ក្រោយការតាមប្រមាញ់រយៈពេល២៤ម៉ោងនៅភាគពាយ័ព្យសហរដ្ឋអាេមរិក ប៉ូលិសប្រកាសនាថ្ងៃទី២៤ កញ្ញា ថា ចាប់បានខ្មាន់កាំភ្លើងជាយុវជនអាយុ២០ឆ្នាំម្នាក់ កើតនៅតួកគី ។ ជននេះទទួលការចោទប្រកាន់ពីបទសម្លាប់មនុស្ស៥នាក់ក្នុងមជ្ឈមណ្ឌលពាណិជ្ជកម្មមួយ ។
យោងតាមអ្នកនាំពាក្យរបស់ប៉ូលិសរដ្ឋវ៉ាស៊ីនតោន លោក MARK FRANCIS ថា ជនសង្ស័យរូបនេះឈ្មោះ ARCAN CETIN អាយុ២០ឆ្នាំ ហើយរស់នៅទីក្រុង OAK HARBOR ជាទីក្រុងមួយនៅជិតក្រុង BURLINGTON ដែលកើតមានការបាញ់ប្រហារកាលពីយប់ថ្ងៃទី២៣ កញ្ញា ។
អ្នកនាំពាក្យរូបនេះបន្តថា ពុំមានជនសង្ស័យផ្សេងទៀតត្រូវតាមរកឡើយ ។ ARCAN CETIN កើតនៅក្រុង ADANA ជាទីក្រុងធំទី៤របស់តួកគី ស្ថិតនៅជាប់សមុទ្រមេឌីទែរ៉ាណេ ។ រូបគេមករៀននៅ OAK HARBOR ហើយធ្វើការនៅហាងលក់គ្រឿងទេសមួយនៅ WIDBEY ISLAND ជាមូលដ្ឋានមួយទៀតនៃរដ្ឋវ៉ាស៊ីនតោន ៕
ចែករំលែកព័តមាននេះ