ឲ្យមិត្តស្រីឌុប រវល់តែឱបចង្កេះពីក្រោយ ទីបំផុត…
រាជធានីភ្នំពេញ ៖ សង្សារ១គូជាមួយមិត្តភក្តិប្រុសម្នាក់បានជិះម៉ូតូ១គ្រឿងដោយឲ្យនារីជាអ្នកឌុបហើយយុវជនជាសង្សារអង្គុយឱបចង្កេះពីក្រោយ ខណៈមកដល់ …
រាជធានីភ្នំពេញ ៖ សង្សារ១គូជាមួយមិត្តភក្តិប្រុសម្នាក់បានជិះម៉ូតូ១គ្រឿងដោយឲ្យនារីជាអ្នកឌុបហើយយុវជនជាសង្សារអង្គុយឱបចង្កេះពីក្រោយ ខណៈមកដល់មុខក្លិប មីតណាយ ត្រូវជនសង្ស័យវាយប្លន់យកម៉ូតូទៅបាត់ដោយសុវត្ថិភាពកាលពីវេលាម៉ោង១១យប់ ថ្ងៃទី២៧ ខែកញ្ញា ឆ្នាំ២០១៦ នៅតាមបណ្តោយផ្លូវវេងស្រេង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
តាមសម្តីរបស់ជនរងគ្រោះមានឈ្មោះ ហ៊ុល សុខខេង ភេទប្រុស អាយុ២១ឆ្នាំ មុខរបរដេរពូក ស្នាក់នៅសង្កាត់ផ្សារដើមថ្កូវ ខណ្ឌចំការមន បានឲ្យដឹងថា ម៉ូតូដែលបានបាត់បង់នោះម៉ាក Zoomer-X ពណ៌ខ្មៅ ពាក់លេខភ្នំពេញ 1GA-0237 ។
ជនរងគ្រោះបានប្រាប់ឲ្យដឹងទៀតថា មុនពេលកើតហេតុ ខណៈពេលដែលពួកគេមានគ្នា៦នាក់ស្រី៣នាក់ ប្រុស៣នាក់ ត្រូវជាសង្សារនឹងគ្នា ជិះម៉ូតូ២គ្រឿង ម៉ាក MSX និងម៉ាក Zoomer-X ដោយម៉ូតូរបស់ខ្លួនជិះគ្នា៣នាក់ ប្រុស២នាក់ និងស្រីម្នាក់ជាអ្នកបើកម៉ូតូ គោលបំណងនាំគ្នាទៅដើរលេង និងចូលក្លឹប តែមិនទាន់បានចូលក្លឹបនៅឡើយទេ ខណៈពេលកំពុងតែជិះ ម៉ូតូ MSX ជិះនៅខាងមុខដាច់ឆ្ងាយពីគ្នាបន្តិច ស្រាប់តែមានជន សង្ស័យមួយក្រុមមានគ្នា៦នាក់ ជិះម៉ូតូ៣គ្រឿង ក្នុងនោះម៉ូតូរបស់ជនសង្ស័យម៉ាក Let’s ១គ្រឿងបានធ្វើសកម្មភាពជិះកៀរម៉ូតូខ្លួនឲ្យចូលអែបចិញ្ចើមផ្លូវ រួចហើយបានចុះមកវាយបណ្តាលឲ្យយុវជនដែលអង្គុយក្រោយគេម្នាក់រងរបួសស្រាល ធ្វើឲ្យជនរងគ្រោះទាំង៣នាក់ភ័យស្លន់ស្លោរបាននាំគ្នារត់ចោលដោយមិនបាន ដកកូនសោម៉ូតូទៅជាមួយទេ ភ្លាមៗនោះជនសង្ស័យម្នាក់បានឡើងជិះម៉ូតូរបស់ខ្លួនយកទៅបាត់ដោយសុវត្ថិភាព ។
ក្រោយពេលកើតហេតុ ជនរងគ្រោះត្រូវបានសមត្ថកិច្ចនាំទៅដាក់ពាក្យបណ្តឹងនៅប៉ុស្តិ៍នគរបាលចោមចៅ ដើម្បីកំណត់មុខសញ្ញាយកមកផ្តន្ទាទោសតាមច្បាប់ ៕
ចែករំលែកព័តមាននេះ