អស្ចារ្យ ! លេបចូលពោះឆ្លងកាត់៣ប្រទេសអត់ដឹង កម្ពុជាដឹង
រាជធានីភ្នំពេញ ៖ បុរសជនជាតិអាហ្វ្រិកខាងត្បូងម្នាក់ត្រូវបានសមត្ថកិច្ចឃាត់ខ្លួននៅព្រលាន្តយន្តហោះអន្តរជាតិភ្នំពេញកាលពីវេលាម៉ោង១០ និង៣០នាទីព្រឹក …
រាជធានីភ្នំពេញ ៖ បុរសជនជាតិអាហ្វ្រិកខាងត្បូងម្នាក់ត្រូវបានសមត្ថកិច្ចឃាត់ខ្លួននៅព្រលាន្តយន្តហោះអន្តរជាតិភ្នំពេញកាលពីវេលាម៉ោង១០ និង៣០នាទីព្រឹក ថ្ងៃទី២៣ ខែកញ្ញា ឆ្នាំ២០១៦ ដោយរកឃើញថាមានលេបថ្នាំញៀនលាក់ក្នុងពោះឆ្លងកាត់៣មកដល់ប្រទេសកម្ពុជា ។
សមត្ថកិច្ចបានឲ្យដឹងថា ជនសង្ស័យដែលត្រូវសមត្ថកិច្ចឃាត់ខ្លួនឈ្មោះ BOTHA JACOBUS DAIE ភេទប្រុស អាយុ៣០ឆ្នាំ ជនជាតិអាហ្វ្រិកខាងត្បូង កាន់លិខិតឆ្លងដែនលេខ A05010854 ។
សមត្តកិច្ចបានឲ្យដឹងថា នៅវេលាម៉ោងខាងលើ កម្លាំងជំនាញនៃមន្ទីរប្រឆាំងគ្រឿងញៀនក្រសួងមហាផ្ទៃ បានសហការជាមួយកម្លាំងនគរបាលអន្តោប្រវេសន៍ប្រចាំនៅអាកាសយានដ្ឋានអន្តរជាតិភ្នំពេញ បានឃាត់ខ្លួនបុរសជនជាតិអាហ្វ្រិកខាងត្បូងម្នាក់ដោយសង្ស័យលេបថ្នាំញៀនចូលក្នុងពោះ ដែលបានធ្វើដំណើរមកពីប្រទេសប្រេស៊ីលឆ្លងកាត់ព្រលានយន្តហោះឌុយបៃ និងបាងកកប្រទេសថៃ តាមជើងយន្តហោះ Bangkok airway លេខ EY ៤០២ ។
ក្រោយពេលសមត្ថកិច្ចឃាត់ខ្លួន ជនសង្ស័យរូបនោះត្រូវបាននាំទៅស្គេនមើលក្នុងខ្លួន ជាលទ្ធផលរកឃើញថាមានដុំថ្នាំនៅក្នុងពោះជននោះ ដែលអាចកំណត់បានថាពិតជាដុំថ្នាំញៀនមែន ។ ក្រោយពីស្គេនឃើញមានថ្នាំញៀននៅក្នុងពោះបុរសនោះហើយ សមត្តកិច្ចបាននាំជនសង្ស័យទៅកាន់មន្ទីរប្រឆាំងគ្រឿងញៀន ដើម្បីបើកការស៊ើបអង្កេតបន្ត ។
យោងតាមចម្លើយសារភាពរបស់ជនសង្ស័យថា ខ្លួនបានលេបគ្រឿងញៀនជាប្រភេទថ្នាំកូកាអ៊ីនចូលក្នុងពោះជិត១០០គ្រាប់ ដូច្នោះសមត្តកិច្ចបាននិងព្យាយាមទុកពេល២ថ្ងៃ ដើម្បីឲ្យជនសង្ស័យបញ្ចេញគ្រឿងញៀនពីក្នុងពោះនោះមកវិញតាមររយៈលាមកឃើញបានតែ៣៦គ្រាប់ប៉ុណ្ណោះ ។
សមត្តកិច្ចឲ្យដឹងទៀតថា នៅពេលណាបើកការស៊ើបអង្កេតលើករណីនេះចប់សព្វគ្រប់ ពោលគឺទម្លាក់ថ្នាំញៀនអស់ពីក្នុងពោះ ជនសង្ស័យនឹងត្រូវកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញតាមនិតិវិធី ៕
ចែករំលែកព័តមាននេះ