« វ៉ាស៊ីនតោនប៉ុស្តិ៍» របស់សហរដ្ឋអាមេរិក កាលពីពេល ថ្មីៗកន្លងមកផ្សាយថា បារាំង គឺជាប្រទេសដំបូងគេគ្រោងចេញច្បាប់ហាមប្រាមប្រើភាជន៍ ផ្សេងៗរួមមាន ចាន ពែង ស្លាបព្រា សម និងកាំបិត ច្នៃពីប្លាស្ទិក នឹងដោយចូលជាធរមាននៅឆ្នាំ២០២០ ។
សេចក្តីព្រៀងច្បាប់នោះគឺជាផ្នែកមួយនៃច្បាប់ស្តីពីកំណែទម្រង់ផ្នែកបរិស្ថាន ដូចគ្នាដែរនឹងការប្រកាសហាមប្រើថង់ប្លាស្ទិកនៅទីផ្សារ និងតាមហាងទំនិញកាលពីខែកក្កដា ក្នុងរដ្ឋជាច្រើនក្នុងសហរដ្ឋអាមេរិក ។ ការហាមប្រើភាជន៍នានាដែលច្នៃពីប្លាស្ទិកនេះ មិនធ្លាប់មានពីមុនមកទេ ។ គោលគំនិតនោះកើតឡើងនៅក្នុងកិច្ចពិភាក្សានៃដំណោះស្រាយកម្តៅផែនដីដែលកើតមាននៅក្រុងប៉ារីស កាលពីឆ្នាំមុន ក្នុងទិសដៅដើម្បីគាំទ្រដល់ប្រព័ន្ធសេដ្ឋកិច្ចដែលលាតសន្ធឹងនៅលើពិភពលោក ។
ការចេញម៉ូដផលិតផលរហូតដល់ដំណាក់កាលកែច្នៃផលិតផលពីប្លាស្ទិកគឺជាវត្ថុមិនអាចរលាយបានក្នុងធម្មជាតិ គ្រាន់តែបាត់បង់ស្ថានភាព និងក្លាយជាវត្ថុរួញ ឬផុយស្រួយ ដែលគ្រោះថ្នាក់ទៅលើវត្ថុមានជីវិតក្នុងធម្មជាតិ ដែលមិនអាចចែករំលែកបានថា តើវត្ថុនេះជាប្លាស្ទិក ឬជាអ្វីជាពិសេសនៅក្នុងមហាសមុទ្រ ។
ក្រៅពីផលបប៉ះពាល់ដល់ប្រព័ន្ធនៃការរស់នៅនោះ ចរន្តនៃការផលិតឧបករណ៍ប្លាស្ទិកត្រូវពឹងផ្អែកលើប្រេងឆៅយ៉ាងច្រើន គឺជាកត្តាដែលមានសកម្មភាពដ៏សំខាន់ដល់ការកកើតបម្លាស់ប្តូរអាកាសធាតុ ។
លោកប្រធានាធិបតី Francois Hollande របស់បារាំងថ្លែងថា បទដ្ឋាននោះនឹងតម្រូវឱ្យបារាំងក្លាយជាប្រទេសគំរូលើការកាត់បន្ថយការបញ្ចេញកម្តៅ ការប្រើថាមពលពីប្រភពជាច្រើន និងបង្កើនការប្រើថាមពលពីធម្មជាតិ ដោតរំពឹងថានឹងចាប់ផ្តើមទៅលើហាងអាហារកុម្មង់ និងរថយន្តលក់ចំណីអាហារនានានៅក្នុងប្រទេស ៕
ចែករំលែកព័តមាននេះ