ខណៈសល់ពេលប៉ុន្មានម៉ោងទៀតដល់ការដេញដោលគ្នាលើកដំបូងជាមួយលោកស្រីហ៊ីលឡារី គ្លីនតុន លោកដូណាល់ ត្រាំ បេក្ខជនប្រធានាធិបតីគណបក្សសាធារណរដ្ឋ កាលពីថ្ងៃទី២៤ កញ្ញា បានគំរាមអញ្ជើញលោកស្រី
ខណៈសល់ពេលប៉ុន្មានម៉ោងទៀតដល់ការដេញដោលគ្នាលើកដំបូងជាមួយលោកស្រីហ៊ីលឡារី គ្លីនតុន លោកដូណាល់ ត្រាំ បេក្ខជនប្រធានាធិបតីគណបក្សសាធារណរដ្ឋ កាលពីថ្ងៃទី២៤ កញ្ញា បានគំរាមអញ្ជើញលោកស្រី GENNIFER FLOWERS អតីតស្រីស្នេហ៍លោកប៊ីលគ្លីនតុន ឡើងបកស្រាយលើឆាកដេញដោលគ្នានេះដែរ ។
ការគំរាមនេះរបស់លោកត្រាំ ធ្វើឡើងបន្ទាប់ពីការប្រកាសរបស់ពាណិជ្ជករម្នាក់ លោក MARK CUBAN ជាម្ចាស់ពិសេសក្រុមបាល់បោះ DALLAS MAVERICKS ជាអ្នករិះគន់ខ្លាំងបំផុតចំពោះលោកត្រាំ ថាលោកត្រូវបានស្នើដោយក្រុមឃោសនារបស់លោកស្រីគ្លីនតុន មកចូលរួមក្នុងវេទិកាជជែកដេញដោលនេះ ។
លោកដូណាល់ ត្រាំ សរសេរតាម TWITTER ថា «ប្រសិនបើមនុស្សសំគឹះ MARK CUBAN មកចូលរួមក្នុងពិធីជជែកដេញដោលតាមទូរទស្សន៍ប្រហែលជាខ្ញុំអាចអញ្ជើញលោកស្រី GENNIFER FLOWERS មកអង្គុយក្បែរគេដែរ» ។
លោកស្រី GENNIFER FLOWERS ដែលមានទំនាក់ទំនងសេ្នហាជាមួយលោកប៊ីលគ្លីនតុន កាលពីដំណាច់ទសវត្សឆ្នាំ៧០នោះឱ្យដឹងថា លោកស្រីត្រៀមមកចូលរួមក្នុងពិធីដេញដោលនេះ ។
លោកស្រី GENNIFER FLOWERS បានសរសេរសៀវភៅមួយ ដែលអះអាងថា ទំនាក់ទំនងស្នេហារបស់លោកស្រីជាមួយលោកប៊ីលគ្លីនតុន មានរយៈពេលដល់ទៅ១២ឆ្នាំ ៕
ចែករំលែកព័តមាននេះ