រថយន្តឡិចស៊ីស RX300 បោលបុកក្មេងទាំងកំរោល
ខេត្តកំពង់ចាម ៖ ក្មេងប្រុសស្រីចំនួន៣នាក់បាននាំគ្នាកំពុងតែអង្គុយលេង នៅមុខផ្ទះរបស់បុរសឈ្មោះ រឿន ជាអ្នកលក់អុសនោះស្រាប់តែមានរថយន្តប្រភេទម៉ាកឡិចស៊ីស RX300
ខេត្តកំពង់ចាម ៖ ក្មេងប្រុសស្រីចំនួន៣នាក់បាននាំគ្នាកំពុងតែអង្គុយលេង នៅមុខផ្ទះរបស់បុរសឈ្មោះ រឿន ជាអ្នកលក់អុសនោះស្រាប់តែមានរថយន្តប្រភេទម៉ាកឡិចស៊ីស RX300
ខេត្តកំពង់ចាម ៖ ក្មេងប្រុសស្រីចំនួន៣នាក់បាននាំគ្នាកំពុងតែអង្គុយលេង នៅមុខផ្ទះរបស់បុរសឈ្មោះ រឿន ជាអ្នកលក់អុសនោះស្រាប់តែមានរថយន្តប្រភេទម៉ាកឡិចស៊ីស RX300 មួយគ្រឿងពាក់ស្លាកលេខ ភ្នំពេញ 2N-8874 បានបើកមកបុកទាំងកំរោល តែមិនបណ្ដាល ឲ្យក្មេងណាម្នាក់ស្លាប់នោះទេ។
ហេតុការណ៏នោះបានកើតឡើងនៅ វេលាម៉ោង៥និង៣៥នាទីល្ងាចថ្ងៃទី២៤ ខែកញ្ញា ឆ្នាំ២០១៦ ត្រង់ចំណុចផ្លូវឡើងចំណោទក្នុងភូមិទី៦ សង្កាត់វាលវង់ ក្រុងកំពង់ចាម ។ សាក្សីនៅកន្លែងកើតហេតុបានប្រាប់ឲ្យដឹងថា រថយន្តខាងលើបានបើកចេញពីទិសដៅខាងកើតមកលិច លុះមកដល់ត្រង់ចំណុចផ្ទះលក់អុសឈ្មោះ រឿន បានបត់ឡើងផ្លូវដើម្បីឆ្ពោះទៅកាន់ផ្ទះរបស់ខ្លួន តែរថយន្តបានប្រើប្រាស់ល្បឿនលឿន ដោយបោលទៅបុកគ្រែដាក់នៅមុខផ្ទះយ៉ាងពេញទំហឹងតែម្តង បណ្ដាលឲ្យបាក់ខ្ទេចគ្រែឈើនោះ ។
សាក្សីបានប្រាប់បន្តថា នៅក្នុងពេលនោះបង្កឲ្យមានការភ្ញាក់ផ្អើល ព្រោះថាមានក្មេងតូចៗ៣នាក់កំពុងតែនាំគ្នាអង្គុយលេងក្រោមគ្រែ ហើយបាននាំគ្នាជួយរើគ្រែចេញឃើញក្មេងៗ ម្នាក់ៗបានតក់ស្លុតជាខ្លាំងព្រមទាំងលាន់មាត់ថា បើសិនជាក្មេងនាំគ្នាឈរលេងនៅមុខគ្រែវិញ កម្លាំងដែលរថយន្តបើកបុកនេះអាចត្រូវដាច់ខ្លួនជា២កំណាត់។
តែនេះមហាសំណាងចេះនាំគ្នាអង្គុយមើលទៅនៅក្រោមគ្រែ។ ក្រោយពីបុកគ្រែឈើបានរងការខូចខ្ទេច រនូតគ្រែបានទៅបុកនឹងជញ្ជាំងបេតុងផ្ទះ របស់ឈ្មោះ រឿនឡើងផុងប្រេះទើបរថយន្តទៅមុខលែងរួច។ចំពោះអ្នកបើកបររថយន្តបង្កឈ្មោះ ម៉ាច ភេទស្រី អាយុ៥១ឆ្នាំ ជាប្រពន្ធរបស់មន្ត្រីអាវុធហត្ថម្នាក់ ។ រថយន្តបង្ក ក្រោយពីកើតហេតុមិនបានឈប់នោះទេ បានរយ៉ែថយហើយបើកបន្តដំណើរទៅមុខទៀត។
លោកអនុសេនីយ៍ឯក ស៊ាម យូសេង អធិការរងនគរបាលក្រុងកំពង់ចាម ទទួលផែនសណ្តាប់ធ្នាប់ប្រាប់ឲ្យដឹងថា នៅក្នុងហេតុការណ៍ខាងលើគឺ បណ្តាលឲ្យរបួសក្មេងស្រីម្នាក់ឈ្មោះ ចេង សុខហេង អាយុ៥ឆ្នាំ រស់នៅភូមិទី៦ សង្កាត់វាលវង់ ក្រុងកំពង់ចាម ហើយត្រូវបានឪពុកម្តាយនាំទៅសង្គ្រោះនៅមន្ទីរពេទ្យ។ រថយន្ត និងអ្នកបើកបរត្រូវបានកម្លាំងជំនាញចរាចរណ៍ នាំមករក្សាទុកនៅក្នុងបរិវេណអធិការដ្ឋាននគរបាលក្រុងកំពង់ចាម ស្ត្រីអ្នកបើកបររថយន្តក៏ត្រូវបានឃាត់ខ្លួនដើម្បីសួរនាំផងដែរ ៕
ចែករំលែកព័តមាននេះ