រាជធានីភ្នំពេញ៖ សង្ក្រាន្តវត្តភ្នំនៃពិធីបុណ្យចូលឆ្នាំថ្មីប្រពៃណីជាតិខ្មែរ រយៈពេល ៣ថ្ងៃនេះ មានប្រជាពលរដ្ឋ ភ្ញៀវទេសចរ បានចូលរួមប្រមាណជិត ២២ម៉ឺននាក់ ប្រកបដោយស្នាមញញឹម និងសប្បាយរីករាយ…
រាជធានីភ្នំពេញ៖ សង្ក្រាន្តវត្តភ្នំនៃពិធីបុណ្យចូលឆ្នាំថ្មីប្រពៃណីជាតិខ្មែរ រយៈពេល ៣ថ្ងៃនេះ មានប្រជាពលរដ្ឋ ភ្ញៀវទេសចរ បានចូលរួមប្រមាណជិត ២២ម៉ឺននាក់ ប្រកបដោយស្នាមញញឹម និងសប្បាយរីករាយ ក្រោមការរៀបចំដោយយកចិត្តទុកដាក់របស់រដ្ឋបាលរាជធានីភ្នំពេញ។ នេះបើតាមលោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ។
លោក បន្តថា ក្នុងរយៈពេល ៣ថ្ងៃកន្លងមកនេះ បងប្អូនប្រជាពលរដ្ឋ បានដើរលេងកម្សាន្ត និងលេងល្បែងប្រជាប្រិយ ប្រកបដោយភាពសប្បាយរីករាយ ជាពិសេសបញ្ហាសន្តិសុខ សណ្តាប់ធ្នាប់ មានលក្ខណៈល្អប្រសើរ ដោយមិនមានបញ្ហាអ្វីកើតឡើង គួរអោយកត់សម្គាល់អ្វីឡើយ។
លោក ម៉េត មាសភក្តី បានបញ្ជាក់ថា សង្ក្រាន្តវត្តភ្នំ សម្រាប់ថ្ងៃទី១ មានបងប្អូនប្រជាពលរដ្ឋ ប្រមាណ ៤ម៉ឺននាក់ នៅថ្ងៃទី២ ចំនួន ៦៥០០០នាក់ និងថ្ងៃទី៣នេះ បងប្អូនយើង ចូលរួម ចំនួន១១៥ ០០០នាក់ ដែលប្រកបដោយភាពសប្បាយរីករាយ៕
ចែករំលែកព័តមាននេះ