សាហា.វ ! បន្ទាប់ពីផឹកជាមួយគ្នា ៤ដាវឈាមស្រោចខ្លួន
ខេត្តត្បូងឃ្មុំ ៖ បុរស២នាក់ខណៈផឹកស៊ីជាមួយគ្នាស្រវឹងរៀងៗខ្លួន ស្រាប់តែឈ្លោះប្រកែកគ្នារហូតដល់ផ្ទុះហិ.ង្សា ដោយបុរសម្នាក់បានយកដាវកា.ប់បុរសម្នាក់ទៀត …
ខេត្តត្បូងឃ្មុំ ៖ បុរស២នាក់ខណៈផឹកស៊ីជាមួយគ្នាស្រវឹងរៀងៗខ្លួន ស្រាប់តែឈ្លោះប្រកែកគ្នារហូតដល់ផ្ទុះហិ.ង្សា ដោយបុរសម្នាក់បានយកដាវកា.ប់បុរសម្នាក់ទៀត …
ខេត្តត្បូងឃ្មុំ ៖ បុរស២នាក់ខណៈផឹកស៊ីជាមួយគ្នាស្រវឹងរៀងៗខ្លួន ស្រាប់តែឈ្លោះប្រកែកគ្នារហូតដល់ផ្ទុះហិង្សា ដោយបុរសម្នាក់បានយកដាវកាប់បុរសម្នាក់ទៀតបណ្ដាលឲ្យឈាមហូរស្រោចខ្លួន ។ ហេតុការណ៍នេះកើតឡើងកាលពីវេលាម៉ោង៨ និង៤០នាទីយប់ ថ្ងៃទី២៥ ខែកញ្ញា ឆ្នាំ២០១៦ នៅខាងលិចវត្តដារ ក្នុងភូមិដារជើង ឃុំដារ ស្រុកមេមត់ ។
លោកវរសេនីយ៍ត្រី ឡុង ថាវរិន្ទ អធិការរងនគរបាលស្រុកមេមត់ បានឲ្យដឹងថា ជនរងគ្រោះឈ្មោះ អ៊ុក អាយ អាយុ២២ឆ្នាំ រស់នៅភូមិទ្រៀក ឃុំដារ ស្រុកមេមត់ ចំណែកជនបង្កឈ្មោះ ភក្តិ ភេទប្រុស ។
លោកវរសេនីយ៍ត្រី ឡុង ថាវរិន្ទ បន្តថា មុនពេលកើតហេតុគេបានឃើញជនរងគ្រោះ និងជនបង្ក អង្គុយផឹកស៊ីនៅចំណុចផ្ទះរបស់ឈ្មោះ សុខចាន់ លុះពេលផឹកស្រវឹងធ្លាក់ភ្នែករៀងៗខ្លួន ក៏បានឈ្លោះប្រកែកគ្នា បន្ទាប់មកជនបង្កក៏បានយកដាវមកកាប់ប្រហារជនរងគ្រោះត្រូវក្បាលចំហៀងខាងឆ្វេង ភ្លៅខាងឆ្វេង ម្រាមដៃស្តាំស្ទើរដាច់និងខ្នងដៃខាងឆ្វេងរបួសធ្ងន់ ។
លោកអធិការរង ឲ្យដឹងទៀតថា ក្រោយពីបានកាប់ជនរងគ្រោះរួច ជនបង្កបានរត់គេចខ្លួនបាត់ បន្ទាប់មកជនរងគ្រោះត្រូវបានសាច់ញាតិដឹកតាមរថយន្តទៅសង្គ្រោះនៅមន្ទីរពេទ្យខេត្តកំពង់ចាមទាំងយប់ផងដែរ ។ ជាមួយនោះសមត្ថកិច្ចបានហៅសាក្សីមកសួរនាំ ដើម្បីឲ្យដឹងពីមូលហេតុពិតប្រាកដ ថាតើជម្លោះផ្តើមចេញពីអ្វីមួយបានជាឈានទៅផ្ទុះអំពើហិង្សាកាប់ប្រហារគ្នាបែបនេះ ។ រហូតមកដល់ព្រឹកថ្ងៃទី២៦កញ្ញានេះ ប៉ុស្តិ៍រដ្ឋបាលដារ នៅមិនទាន់ចាប់បានជនបង្កនៅឡើយទេ ព្រោះថា ជននោះបានរត់គេចខ្លួនបាត់ទៅហើយ ៕
ចែករំលែកព័តមាននេះ