ចាប់អ្នកប្រព្រឹត្តថ្នាំញៀនមិនចេះអស់ទេ
ខេត្តសៀមរាប ៖ កម្លាំងការិយាល័យប្រឆាំងបទល្មើសគ្រឿងញៀ.ននៃកងរាជអាវុធហត្ថខេត្តបានសហការជាមួយកម្លាំងកងរាជអាវុធហត្ថមូលដ្ឋានស្រុកក្រឡាញ់ ដឹកនាំដោយលោកវរសេនីយ៍ទោ ថា ដាលុច
ខេត្តសៀមរាប ៖ កម្លាំងការិយាល័យប្រឆាំងបទល្មើសគ្រឿងញៀននៃកងរាជអាវុធហត្ថខេត្តបានសហការជាមួយកម្លាំងកងរាជអាវុធហត្ថមូលដ្ឋានស្រុកក្រឡាញ់ ដឹកនាំដោយលោកវរសេនីយ៍ទោ ថា ដាលុច ប្រធានមន្ទីរនៃកងរាជអាវុធហត្ថខេត្ត បានឱ្យកម្លាំងការិយាល័យចុះបង្ក្រាបករណី រក្សាទុកដឹកជញ្ជូន ឬជួញដូរ ដោយខុសច្បាប់នូវសារធាតុញៀន រហូតឈានដល់ធ្វើការឃាត់ខ្លួនជនសង្ស័យបន្តបន្ទាប់ចំនួន៥នាក់ ក្នុងនោះប្រុស៣នាក់ ស្រី២នាក់ រួចនាំយកមកធ្វើការសួរនាំនៅទីបញ្ជាការដ្ឋានកងរាជអាវុធហត្ថខេត្ត ដើម្បីរៀបចំសំណុំរឿងបញ្ជូនទៅតុលាការខេត្តចាត់ការបន្ត។
ហេតុការណ៍ចុះបង្ក្រាបករណីគ្រឿងញៀននេះ ធ្វើឡើងនៅវេលាម៉ោង១៩និង៣០នាទី ថ្ងៃទី២៣ ខែកញ្ញា ឆ្នាំ២០១៦ ស្ថិតនៅចំណុចភូមិក្រឡាញ់ ឃុំក្រឡាញ់ ស្រុកក្រឡាញ់ ខណៈពួកគេកំពុងចែកចាយនៅតាមដងផ្លូវសាធារណៈ។
លោកវរសេនីយ៍ទោ ថា ដាលុច ប្រធានមន្ទីរនៃកងរាជអាវុធហត្ថខេត្ត បានប្រាប់ឱ្យដឹងនៅរសៀលថ្ងៃទី២៤ កញ្ញា ២០១៦ នេះថា ដោយមានការសហការគ្នាបានល្អពីកម្លាំងមូលដ្ឋាន ទើបកម្លាំងការិយាល័យជំនាញចុះប្រតិបត្តិការបង្ក្រាបករណីរក្សាទុកដឹកជញ្ជូន ឬជួញដូរដោយខុសច្បាប់នូវសារធាតុញៀន ព្រមទាំងធ្វើការឃាត់ខ្លួនបានជនសង្ស័យប្រុស-ស្រីជាបន្តបន្ទាប់ចំនួន៥នាក់ ក្នុងនោះប្រុស៣នាក់ ស្រី២នាក់ ។
បច្ចុប្បន្នជនសង្ស័យប្រុស-ស្រី៥នាក់ និងវត្ថុតាងត្រូវបានកម្លាំងការិយាល័យបទល្មើសប្រឆាំងគ្រឿងញៀននៃកងរាជអាវុធហត្ថខេត្ត រៀបចំកសាងសំណុំរឿងបញ្ជូនទៅតុលាការ ដើម្បីចាត់ការតាមផ្លូវច្បាប់៕
ចែករំលែកព័តមាននេះ