
ប្រទេសជប៉ុន ៖ ក្រុមហ៊ុនជប៉ុនកាន់តែច្រើនដែលយល់ដឹងពីការអង្គុយធ្វើការក្នុងរយៈពេលយូរ ហើយបានចាប់ផ្តើមផ្សព្វផ្សាយពីផលប្រយោជន៍នៃការឈរ និងពត់ខ្លួនប្រាណ។
នៅក្នុងការិយាល័យរបស់ក្រុមហ៊ុន e-commerce ជប៉ុន គឺ Rakuten ក្នុងទីក្រុងតូក្យូ បុគ្គលិករបស់ពួកគេត្រូវបានផ្តល់នូវតុធ្វើការដែលអនុញ្ញាតឲ្យឈរធ្វើការក៏បាន និងអង្គុយធ្វើការក៏បាន ។ នៅពេលដែលក្រុមហ៊ុននេះបានប្តូរការិយាល័យរបស់ខ្លួនមកក្នុងទីក្រុងតូក្យូ នាឆ្នាំ២០១៥ ពួកគេបានផ្តល់នូវតុធ្វើការថ្មី ដែលអាចដំឡើង ឬបន្ថយកម្ពស់បាន ។
លើសពីនេះទៀត ការផ្លាស់ប្តូរតុនេះក៏មានចំណែកដោយសារតែមានការកើនឡើងនៃបុគ្គលិកបរទេសក្នុងក្រុមហ៊ុនផងដែរ ដែលតុធ្វើការជប៉ុនមានទំហំតូច និងទាបសម្រាប់ពួកគេ ។ ប៉ុន្តែពេលនេះ សូម្បីតែវិស្វករក៏មានភាពងាយស្រួលក្នុងការធ្វើការឈរនៅ Rakuten ដែរ ព្រោះតែតុថ្មីនេះ ។ រីឯបុគ្គលិកដទៃទៀតក៏ស្រឡាញ់ និងចូលចិត្តតុថ្មីនេះដែរ ព្រោះតែវាផ្តល់សារប្រយោជន៍ដល់ជើងរបស់ពួកគេ ហើយថែមទាំងអាចបង្កើនការប្រាស្រ័យទាក់ទង និងបង្កើនគំនិតច្នៃប្រឌិតក្នុងក្រុមហ៊ុនទៀតផង ។
ចំណែកក្រុមហ៊ុន Fujikura បានបង្កើតកន្លែងហាត់ប្រាណក្នុងការិយាល័យសម្រាប់បុគ្គលិក ។ បុគ្គលិកម្នាក់និយាយថា ៖ « នៅពេលដែលប្រជុំហើយ ពួកយើងនិយាយថា តោះទៅពត់ខ្លួន ។ វាពិតជាមានអារម្មណ៍ល្អណាស់ពេលដែលខ្ញុំទៅសម្រាកបន្តិច ហើយវាបានជួយដល់ពួកយើង » ។
តាំងពីឆ្នាំ២០០៩មក ក្រុមហ៊ុនក្នុងទីក្រុងតូក្យូ បានខិតខំប្រឹងប្រែងយ៉ាងខ្លាំងក្នុងការជួយជំរុញដល់សុខភាពរបស់បុគ្គលិក ។ ការប្រឹងប្រែងរបស់ក្រុមហ៊ុនទាំងនេះ ពិតជាមានប្រសិទ្ធភាព ដោយបានកាត់បន្ថយបុគ្គលិកដែលមានជំងឺមេតាប៉ូលីសឱ្យចុះខ្សោយ ចំណែកប្រាក់ចំណូលរបស់ក្រុមហ៊ុន ក៏បានកើនឡើងផងដែរ ។
លើសពីនេះទៀត ក្រុមហ៊ុន NTT Software បានកែច្នៃការិយាល័យ ដោយដកចេញនូវជញ្ជាំងខណ្ឌរវាងបុគ្គលិក និងធ្វើឲ្យការិយាល័យទាំងមូលមានភាពទូលាយជាងមុន ។ ក្រុមហ៊ុននេះនិយាយថា វាបានជំរុញឲ្យបុគ្គលិកដើរទៅវិញទៅមក និងប្រាស្រ័យទាក់ទងជាមួយមិត្តរួមការងាររបស់ពួកគេដោយងាយស្រួល ។
បុគ្គលិកម្នាក់និយាយថា ៖ « ការដើរបានក្លាយជាទម្លាប់មួយទៅហើយ ហើយខ្ញុំក៏បានហាត់ប្រាណច្រើនជាងមុនដែរក្នុងអំឡុងថ្ងៃឈប់សម្រាក » ។
ក្រុមហ៊ុនផលិតគ្រឿងសង្ហារិម Itoki បានអះអាងថា នៅពេលដែលអ្នកអង្គុយយូរពេក មិនថាកៅអីរបស់អ្នកងាយស្រួលអង្គុយប៉ុនណានោះទេ ក៏នៅតែមានការប៉ះពាល់ដែរ ។ បុគ្គលិកម្នាក់ក្នុងក្រុមហ៊ុន Itoki បាននិយាយថា ៖ «បើទោះជាយើងព្យាយាមបង្កើនគុណភាពកៅអីប៉ុណ្ណា ក៏នៅតែមានអ្នករអ៊ូថា ឈឺស្មា និងចង្កេះដែរ » ។
ប៉ុន្តែពេលនេះ Itoki កំពុងតែអនុវត្តការធ្វើការបណ្តើរ ហាត់ប្រាណបណ្តើរ ដែលបុគ្គលិកអាចពត់ខ្លួនក្នុងពេលធ្វើការដើម្បីបង្កើនសុខភាព ។
លោក Koichiro Oka សាស្ត្រាចារ្យផ្នែក វិទ្យាសាស្ត្រសុខភាពនៃសាកលវិទ្យាល័យWaseda University បានព្រមានពីការប៉ះពាល់ដោយសារការអង្គុយធ្វើការយូរក្នុងការិយាល័យ។ លោកនិយាយថា ៖ «ប្រសិនបើអ្នកគិតថា វាមិនអីទេ ព្រោះអ្នកបានហាត់ប្រាណក្នុងចុងសប្តាហ៍នោះ អ្នកយល់ខុសហើយ ។ កង្វះខាតនៃលំហាត់ប្រាណប្រចាំសប្តាហ៍ អាចនាំមកនូវជំងឺដូចជា ជំងឺបេះដូង និងទឹកនោមផ្អែម » ។
រដ្ឋាភិបាលជប៉ុនកំពុងតែខិតខំប្រឹងប្រែងផ្សព្វផ្សាយពីបញ្ហានេះក្នុងវិស័យអាជីវកម្ម ។ ក្នុងខែមករា ក្រសួងសេដ្ឋកិច្ច ពាណិជ្ជកម្ម ឧស្សាហកម្ម និង Tokyo Stock Exchange បានជ្រើសរើសក្រុមហ៊ុនចំនួន២៥ សម្រាប់ផ្នែកសុខភាព និងប្រសិទ្ធភាពការងារក្នុងឆ្នាំ២០១៦ ដោយក្រុមហ៊ុនទាំងនេះបានបង្កើនសុខភាពរបស់បុគ្គលិក រួមមាន ក្រុមហ៊ុន Lawson, Kao, Bridgestone និង Japan Airlines ៕
ចែករំលែកព័តមាននេះ