រឿងរ៉ាវឧកញ៉ាបា.ញ់មេឃ ប៉ូលិសសុំដីកាចាប់ខ្លួន ការសម្រេចស្ថិតលើតុលាការ
រាជធានីភ្នំពេញ ៖ មន្ត្រីនគរបាលព្រហ្មទណ្ឌខណ្ឌពោធិ៍សែនជ័យ បានឲ្យដឹងថា លោក ឧកញ៉ា អៀង ចាន់ថា អគ្គនាយកក្រុមហ៊ុនផែស្ងួតអូល័រវើលវ៉ាយ៍
រាជធានីភ្នំពេញ ៖ មន្ត្រីនគរបាលព្រហ្មទណ្ឌខណ្ឌពោធិ៍សែនជ័យ បានឲ្យដឹងថា លោក ឧកញ៉ា អៀង ចាន់ថា អគ្គនាយកក្រុមហ៊ុនផែស្ងួតអូល័រវើលវ៉ាយ៍
រាជធានីភ្នំពេញ ៖ មន្ត្រីនគរបាលព្រហ្មទណ្ឌខណ្ឌពោធិ៍សែនជ័យ បានឲ្យដឹងថា លោក ឧកញ៉ា អៀង ចាន់ថា អគ្គនាយកក្រុមហ៊ុនផែស្ងួតអូល័រវើលវ៉ាយ៍ និងជាឧត្តមសេនីយ៍យោធាផងនោះ បានដកកាំភ្លើងខ្លីពីចង្កេះបាញ់មេឃ១គ្រាប់កាលពីវេលាម៉ោង៨និង៣០នាទីយប់ ថ្ងៃទី២៣ ខែកញ្ញា នៅតាមផ្លូវជាតិលេខ៤ ស្ថិតក្នុងភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ ។ ករណីនេះ ក៏បង្កឲ្យមានការភ្ញាក់ផ្អើលនិងភ័យខ្លាចដល់ប្រជាពលរដ្ឋដែលកំពុងធ្វើដំណើរតាមផ្លូវជាតិ និងអ្នករស់នៅជិតកន្លែងកើតហេតុនោះផងដែរ ។
តាមព័ត៌មានឲ្យដឹងថា ការបាញ់មេឃនេះ ក៏ព្រោះតែនៅពេលនោះតាមដងផ្លូវខាងលើ មានការកកស្ទះចរាចរណ៍ ហើយលោកឧកញ៉ាម្នាក់នោះជិះរថយន្តមិនកើត បានឲ្យសន្តិសុខម្នាក់ដែលយាមនៅក្រុមហ៊ុនរបស់ខ្លួនជិះម៉ូតូឌុបទៅផ្ទះតែជិះមិនរួច ហើយមានអ្នកជ្រែថែមទៀត ក៏ផ្ទុះកំហឹងដកកាំភ្លើងបាញ់ឡើងលើ១គ្រាប់រួចចុះពីលើម៉ូតូរត់គេចខ្លួនបាត់តែម្ដង ។
បន្ទាប់មក កម្លាំងសមត្ថកិច្ចបានទៅអន្តរាគមន៍និងឃាត់ខ្លួនសន្តិសុខដែលជិះម៉ូតូឌុបឧកញ៉ានោះ នាំទៅសាកសួរដើម្បីបានដឹងពីអត្តសញ្ញាណអ្នកផ្ទុះអាវុធច្បាស់លាស់ហើយក៏ដោះលែងវិញ ហើយព្រោះមិនមានការពាក់ព័ន្ធ ។ ជាមួយនេះ បានកសាងសំណុំរឿងលោកឧកញ៉ាម្នាក់នោះ បញ្ជូនទៅសាលាដំបូងរាជធានីភ្នំពេញ ដើម្បីសុំដីកាតាមចាប់ខ្លួន ប៉ុន្តែការសម្រេចយ៉ាងណានោះគឺនៅលើតុលាការ ។
ប្រភពដដែលបន្តថា ខ្មាន់កាំភ្លើងដែលបាញ់មេឃនោះ ឈ្មោះ អៀង ចាន់ថា អាយុជាង៥០ឆ្នាំ គាត់ជាឧកញ៉ា និងជាអគ្គនាយកក្រុមហ៊ុនផែស្ងួតអូល័រវើលវ៉ាយ៍ មានទីតាំងនៅខាងក្រោយវត្តជម្ពូវ័ន សង្កាត់ចោមចៅ ហើយក៏ជាឧត្តមសេនីយ៍យោធាផងដែរ មានទីលំនៅក្នុងបុរី លឹម ឈាងហាក់ ភូមិព្រៃព្រីងខាងត្បូង សង្កាត់ចោមចៅ ។
