ភ័យពេកយកទៅឲ្យវិញខ្លះ ត្រូវចាប់ខ្លួនទាំងម្តាយទាំងកូន
ខេត្តកណ្តាល ៖ ជនសង្ស័យ២នាក់ម្តាយនិងកូនត្រូវបានសមត្ថកិច្ចចាប់ខ្លួនជាបន្តបន្ទាប់កាលពីថ្ងៃទី២៤ ខែកញ្ញា ឆ្នាំ២០១៦ នៅភូមិធំ ឃុំភូមិធំ ស្រុកកៀនស្វាយ ខេត្តកណ្ដាល …
ខេត្តកណ្តាល ៖ ជនសង្ស័យ២នាក់ម្តាយនិងកូនត្រូវបានសមត្ថកិច្ចចាប់ខ្លួនជាបន្តបន្ទាប់កាលពីថ្ងៃទី២៤ ខែកញ្ញា ឆ្នាំ២០១៦ នៅភូមិធំ ឃុំភូមិធំ ស្រុកកៀនស្វាយ ខេត្តកណ្ដាល …
ខេត្តកណ្តាល ៖ ជនសង្ស័យ២នាក់ម្តាយនិងកូនត្រូវបានសមត្ថកិច្ចចាប់ខ្លួនជាបន្តបន្ទាប់កាលពីថ្ងៃទី២៤ ខែកញ្ញា ឆ្នាំ២០១៦ នៅភូមិធំ ឃុំភូមិធំ ស្រុកកៀនស្វាយ ខេត្តកណ្ដាល ។
លោកអនុសេនីយ៍ឯក វង សែ អធិការរងស្រុកកៀនស្វាយ ទទួលផែនព្រហ្មទណ្ឌ បានឲ្យដឹងថា ជនសង្ស័យឈ្មោះ តុប ស្រីទូច ភេទស្រី អាយុ៤៨ឆ្នាំ ជាម្តាយ ឃាត់ខ្លួនបានកាលពីវេលាម៉ោង១០ និង៥២នាទីព្រឹក ថ្ងៃទី២៤ ខែកញ្ញា ឆ្នាំ២០១៦ តាមបទបញ្ជារបស់លោក ហេង ផេង ព្រះរាជអាជ្ញារងខេត្តកណ្តាល ចំណែកជនសង្ស័យឈ្មោះ ទេព សម្បត្តិ ភេទប្រុស អាយុ២៣ឆ្នាំ ជាកូន ឃាត់ខ្លួនបាននៅវេលាម៉ោង៥ និង៥០នាទីល្ងាច ថ្ងៃដដែលខណៈធ្វើសកម្មភាពរួចរត់គេចខ្លួនបាន៨ថ្ងៃ ហើយចូលផ្ទះវិញ ។ រីឯជនរងគ្រោះឈ្មោះ ងន ព្រាប ភេទស្រី អាយុ៨៥ឆ្នាំ ។ ទាំងជនសង្ស័យទាំងជនរងគ្រោះរស់នៅភូមិកើតហេតុជាមួយគ្នា ។
លោកអនុសេនីយ៍ឯក វង សែ បានឲ្យដឹងទៀតថា នៅថ្ងៃទី២០ ខែកញ្ញា ឆ្នាំ២០១៦ ស្ត្រីជនរងគ្រោះបានមកដាក់ពាក្យបណ្តឹងនៅអធិការដ្ឋាននគរបាលស្រុកថា កាលពីថ្ងៃទី១៦ ខែកញ្ញា ឆ្នាំ២០១៦ ខណៈរូបគាត់មិននៅផ្ទះ មានចោរគាស់ទ្វារក្នុងផ្ទះរបស់គាត់ចូលទៅរើកកកាយលួចយកប្រាក់អស់ចំនួន3ម៉ឺនដុល្លារ, មាស៥តម្លឹង, ប្លាកទីន១តម្លឹង, ខ្សែដៃដាំពេជ្រ១ខ្សែ ហើយបានដឹងពីមុខសញ្ញាជនសង្ស័យឈ្មោះ ទេព សម្បត្តិ ជាអ្នកលួច ហើយរត់គេចខ្លួនបាត់ ។ ក្រោយទទួលបានពាក្យបណ្តឹងភ្លាម កម្លាំងសមត្ថកិច្ចចុះទៅពិនិត្យមើលផ្ទះកើតហេតុ និងស្រាវជ្រាវស្វែងរកជនសង្ស័យ តែរកមិនឃើញឡើយ ។ លុះដល់យប់ថ្ងៃទី២០កញ្ញា ស្ត្រីឈ្មោះ តុប ស្រីទូច ត្រូវជាម្តាយបង្កើតជនសង្ស័យបានយកប្រាក់ចំនួន៣៩០០ដុល្លារ ខ្សែដៃ៤ខ្សែយកមកឲ្យស្ត្រីរងគ្រោះវិញ ដោយប្រាប់ថា ជនសង្ស័យជាកូនបានទូរស័ព្ទប្រាប់ឲ្យយកមកឲ្យវិញ រូបគាត់មិនដឹងថា កូនលួចទេ ។ ដោយចំនួនទឹកប្រាក់ និងគ្រឿងអលង្កាដែលម្តាយជនសង្ស័យយកមកឲ្យជនរងគ្រោះវិញមិនគ្រប់ចំនួនដែលបាត់ ទើបលោក ហេង ផេង ព្រះរាជអាជ្ញារងអមសាលាដំបូងខេត្តបញ្ជាឲ្យសមត្ថកិច្ចឃាត់ខ្លួនស្ត្រីរូបនេះពីបទសមគំនិតជាមួយកូនលួចទ្រព្យសម្បត្តិអ្នកដទៃ ។
លោកអធិការរងបន្តទៀតថា ក្រោយពីឃាត់ខ្លួនម្តាយបានហើយ នៅល្ងាចថ្ងៃដដែលមានព័ត៌មានរាយការណ៍មកប្រាប់ថា ជនសង្ស័យឈ្មោះ ទេព សម្បត្តិ ជាកូនដែលរត់គេចខ្លួននោះបានលួចចូលមកផ្ទះវិញហើយ ។ ភ្លាមៗនោះកម្លាំងក៏ចុះទៅព័ទ្ធចាប់ឃាត់ខ្លួនជនសង្ស័យជាកូនបានភ្លាមៗនាំមកកាន់អធិការដ្ឋានដើម្បីសួរនាំ ។
លោក វង សែ បញ្ជាក់បន្ថែមថា នៅចំពោះមុខសមត្ថកិច្ចនគរបាលស្រុកកៀនស្វាយ ជនសង្ស័យ ទេព សម្បត្តិ បាននិយាយសារភាពថា ទ្រព្យសម្បត្តិដែលខ្លួនលួចនោះគឺមាន១ស្បោង ចំនួនគ្រឿងអលង្កាមានដូចការរៀបរាប់របស់ជនរងគ្រោះពិតប្រាកដមែន ប៉ុន្តែលុយមានតែ១២៧០០ដុល្លារទេ មិនមែន៣ដុល្លារដូចជនរងគ្រោះនិយាយនោះទេ ។ ប៉ុន្តែខ្លួនលក់ខ្សែក២ខ្សែ ប្លាកទីន១ខ្សែមាស១ខ្សែ បានលុយ១៦០០ដុល្លារទិញម៉ូតូ១គ្រឿងជិះ និងលុយមួយចំនួនស៊ីចាយអស់ហើយ នៅសល់តែលុយចំនួន៣៩០០ដុល្លារ និងខ្សែក ខ្សែដៃ៤ខ្សែ ដែលខ្លួនលាក់ទុកនៅផ្ទះ បានប្រាប់ឲ្យម្តាយយកមកឲ្យជនរងគ្រោះវិញ និងម៉ូតូ១គ្រឿងជិះមកផ្ទះនេះប៉ុណ្ណោះ ៕
ចែករំលែកព័តមាននេះ