ចៅតិរច្ឆាន ! ឲ្យយាយចិញ្ចឹម មិនត្រឹមតែមិនដឹងគុណ ថែមទាំង…
ខេត្តស្វាយរៀង ៖ ចៅចិត្តតិរិច្ឆានម្នាក់មកដេកស្នាក់នៅឲ្យយាយចិញ្ចឹមហើយ មិនត្រឹមតែមិនដឹងគុណទេ ថែមទាំងរករឿងចង់ដុតផ្ទះចោលទៀតគ្រាន់តែរឿង …
ខេត្តស្វាយរៀង ៖ ចៅចិត្តតិរិច្ឆានម្នាក់មកដេកស្នាក់នៅឲ្យយាយចិញ្ចឹមហើយ មិនត្រឹមតែមិនដឹងគុណទេ ថែមទាំងរករឿងចង់ដុតផ្ទះចោលទៀតគ្រាន់តែរឿង …
ខេត្តស្វាយរៀង ៖ ចៅចិត្តតិរច្ឆានម្នាក់មកដេកស្នាក់នៅឲ្យយាយចិញ្ចឹមហើយ មិនត្រឹមតែមិនដឹងគុណទេ ថែមទាំងរករឿងចង់ដុតផ្ទះចោលទៀតគ្រាន់តែរឿងសុំលុយយាយមិនឲ្យ ។ ចៅចិត្តតិរច្ឆានរូបនេះត្រូវបានសមត្ថកិច្ចចាប់ខ្លួន និងបានបញ្ជូនទៅតុលាការឃុំខ្លួនបណ្តោះអាសន្ននៅពន្ធនាគារខេត្តកាលពីវេលាម៉ោង៤រសៀល ថ្ងៃទី២៣ ខែកញ្ញា ឆ្នាំ២០១៦ ។
សមត្ថកិច្ចបានឲ្យដឹងថា កាលពីវេលាម៉ោង២រសៀល ថ្ងៃទី២១ ខែកញ្ញា ឆ្នាំ២០១៦ លោក សៅ សារី នាយរងប៉ុស្តិ៍នគរបាលរដ្ឋបាលឃុំស្វាយយា បានទទួលព័ត៌មានពីមេភូមិប្រម៉ាថា មានជនសង្ស័យម្នាក់ឈ្មោះ ម៉ន មាស ភេទប្រុស អាយុ១៨ឆ្នាំ មុខរបរធ្វើស្រែ រស់នៅភូមិប្រម៉ា ឃុំស្វាយយា បានប៉ុនប៉ងដុតផ្ទះរបស់យាយដែលខ្លួនកំពុងរស់នៅជាមួយចោលព្រោះខឹងរឿងសុំលុយ យាយមិនឲ្យ ។
សមត្ថកិច្ចបន្តថា ក្រោយទទួលបានព័ត៌មានភ្លាម លោក សៅ សារី ដែលកំពុងឈរជើងនៅភូមិប្រម៉ា បានជិះម៉ូតូអង្គភាពទៅដល់ផ្ទះលោកមេភូមិប្រម៉ា មួយស្របក់ក្រោយមកស្រាប់តែជនសង្ស័យនេះដើរមកដល់ខាងលិចផ្ទះលោកមេភូមិ ហើយបានវាយស្លាកគណបក្សប្រជាជន(តែមិនខូចខាតទេ) រួចក៏ដើរកាន់កាំបិតផ្គាក់ចំនួន២នៅក្នុងដៃចូលទៅផ្ទះឈ្មោះ អៀម នី ជាមេភូមិប្រម៉ា ដោយស្រែកថា អាណាទៅប្តឹងឲ្យប៉ូលីសមកចាប់អញ អញមិនខ្លាចទេ ស្រែកឡូឡារួចក៏ស្ទុះដេញកាប់លោកនាយរងប៉ុស្តិ៍ សៅ សារី ជុំវិញគ្រែក្រោមផ្ទះលោកមេភូមិ តែកាប់មិនត្រូវឡើយ ធ្វើឲ្យជនសង្ស័យកាន់តែខឹងក៏ស្ទុះទៅកាប់ម៉ូតូអង្គភាពដែលលោក សៅ សារី ជិះធ្លាយកង់ទាំង២ រួចហើយបើកម៉ូតូនេះចេញពីផ្ទះមេភូមិឡើងលើផ្លូវថ្នល់សំដៅទៅទិសខាងត្បូងបានប្រហែល១០០ម៉ែត្រជិតដល់ផ្ទះរបស់ខ្លួនក៏បានជួបកម្លាំងនគបាលប៉ុស្តិ៍រដ្ឋបាលឃុំស្វាយយាដែលមកជួយធ្វើអន្តរាគមន៍ ហើយពេលនោះកម្លាំងសមត្ថកិច្ចបានបាញ់គំរាមចំនួន២គ្រាប់ ទើបជនសង្ស័យផ្តួលម៉ូតូ និងទម្លាក់កាំបិតចោល រួចឈរស្ងៀម ។
សមត្ថកិច្ចបញ្ជាក់ថា ភ្លាមៗនោះកម្លាំងបានចូលចាប់ឃាត់ខ្លួនជនសង្ស័យយកមកប៉ុស្តិ៍នគរបាលរដ្ឋបាលឃុំស្វាយយា ដើម្បីកសាងសំណុំរឿងបញ្ជូនមកស្នងការដ្ឋាននគបាលខេត្តចាត់ការបន្តតាមនីតិវិធី ហើយបានបញ្ជូនទៅសាលាដំបូងខេត្តចេញដីកាឃុំខ្លួនបណ្តោះអាសន្ននៅពន្ធនាគារខេត្តតែម្តង ៕
ចែករំលែកព័តមាននេះ