ក្រុមហ៊ុនប្រេងម៉ិចស៊ិក PEMEX រាយការណ៍កាលពីថ្ងៃទី២៥ កញ្ញា ថា ភ្លើងដែលឆាបឆេះនាវាដឹកប្រេងមួយរបស់ក្រុមហ៊ុនប្រេង PEMEX នៅឈូងសមុទ្រម៉ិចស៊ិកបានរលត់ ហើយក្រោយពីឆេះអស់រយៈពេលជាង២៤
ក្រុមហ៊ុនប្រេងម៉ិចស៊ិក PEMEX រាយការណ៍កាលពីថ្ងៃទី២៥ កញ្ញា ថា ភ្លើងដែលឆាបឆេះនាវាដឹកប្រេងមួយរបស់ក្រុមហ៊ុនប្រេង PEMEX នៅឈូងសមុទ្រម៉ិចស៊ិកបានរលត់ ហើយក្រោយពីឆេះអស់រយៈពេលជាង២៤ម៉ោងមក ដោយពុំមានការបំពុលបរិស្ថាន ។
ភ្លើងបានឆាបឆេះនាព្រឹកថ្ងៃទី២៤ កញ្ញា ខណៈនាវាឈ្មោះ BURGOS ស្ថិតនៅច្រកចូលកំពង់ផែ VERACRUZ ភាគខាងកើតម៉ិចស៊ិកជាមួយសមាជិកក្រុមនាវិក៣១នាក់ ស្ថិតក្នុងនាវានេះដែលដឹកប្រេងជាង១៦០.០០០ធុង ។ បណ្តាសមាជិកក្រុមនាវិកត្រូវបានជម្លៀសចេញទាន់ពេល ។ អគ្គិភ័យនេះអាចពន្លត់នាល្ងាចថ្ងៃទី២៥ កញ្ញា ក៏ប៉ុន្តែអ្នកបម្រើសេវាកម្ម១០០នាក់បន្តត្រួតពិនិត្យនាវាទៀត ។
នាព្រឹកថ្ងៃទី២៦ កញ្ញា អ្នកទទួលខុសត្រូវម្នាក់នៃក្រុមពន្លត់ភ្លើង លោក ANTONIO CHEDRAHUI អះអាងប្រាប់ AFP ថា មានការធ្លាយប្រេងកើតឡើង ។ ទោះបីយ៉ាងណា អគ្គនាយកក្រុមហ៊ុន PEMEX លោក JOSE ANTONIO ANAYA បានបដិសេធនាឱកាសសន្និសីទសារព័ត៌មានមួយថា អាជ្ញាធរត្រួតពិនិត្យបរិស្ថានធ្វើការកត់សម្គាល់ថា ពុំមានការហៀរប្រេងឡើយចាប់តាំងពីនាវានេះស្ថិតក្នុងដែនទឹកឈូងសមុទ្រម៉ិចស៊ិកមក ។
ភ្លើងឆាបឆេះក្នុងស៊ីទែន២របស់នាវា BURGOS ដែលដឹកប្រេងសាំង និងប្រេងម៉ាស៊ូតប្រមាណជា១៦០.០០០ធុងចេញពីកំពង់ផែម៉ិចស៊ិក COATZACOALCOS ទៅកាន់កំពង់ផែ VERACRUZ ៕
ចែករំលែកព័តមាននេះ