ល្បួងក្មេងស្រីចូលក្នុងសាលារួចធ្វើសកម្មភាពរហូតបានសម្រេច
ខេត្តប៉ៃលិន ៖ បុរសម្នាក់ត្រូវបានសមត្ថកិច្ចចាប់ឃាត់ខ្លួនបន្ទាប់ពីមានពាក្យបណ្ដឹងចោទប្រកាន់ថា បានល្បួងកូនស្រីរបស់គាត់ចូលទៅក្នុងសាលាបឋមសិក្សារួច …
ខេត្តប៉ៃលិន ៖ បុរសម្នាក់ត្រូវបានសមត្ថកិច្ចចាប់ឃាត់ខ្លួនបន្ទាប់ពីមានពាក្យបណ្ដឹងចោទប្រកាន់ថា បានល្បួងកូនស្រីរបស់គាត់ចូលទៅក្នុងសាលាបឋមសិក្សារួចធ្វើសកម្មភាពរំលោភរហូតបានសម្រេច ។ ហេតុការណ៍ចាប់ឃាត់ខ្លួននេះបានធ្វើឡើងកាលពីរសៀលថ្ងៃទី២២ ខែកញ្ញា ឆ្នាំ២០១៦ ស្ថិតនៅភូមិព្រៃមង្គល សង្កាត់អូរតាវ៉ៅ ក្រុងប៉ៃលិន ។
ប្រភពពីសមត្ថកិច្ចបានឱ្យដឹងថា ក្រោយពីមានពាក្យបណ្តឹងពីឪពុកម្តាយក្មេងស្រីរងគ្រោះ ដោយបានអះអាងថា កាលពីព្រឹកថ្ងៃទី១១ ខែកញ្ញា ឆ្នាំ២០១៦ កន្លងទៅមានបុរសម្នាក់ឈ្មោះ អ៊ូ រឿន អាយុ៣១ឆ្នាំ ជាកសិកររស់នៅភូមិជាមួយគ្នាបានល្បួងកូនស្រីរបស់គាត់ដែលទើបមានអាយុ៦ឆ្នាំចូលទៅក្នុងសាលារៀនបឋមសិក្សាមួយដែលសិស្សឈប់សម្រាក រួចក៏ធ្វើសកម្មភាពស្រាតខោអាវចាប់រំលោភរហូតបានសម្រេចរួចក៏ចាកចេញទៅបាត់ស្រមោលតែម្តង ។ បន្ទាប់មកកូនស្រីរបស់គាត់បានដើរសំដៅមកផ្ទះ រួចប្រាប់ម្តាយថា បុរសខាងលើបានចាប់រំលោភខ្លួន ដោយឃើញសភាពមិនស្រួល ឪពុកម្តាយក៏ប្រញាប់បញ្ជូនមកសង្គ្រោះនៅមន្ទីរពេទ្យបង្អែកខេត្តប៉ៃលិន ដើម្បីពិនិត្យ និងព្យាបាល ។
ក្រោយពេលចាប់ខ្លួន ជនសង្ស័យបានសារភាពថា រូបគេពិតជាបានរំលោភក្មេងស្រីរងគ្រោះខាងលើរហូតដល់បានសម្រេចមែន នេះទើបតែជាលើកទី១ទេ ។
បច្ចុប្បន្នសមត្ថកិច្ចកំពុងកសាងសំណុំរឿងដើម្បីបញ្ជូនជនសង្ស័យទៅតុលាការចាត់ការតាមនីតិវិធី ។ ចំណែកក្មេងស្រីរងគ្រោះត្រូវសមត្ថកិច្ចកំពុងទាក់ទងទៅខាងអង្គការមកពីភ្នំពេញឲ្យជួយអន្តរាគមន៍បន្ថែមទៀត ៕
ចែករំលែកព័តមាននេះ