រកឃើញអ្នកឆ្លងកូវីដថ្មីត្រឹមតែ១៩នាក់ ជាសះស្បើយ២៣នាក់ និងគ្មានអ្នកស្លា.ប់
- ភ្នំពេញ
ក្រសួងសុខាភិបាល បានបញ្ជាក់ថា រកឃើញអ្នកឆ្លងកូវីដតែ១៩នាក់ ព្យាបាលជាសះស្បើយចំនួន២៣នាក់ និងអ្នកស្លា.ប់គ្មាននោះទេ
រាជធានីភ្នំពេញ ៖ ក្រសួងសុខាភិបាល បានបញ្ជាក់ថា រកឃើញអ្នកឆ្លងកូវីដតែ១៩នាក់ ព្យាបាលជាសះស្បើយចំនួន២៣នាក់ និងអ្នកស្លា.ប់គ្មាននោះទេ។
ក្រសួងបានឲ្យដឹងនៅថ្ងៃទី២៥ ខែមេសា ឆ្នាំ២០២២ថា រកឃើញអ្នកឆ្លងថ្មី ចំនួន ១៩ នាក់ទៀត (អូមីក្រុងទាំងអស់) ជាសះស្បើយចំនួន ២៣ នាក់ និងអ្នកស្លា.ប់គ្មាន។ ក្នុងចំណោមអ្នកឆ្លង ករណីឆ្លងសហគមន៍ចំនួន ១៩ នាក់ (អូមីក្រុង) អ្នកដំណើរពីបរទេស គ្មាន។ ហើយគិតត្រឹមព្រឹកថ្ងៃទី១៥ ខែមេសា ឆ្នាំ២០២២ កម្ពុជា មានអ្នកឆ្លងសរុប ១៣៦ ០៣២ នាក់ អ្នកជាសះស្បើយ ១៣២ ៧៣២ នាក់ និងអ្នកស្លា.ប់ ៣ ០៥៥ នាក់។
ក្រសួងក៏បានឲ្យដឹងថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី១៤ ខែមេសា ឆ្នាំ២០២២ បានចាក់លើប្រជាជនអាយុពី១៨ឆ្នាំឡើង មាន ១០២,៧៣% ធៀបជាមួយចំនួនប្រជាជនគោលដៅ ១០លាននាក់។ លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០០,១៨% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់។ លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៧,៨៧% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់។
លើកុមារអាយុ ០៥ឆ្នាំ មាន ១២៤,៦៣% ធៀបជាមួយនឹងប្រជាជនគោលដៅ ៣០៤,៣១៧ នាក់។ លើកុមារអាយុ ០៣ឆ្នាំ ដល់ក្រោម ០៥ឆ្នាំ មាន ៥២,៥៣% ធៀបជាមួយនឹងប្រជាជនគោលដៅ ៦១០,៧៣០ នាក់។សរុប -លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាននាក់ មាន ៩២,៨២% ៕
ចែករំលែកព័តមាននេះ