មិនគួរបងថ្លៃធ្វើដាក់ប្អូនថ្លៃបែបនេះសោះ
ខេត្តកណ្ដាល ៖ បុរសម្នាក់ត្រូវប្អូនថ្លៃចាប់ខ្លួនយកមកប្រគល់ឲ្យនគរបាលក្រុងតាខ្មៅកាលពីរសៀលថ្ងៃទី២២ ខែកញ្ញា ឆ្នាំ២០១៦ បន្ទាប់ពីបាន …
ខេត្តកណ្ដាល ៖ បុរសម្នាក់ត្រូវប្អូនថ្លៃចាប់ខ្លួនយកមកប្រគល់ឲ្យនគរបាលក្រុងតាខ្មៅកាលពីរសៀលថ្ងៃទី២២ ខែកញ្ញា ឆ្នាំ២០១៦ បន្ទាប់ពីបាន …
ខេត្តកណ្ដាល ៖ បុរសម្នាក់ត្រូវប្អូនថ្លៃចាប់ខ្លួនយកមកប្រគល់ឲ្យនគរបាលក្រុងតាខ្មៅកាលពីរសៀលថ្ងៃទី២២ ខែកញ្ញា ឆ្នាំ២០១៦ បន្ទាប់ពីបានខ្ចីរថយន្តជិះបែរជាយកទៅលក់បាត់ ថែមទាំងខ្ចីលុយជាង៧ពាន់ដុល្លាថែមទៀតហើយមិនព្រមសងវិញ ។
មន្ត្រីនគរបាលក្រុងតាខ្មៅបានឱ្យដឹងថា ជនសង្ស័យឈ្មោះ វណ្ណ ជីវ័ន្ត ភេទប្រុស អាយុ៣៦ឆ្នាំ ទីលំនៅភូមិខ្ពបវែង សង្កាត់កំពង់សំណាញ់ ក្រុងតាខ្មៅ មុខររលក់ដូរ ចំណែកជនរងគ្រោះឈ្មោះ ផែន វណ្ណថា ភេទប្រុស អាយុ៤៦ឆ្នាំ ទីលំនៅភូមិចុងកៅស៊ូ សង្កាត់ស្លក្រាម ក្រុងខេត្តសៀមរាប មុខរបរលក់ដូរ ។
មន្ត្រីនគរបាលបានឱ្យដឹងបន្ថែមថា កាលពីឆ្នាំ២០១៣ ជនសង្ស័យបានខ្ចីរថយន្ត១គ្រឿងម៉ាកកាមរីបាឡែន ពណ៌ ទឹកប្រាក់ ស៊េរីឆ្នាំ២០០២ ពីជនរងគ្រោះត្រូវជាប្អូនថ្លៃរបស់ខ្លួនជិះ តែបែរជាយកទៅលក់បានលុយ១១០០០ដុល្លារ ហើយយកលុយទៅរកស៊ី និងសងបំណុលគេអស់ទៅ ដោយមិនព្រមសងទៅជនរងគ្រោះវិញឡើយ ។ ក្រោយមកជនសង្ស័យបានខ្ចីលុយពីជនរងគ្រោះ៧.៦០០ដុល្លារបន្ថែមទៀតយកទៅរកស៊ី ហើយក៏មិនបានសងជនរងគ្រោះវិញទៀត ។
លុះមកដល់ថ្ងៃទី២២ ខែកញ្ញា ឆ្នាំ២០១៦ ជនរងគ្រោះក៏បាននាំជនសង្ស័យមកអធិការដ្ឋាននគរបាលក្រុងតាខ្មៅដើម្បដាក់ពាក្យបណ្ដឹងតាមច្បាប់ ។
នៅចំពោះមុខសមត្ថកិច្ច ជនសង្ស័យសារភាពថា ខ្លួនពិតជាបានខ្ចីរថយន្ត និងលុយពីជនរងគ្រោះប្រាកដមែន និងមិនទាន់បានសងវិញទេ ។ ជនសង្ស័យត្រូវបាននគរបាលកសាងសំណុំរឿងចាត់ការបន្តតាមច្បាប់ ៕
ចែករំលែកព័តមាននេះ