ជនសង្ស័យ៦នាក់បញ្ជូនទៅតុលាការខេត្ត ករណីប្រើប្រាស់គ្រឿងញៀ.ន
ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀ.ន នៃស្នងការដ្ឋាននគរបាលខេត្ត ដោយមានការចូលរួមសហការ ពីកម្លាំងនគរបាលនៃអធិការក្រុង
ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀ.ន នៃស្នងការដ្ឋាននគរបាលខេត្ត ដោយមានការចូលរួមសហការ ពីកម្លាំងនគរបាលនៃអធិការក្រុង
ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្ត ដោយមានការចូលរួមសហការ ពីកម្លាំងនគរបាលនៃអធិការក្រុង និងកម្លាំងនគរបាលរបស់អធិការស្រុកជីក្រែង បានចុះប្រតិបត្តិការបង្ក្រាបករណីប្រើប្រាស់គ្រឿងញៀនដោយខុសច្បាប់នូវសារធាតុញៀន រហូតឈានដល់ធ្វើការឃាត់បានជាបន្តបន្ទាប់ចំនួន៦នាក់ ក្នុងរយៈពេលតែ១ថ្ងៃ រួចនាំយកមកធ្វើការសួរនាំនៅការិយាល័យជំនាញដើម្បីរៀបចំសំណុំរឿងបញ្ជូនទៅតុលាការ។
ហេតុការណ៍ចុះបង្ក្រាបករណី ប្រើប្រាស់គ្រឿងញៀននេះធ្វើឡើងរយៈពេល១ថ្ងៃ គឺថ្ងៃទី២២ ខែកញ្ញា ឆ្នាំ២០១៦ នៅកន្លែងផ្សេងគ្នា ស្ថិតនៅក្នុងបន្ទប់ជួល និងតាមដងផ្លូវសាធារណៈ ក្នុងក្រុង-និង ស្រុកជីក្រែង ខេត្តសៀមរាប។ លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប បានចុះប្រតិបត្តិការបង្ក្រាបករណីជួញដូរគ្រឿងញៀននៅកន្លែងផ្សេងគ្នាក្នុងក្រុងសៀមរាប ដោយមានការចូលរួមពីកម្លាំងនគរបាលចម្រុះឱ្យស្នងការខេត្តសៀមរាប ឈានដល់ធ្វើការឃាត់ខ្លួនបានជនសង្ស័យ ចំនួន០៦នាក់ និងឆែកឆេររកឃើញវត្ថុតាង មួយចំនួន រួចនាំយកមកធ្វើការសួរនាំនៅការិយាល័យជំនាញ ដើម្បីរៀបចំកសាងសំណុំរឿង បញ្ជូនបន្ត ទៅតុលាការ ចាត់ការទៅតាមផ្លូវច្បាប់។
លោកបន្តថា បន្ទាប់ពីបានឃាត់ខ្លួនជនសង្ស័យទាំង៦នាក់ ជនសង្ស័យនៅចំពោះមុខសមត្ថកិច្ចនគរបាលយើងបានឆ្លើយសារភាពថា ពួកគេពិតជាបានរក្សាទុកជួញដូរ និងប្រើប្រាស់នូវសារធាតុញឿនខុសច្បាប់ពិតប្រាកដមែន។ លោកបានបញ្ជាក់បន្ថែមថា ជនសង្ស័យទាំង០៦នាក់ រួមមាន ទី១/ឈ្មោះ សៅ សាលូត ភេទប្រុស អាយុ៣២ឆ្នាំ មុខរបរគ្មាន ស្នាក់នៅភូមិមណ្ឌល៣ សង្កាត់ស្លក្រាម ក្រុងសៀមរាប(ប្រើប្រាស់) ទី២/ឈ្មោះ ឆាត់ ឌីម៉ង់ ភេទប្រុស អាយុ២៣ឆ្នាំ មុខរបរគ្មាន មានទីលំនៅក្រុមទី១៧ ភូមិចុងកៅស៊ូ សង្កាត់ស្លក្រាម ក្រុងសៀមរាប (ប្រើប្រាស់) ទី៣/ឈ្មោះ ប៊ុន សំបាន ភេទប្រុស អាយុ១៦ឆ្នាំ មុខរបរគ្មាន ស្នាក់នៅភូមិចុងកៅស៊ូ សង្កាត់ស្លក្រាម ក្រុងសៀមរាប (ប្រើប្រាស់) ទី៤/ឈ្មោះ ភាព សុជា ភេទប្រុស អាយុ២៦ឆ្នាំ មុខរបរគ្មាន មានទីលំនៅ ភូមិចក ឃុំសង្វើយ ស្រុកជីក្រែង ខេត្តសៀមរាប (ប្រើប្រាស់) និងទី៥/ឈ្មោះ ភន់ លាប ហៅ ដុង ភេទប្រុស អាយុ២២ឆ្នាំ មុខរបរគ្មាន រស់នៅភូមិចក ឃុំសង្វើយ ស្រុកជីក្រែង ខេត្តសៀមរាប (ប្រើប្រាស់) និងទី៦/ឈ្មោះ ឡុក សុខឡៃ ភេទប្រុស អាយុ២២ឆ្នាំ មុខរបរគ្មាន មានទីលំនៅភូមិឃាង ឃុំប្ញស្សីលក ស្រុកជីក្រែង ខេត្តសៀមរាប (ប្រើប្រាស់)។
ក្រោយពីឃាត់ខ្លួន និងសួរនាំជនសង្ស័យចំនួន៦នាក់រួចមក កម្លាំងជំនាញបានធ្វើការដកហូតវត្ថុតាងរួមមាន ទូរដៃចំនួន៤គ្រឿង និងឧបករណ៍វេចខ្ចប់គ្រឿងញៀនមួយចំនួនទៀត។ បច្ចុប្បន្ន ក្រោយពីបានស្តាប់ចម្លើយសារភាពរបស់ជនសង្ស័យ និងធ្វើតេស្តវត្ថុតាងថ្នាំញៀនរួចមក កម្លាំងនគរបាលជំនាញបានកសាងសំណុំរឿងបញ្ជូនជនសង្ស័យ ចំនួន៦នាក់ និងវត្ថុតាងទៅកាន់សាលាដំបូងខេត្តសៀមរាប នៅថ្ងៃទី២៤ ខែកញ្ញា ឆ្នាំ២០១៦ ដើម្បីចាត់ការតាមនីតិវិធីច្បាប់។
មជ្ឈដ្ឋាននានានៅក្នុងខេត្តសៀមរាប បានរិះគន់ទៅលើស្ថាប័នតុលាការ និងសមត្ថកិច្ចពាក់ព័ន្ធមួយចំនួនថា ចំពោះជនសង្ស័យដែលប្រើប្រាស់ និងជួញដូរគ្រឿងញៀនមួយចំនួន តែងតែឃើញ បញ្ជូនទៅមណ្ឌលកែប្រែ រួចក៏ឃើញជិះម៉ូតូបង្អួត សមត្ថកិច្ចថែមទៀតផង ចំណែកអ្នកគ្មានលុយ ជាក់ស្តែងតែងតែឃើញបញ្ជូនទៅដាក់គុក គ្រាន់តែប្រើប្រាស់ដូចគ្នា ដូចពាក្យចាស់ តែងតែពោលថា អ្នកណាមានលុយ អ្នកនោះត្រូវតែឈ្នះគ្រប់យ៉ាង៕
ចែករំលែកព័តមាននេះ