ហួសចិត្ត ! ប្រើឲ្យទៅទិញថ្នាំ ប្អូនប្រុសបង្កើតបែរជា…
រាជធានីភ្នំពេញ ៖ បុរសម្នាក់និងបក្សពួក២នាក់ត្រូវបានបងប្រុសបង្កើតរបស់ខ្លួនចាប់ខ្លួនយកទៅប្រគល់ឲ្យនគរបាលប៉ុស្តិ៍ក្រាំងធ្នង់បន្ទាប់ពីបាននាំគ្នា …
រាជធានីភ្នំពេញ ៖ បុរសម្នាក់និងបក្សពួក២នាក់ត្រូវបានបងប្រុសបង្កើតរបស់ខ្លួនចាប់ខ្លួនយកទៅប្រគល់ឲ្យនគរបាលប៉ុស្តិ៍ក្រាំងធ្នង់បន្ទាប់ពីបាននាំគ្នា …
រាជធានីភ្នំពេញ ៖ បុរសម្នាក់និងបក្សពួក២នាក់ត្រូវបានបងប្រុសបង្កើតរបស់ខ្លួនចាប់ខ្លួនយកទៅប្រគល់ឲ្យនគរបាលប៉ុស្តិ៍ក្រាំងធ្នង់បន្ទាប់ពីបាននាំគ្នាដោះគ្រឿងម៉ូតូទៅបញ្ចាំយកប្រាក់ស៊ីចាយអស់ ។ ហេតុការណ៍ចាប់ឃាត់ខ្លួននេះធ្វើឡើងកាលពីវេលាម៉ោង២ និង១០នាទីរំលងអាធ្រាត្រឈានចូលថ្ងៃទី២៥ ខែកញ្ញា ឆ្នាំ២០១៦ នៅចំណុចមុខខារ៉ាអូខេឌីយ៉ាម៉ង់ ស្ថិតនៅតាមបណ្តោយផ្លូវ១៩៨៦ ភូមិទំនប់ សង្កាត់ភ្នំពេញថ្មី ខណ្ឌសែនសុខ ។
ជនរងគ្រោះជាម្ចាស់ម៉ូតូមានឈ្មោះ កាន ឌួង ភេទប្រុស អាយុ២៧ឆ្នាំ មុខរបរជាងផ្សារដែក មានទីលំនៅភូមិត្រពាំងវៀន សង្កាត់ក្រាំធ្នង់ ខណ្ឌសែនសុខ ម៉ូតូដែលក្រុមជនសង្ស័យយកទៅបញ្ចាំគ្រឿងម៉ាកហុងដាឌ្រីម ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ ភ្នំពេញ 1DF-2082 ។ ជនសង្ស័យទាំង៣នាក់ដែលត្រូវសមត្ថកិច្ចឃាត់ខ្លួនមាន ១-ឈ្មោះ កាន ឌី ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅភូមិត្រពាំវៀន សង្កាត់ក្រាំងធ្នង់ ខណ្ឌសែនសុខ ត្រូវជាប្អូនប្រុសបង្កើតរបស់ជនរងគ្រោះម្ចាស់ម៉ូតូ, ២-ឈ្មោះ គង់ ដាវិត ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិពោងពាយ សង្កាត់ភ្នំពេញថ្មី ខណ្ឌសែនសុខ, ៣-ឈ្មោះ លី សុខឧត្តម ភេទប្រុស អាយុ២៤ឆ្នាំ មុខរបរមិនពិតប្រាកដ មានទីលំនៅភូមិពោងពាយ សង្កាត់ភ្នំពេញថ្មី ខណ្ឌសែនសុខ ចំណែកឯបក្សពួកម្នាក់ទៀតដែលរត់ពេចខ្លួនបាត់មានឈ្មោះ មេឃ ភេទប្រុស អាយុ២៤ឆ្នាំ មុខរបរមិនពិតប្រាកដ មានទីលំនៅភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ ។
ប្រភពព័ត៌មានពីជនរងគ្រោះបានឱ្យដឹងថា កាលពីថ្ងៃទី២៤ ខែកញ្ញា ឆ្នាំ២០១៦ កូនគាត់មានអាការៈក្តៅខ្លួន ហើយគាត់បានប្រើឈ្មោះ កាន ឌី ដែលត្រូវជាប្អូនប្រុសបង្កើតទៅទិញថ្នាំពេទ្យឲ្យកូនរបស់ខ្លួន ខណៈពេលទិញថ្នាំបានហើយ ជនសង្ស័យបានយកម៉ូតូបងប្រុសយកទៅបាត់មិនឃើញជិះត្រឡប់មកឱ្យវិញទេ រហូតដល់ល្ងាចពុំឃើញយកមកវិញក៏សំរេចចិត្តរត់ទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលក្រាំងធ្នង់ដើម្បីឱ្យជួយអន្តរាគមន៍ ។ បន្ទាប់មកដោយមានការសង្ស័យក៏បាននាំបងប្អូនជិះម៉ូតូដើររក ក៏បានជួបជនសង្ស័យទាំង៣នាក់កំពុងជិះម៉ូតូរបស់គាត់នៅចំណុចខាងលើ ក៏ឃាត់ខ្លួនប្រគល់ឱ្យសមត្ថកិប៉ុស្តិ៍នគរបាលរដ្ឋបាលក្រាំងធ្នង់ ដើម្បីសាកសួរបន្ត ។
ក្រោយពីឃាត់ខ្លួន ជនសង្ស័យដែលត្រូវជាប្អូនប្រុសបង្កើតរបស់ជនរងគ្រោះបានសារថា ខ្លួនបានដោះក្បាំង កុងទ័រ និងកាងដែក យកទៅបញ្ចាំនៅម្តុំផ្សារឃ្លាំងរំសេវបានចំនួន១១ម៉ឺនរៀលយកស៊ីចាយជាមួយមិត្តភក្តិអស់ហើយ ចំណែក បេន បំពង់ស៊ីមុំាង និងគ្រឿងក្នុងមួយចំនួនទៀតត្រូវបក្សពួករបស់គេដោះយកទៅបញ្ចាំទេ ។
ជនរងគ្រោះជាម្ចាស់ម៉ូតូបានឲ្យដឹងថា ម៉ូតូរបស់គាត់ត្រូវបានជនសង្ស័យដោះគ្រឿងក្នុងយកទៅបញ្ចាំអស់ទៅហើយ តែគាត់មិនបានប្តឹងផ្តល់ទេ សុំឲ្យតែជនសង្ស័យទាំងអស់យកលុយទៅលស់របស់គាត់យកមកដាក់ឲ្យវិញបានហើយ ៕
ចែករំលែកព័តមាននេះ