រាជធានីភ្នំពេញ ៖ តារាសម្តែងស៊ីងហ្គាពួរ៤រូបមកជួបអ្នកគាំទ្រ ក្រោមការរៀបចំពីស្ថានីយទូរទស្សន៍ភីភីស៊ីធីវី ក៏ព្រោះតែមានការចាត់ចែង ក្នុងសភាពទទួលខុសត្រូវខ្ពស់របស់ក្រុមការងារ ទើបឱ្យមានតារាស៊ីងហ្គាពួរជាច្រើនដួង ដែលធ្លាប់កក់ក្តៅ ចំពោះការរៀបចំកន្លងមក បានផ្តល់វត្តមានសារជាថ្មីម្តងទៀតនៅកម្ពុជា ។
ការត្រឡប់មកឡើងវិញ របស់តារាលំដាប់កំពូលទាំងនោះ ម្នាក់ៗបានបង្ហាញអារម្មណ៍កក់ក្តៅដក់ជាប់គ្រប់គ្នានូវទង្វើយកចិត្តទុកដាក់ ចំពោះម្ចាស់ផ្ទះតែម្តង រហូតទើបមិនខ្លាចវិលវិញ។
យ៉ាងហោចណាស់ មានតារាសម្តែងប្រុស-ស្រីល្បីឈ្មោះរបស់ប្រទេសស៊ីងហ្គាពួរចំនួន៤រូប បានបង្ហាញវត្តមាននៅកម្ពុជា កាលពីចុងសប្តាហ៍នេះ ប្រយោជន៍ជួបជាមួយអ្នកគាំទ្ររបស់ខ្លួនសម្តែង និងចូលរួមផ្សព្វផ្សាយខ្សែភាពយន្តដែលពួកគេសម្តែងផងដែរ។
សិល្បករទាំង៤រូបរួមមាន អ្នកនាង ហ្សូ អ៊ីថេ, លោក អែលវីន អ៊ឹង, លោក រ៉ូមីអូ តាន់ និងកញ្ញា ផេច ឆ័រដែលបានសម្ដែងក្នុងខ្សែភាពយន្តភាគដ៏ល្បីរឿង «ឆាកជីវិតដូចព្រេងនិទានវគ្គ២» និងរឿង «ពេលវេលាប្រល័យវាសនា» ដែលពួកគេបានមកដល់ព្រះរាជាណាចក្រកម្ពុជាចូលរួមក្នុងកម្មវិធី «ជួបជុំតារាស៊ីងហ្គាពួរ» នៅមហោស្រពរ៉ូហ្សាណា ខេត្តសៀមរាប នាល្ងាចថ្ងៃទី២៤ កញ្ញា នេះ ។ វត្តមានតារាស៊ីងហ្គាពួរដ៏ល្បីកាន់តែស្រស់សង្ហារ ក្នុងសម្លៀកបំពាក់ខ្មែរ
ចែករំលែកព័តមាននេះ