ដោយឡែកសន្តិសុខម្នាក់ ដែលត្រូវចាប់ឃាត់ខ្លួនហើយដោះលែងវិញនោះឈ្មោះ ព្រីម គីម អាយុ៣៥ឆ្នាំ យាមនៅផែស្ងួតអូល័រវើលវ៉ាយ៍ និងស្នាក់នៅក្នុងផែស្ងួតខាងលើ ។ សន្តិសុខរូបនេះ ត្រូវឃាត់ខ្លួនរួមជាមួយម៉ូតូ១គ្រឿងម៉ាកស៊ុយហ្សុ៊យគីវីវ៉ា ពណ៌ខៀវ ពាក់ស្លាក លេខភ្នំពេញ ១BT ១០៨៤ ។
មន្ត្រីនគរបាលដដែលឲ្យដឹងទៀតថា នៅយប់ថ្ងៃកើតហេតុនោះ នៅតាមផ្លូវជាតិលេខ៤ មានការកកស្ទះចរាចរណ៍យ៉ាងខ្លាំង ហើយកម្លាំងនគរបាលនៅតាមប៉ុស្ដិ៍និងផ្នែកនានា ត្រូវបានបញ្ជូនឲ្យទៅជួយសម្រួលចរាចរណ៍ផងដែរ ។ ដោយសារតែការកកស្ទះចរាចរណ៍នោះ ធ្វើឲ្យឧកញ៉ាម្នាក់នេះមិនអាចជិះរថយន្តចេញពីក្រុមហ៊ុនទៅផ្ទះរួច ក៏ឲ្យសន្តិសុខម្នាក់ជិះម៉ូតូឌុបជូនទៅផ្ទះ ព្រោះម៉ូតូអាចជ្រែទៅបានស្រួលជាងរថយន្ត ។ លុះពេលទៅដល់ចំណុចខាងលើ នៅតែស្ទះមិនអាចទៅរួច ហើយស្របពេលនោះមានអ្នកដំណើរផ្សេងទៀតជិះម៉ូតូជ្រែផង ទើបធ្វើឲ្យលោកឧកញ៉ាម្នាក់នោះខឹង ក៏ដកកាំភ្លើងខ្លីបាញ់មេឃ១គ្រាប់ បង្កឲ្យមានការភ្ញាក់ផ្អើលឆោឡោដល់អ្នកដំណើរព្រលឹងចុងសក់គ្រប់ៗគ្នា បន្ទាប់មកគាត់បានចុះពីលើម៉ូតូរត់ចូលទៅក្នុងក្រុមហ៊ុនបាត់ស្រមោលទៅ ។
ប្រភពខាងលើបន្តថា ក្រោយពេលបាញ់បោះសេរីអនាធិបតេយ្យរួចមកឧកញ៉ានោះបានរត់បាត់ ឯសន្តិសុខដែលដឹកគាត់ក៏ជិះម៉ូតូរត់គេចខ្លួនដែរ ប៉ុន្តែភ្លាមៗនោះរត់មិនរួចដោយសារតែផ្លូវស្ទះផង មានប្រជាពលរដ្ឋជិះតាមផង ជាពិសេសកម្លាំងនគរបាលកំពុងធ្វើចរាចរណ៍តាមផ្លូវនោះបណ្ដាក់គ្នាដូចខ្យងផង ទើបចាប់ខ្លួនបានភ្លាមៗនាំយកទៅសាកសួរ ។ ពេលនាំទៅដល់ប៉ុស្ដិ៍នគរបាលចោមចៅ សន្តិសុខនោះបានប្រាប់ថា ពិតជាលោកឧកញ៉ា អៀង ចាន់ថា នោះបាញ់មែន ដោយសារតែមានបំណងបំបែកក្រុមក្មេងស្ទាវវាយគ្នាប៉ុណ្ណោះ ។
ដោយឡែក ប្រភពពីអ្នកដំណើរបានប្រាប់នគរបាលនៅកន្លែងកើតហេតុថា មុនពេលផ្ទុះអាវុធមានរថយន្តមួយចំនួនបានចតនៅចិញ្ចើមផ្លូវ ខណៈនោះលោកឧកញ៉ាខាងលើ បានស្រែកខ្លាំងៗថា «ដោយសារតែពួកអាម្ចាស់រថយន្តម៉ែវាហ្នឹងចតអ៊ីចឹង បានផ្លូវវាស្ទះម្ល៉ឹងៗ» ។ ពេលនិយាយចប់ លោកឧកញ៉ាក៏ដកកាំភ្លើងខ្លីមកបាញ់ឡើងលើ១គ្រាប់តែម្ដង ។
ទាក់ទងទៅនឹងហេតុការណ៍នេះ កោះសន្តិភាពមិនអាចទាក់ទងសុំការបំភ្លឺពី លោកឧកញ៉ា អៀង ចាន់ថា នោះបានឡើយ ៕
ចែករំលែកព័តមាននេះ