ខេត្តព្រះសីហនុ ៖ យុវជនម្នាក់ជាប់សង្ស័យពីបទលួចមានស្ថានទម្ងន់ទោស ដោយប្រើហិង្សានិងរំលោភសេពសន្ថវៈ បន្ទាប់ពីយុវជននោះ ត្រូវបានស្ត្រីអាយុជាង៥០ម្នាក់ប្តឹងថា បានចាប់រំលោភ និងប្លន់ក្នុងខណៈគាត់នៅផ្ទះម្នាក់ឯង ដែលហេតុការណ៍នេះ បានកើតមានឡើងកាលពីវេលាម៉ោង០៨ និង៣០នាទីយប់ថ្ងៃទី២៥ កញ្ញា ២០១៦ ស្ថិតនៅក្នុងស្រុកព្រៃនប់ ។
តាមប្រភពពីប៉ូលិសស្រុកឱ្យដឹងថា ជនសង្ស័យឈ្មោះម៉ៅ រដ្ឋា អាយុ២៨ឆ្នាំ ជាជាងសំណង់ មានទីលំនៅក្នុងភូមិ៣ សង្កាត់៣ ក្រុងព្រះសីហនុ បានធ្វើសកម្មភាពចូលលួចយកលុយ មាស និងរំលោភដោយប្រើហិង្សា (រំលោភបានសម្រេច) លើស្ត្រីរងគ្រោះអាយុ៥៣ឆ្នាំ ។
ប្រភពដដែលបន្តទៀតថា មុនកើតហេតុ ជនសង្ស័យចូលទៅផ្ទះស្ត្រីរងគ្រោះលួចមាន់ តែពេលធ្វើសកម្មភាពនោះមាន់ស្រែក
ស្ត្រីជន រងគ្រោះមកទាន់ ជនសង្ស័យក៏ស្ទុះមកចាប់ស្ត្រីរងគ្រោះចងដៃទៅលើជាប់ផ្ទះ ហើយដោះខ្សែ.ក និងឆែកឆេរកបានលុយមួយចំនួន ហើយឆែកនៅនឹងខ្លួនរកលុយ តែពេលដែលឆែកទំនងជនសង្ស័យទ្រាំពុំបាន ក៏រំលោភឈរទាំងដៃជាប់ចំណង រហូតបានសម្រេចតែម្តង ។
បន្ទាប់មក ពេលធ្វើសកម្មភាពរួច ជនសង្ស័យបានទៅផឹកនៅក្នុងភូមិនោះ តែមិនយូប៉ុន្មាន សមត្ថកិច្ចមកឃាត់ខ្លួនតែម្តង ។ សម្ភារដែលយកបានពីជនសង្ស័យមានលុយខ្មែរចំនួន១០,៤២០០រៀល (ដប់ម៉ឺនបួនពាន់ពីររយរៀល) និងលោហធាតុពណ៌លឿង១ខ្សែ
ប្រវែង៦០សង់ទីម៉ែត្រ និងទូរស័ព្ទរបស់ស្ត្រីរងគ្រោះ១គ្រឿងផងដែរ ។
ចែករំលែកព័តមាននេះ