លួចម៉ូតូមិត្តភក្តិយកទៅបញ្ចាំ បាន៤ថ្ងៃត្រូវបានម្ចាស់ម៉ូតូរកឃើញ
រាជធានីភ្នំពេញ ៖ យុវជនម្នាក់បានលួចម៉ូតូមិត្តភក្តិយកទៅបញ្ចាំបានលុយគេចខ្លួនបាន៤ថ្ងៃត្រូវបានម្ចាស់ម៉ូតូឃើញឃាត់យកមកឲ្យសមត្ថកិច្ចសាកសួរតែម្តង។
រាជធានីភ្នំពេញ ៖ យុវជនម្នាក់បានលួចម៉ូតូមិត្តភក្តិយកទៅបញ្ចាំបានលុយគេចខ្លួនបាន៤ថ្ងៃត្រូវបានម្ចាស់ម៉ូតូឃើញឃាត់យកមកឲ្យសមត្ថកិច្ចសាកសួរតែម្តង។
រាជធានីភ្នំពេញ ៖ យុវជនម្នាក់បានលួចម៉ូតូមិត្តភក្តិយកទៅបញ្ចាំបានលុយគេចខ្លួនបាន៤ថ្ងៃត្រូវបានម្ចាស់ម៉ូតូឃើញឃាត់យកមកឲ្យសមត្ថកិច្ចសាកសួរតែម្តង។ ករណីនេះបានឃាត់ខ្លួនកាលពីម៉ោង៧និង០០នាទីនៅមុខមន្ទីពេទ្យព្រះកុសុមៈ ផ្លូវ២៧១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។
ជនសង្ស័យឈ្មោះជួន គា អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិត្រពាំងឈូក សង្កាត់ទឹកថ្លា ខណ្ឌសែនសុខ និងមានស្រុកកំណើត ភូមិទួលសំបូរ សង្កាត់ព្រៃវែង ខណ្ឌដង្កោ។ ដើមបណ្តឹងជាម្ចាស់ម៉ូតូឈ្មោះ ថោង ចាន់ណារ៉ា អាយុ១៨ឆ្នាំ មុខរបរសន្តិសុខ ស្នាក់នៅភូមិត្រយឹង ឃុំត្រយឹង ស្រុកអង្គស្នួល ខេត្តកណ្តាល។
តាមសម្ដីដើមបណ្តឹងបានប្រាប់សមត្ថកិច្ចថា កាលពីរសៀលថ្ងៃទី២០ ខែកញ្ញា ឆ្នាំ២០១៦ ជនរងគ្រោះបានជិះម៉ូតូរបស់ខ្លួនម៉ាកMSX ពណ៌សលាយខ្មៅ មិនទាន់មានស្លាកលេខ បានឌុបជនសង្ស័យដែលជាមិត្តភក្តិទៅលេងផ្ទះសង្សាររបស់ខ្លួននៅភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ។
ប្រភពបានប្រាប់ទៀតថា ខណៈដែលខ្លួនជាប់រវល់ចូលបន្ទប់ទឹក ពេលដែលចេញមកវិញស្រាប់តែបាត់ជនសង្ស័យដែលជាមិត្តភក្ដិ ហើយក៏បាត់ម៉ូតូរបស់ខ្លួនដែលពេលនោះគាត់បានព្យាយាមខលទៅមិត្តភក្ដិខាងលើ តែខលមិនចូលហើយខ្លួនបានព្យាយាមដើររករហូតដល់ ថ្ងៃទី២៤ ខែកញ្ញា ឆ្នាំ២០១៦ ទើបឃើញជនសង្ស័យនៅមុខមន្ទីពេទ្យព្រះកុសុមៈក៏ឃាត់ខ្លួនយកមកឲ្យសមត្ថកិច្ចតែម្តង។
ប្រភពពីសមត្ថកិច្ចបានប្រាប់ថា ករណីខាងលើនេះគឺចុងក្រោយ ដើមបណ្តឹងឈប់ប្តឹងវិញ ហើយបានព្រមព្រៀងគ្នាឲ្យជនសង្ស័យខាងលើជូនទៅលោះម៉ូតូរបស់ខ្លួនវិញដែលជនសង្ស័យយកទៅបញ្ចាំនៅម្តុំឃ្លាំងរំសេវក្នុងតំម្លៃ២០០ដុល្លា៕
ចែករំលែកព័តមាននេះ