យប់មិញ ! បាក់ស្រុតសាលាឆាន់វត្តមហាមន្ត្រី
រាជធានីភ្នំពេញ ៖ កាលពីវេលាម៉ោងជាង២ទៀបភ្លឺឈានចូលថ្ងៃទី២២ ខែកញ្ញា ឆ្នាំ២០១៦ សាលាឆាន់វត្តមហាមន្ត្រី បាក់ស្រុតទាំងស្រុងហើយ …
រាជធានីភ្នំពេញ ៖ កាលពីវេលាម៉ោងជាង២ទៀបភ្លឺឈានចូលថ្ងៃទី២២ ខែកញ្ញា ឆ្នាំ២០១៦ សាលាឆាន់វត្តមហាមន្ត្រី បាក់ស្រុតទាំងស្រុងហើយ បន្ទាប់ពីកើតឧប្បទ្ទវហេតុបាក់ស្រុតធ្នឹមពិបាន និងក្បាលសសរកាលពីថ្ងៃកាន់បិណ្ឌវេនទី៣កន្លងមក ។
សូមបញ្ជាក់ថា កំពុងរៀបចំចង្ហាន់ ទាំងព្រះសង្ឃទាំងពុទ្ធបរិស័ទរត់ចេញពីក្នុងសាលាឆាន់
ព្រះសង្ឃ និងគណៈកម្មការវត្តមហាមន្ត្រីដែលមានទីតាំងនៅតាមបណ្ដោយផ្លូវព្រះសីហនុ សង្កាត់អូឡាំពិក ខណ្ឌចំការមន បានឲ្យដឹងថា នៅមិនទាន់គម្រោងច្បាស់លាស់ក្នុងសាងសង់សាលាឆាន់ថ្មីនៅឡើយទេ ហើយការបាក់ស្រុតកាលពីយប់មិញក៏គ្មានបង្កឲ្យមានមនុស្សណាម្នាក់គ្រោះថ្នាក់ដែរ ។
គួរបញ្ជាក់ផងដែរថា ក្រោយពីមានឧប្បទ្ទវហេតុបាក់ស្រុតធ្នឹមពិដាន និងក្បាលសសរនៅក្នុងសាលាឆាន់មួយដែលមានវ័យចំណាស់ និងអាយុកាលប្រមាណជាជិត៦០ឆ្នាំទៅហើយនោះ បានបង្កឱ្យមានការភ្ញាក់ផ្អើលកើតឡើងទៅដល់ព្រះសង្ឃជាច្រើនអង្គ និងពុទ្ធបរិស័ទ្ធដែលកំពុងប្រារព្ធពិធីបុណ្យកាន់បិណ្ឌក្នុងវេនទី៣កាលពីវេលាម៉ោង១០ និង៤៥នាទីព្រឹក ថ្ងៃទី១៩ ខែកញ្ញា ឆ្នាំ២០១៦ នៅក្នុងវត្តមហាមន្ត្រី ព្រះសង្ឃ និងគណៈកម្មការវត្តក៏ប្រជុំសម្រេចចាក់សោបិទទ្វារសាលាឆាន់ខាងលើ និងធ្វើរោងថ្មីមួយទៀតដើម្បីឱ្យពុទ្ធបរិស័ទអញ្ជើញមកចូលរួមធ្វើបុណ្យកាន់បិណ្ឌបានរហូតទៅដល់ចប់ចុងចប់ដើមក្នុងកម្មវិធីបុណ្យភ្ជុំបិណ្ឌទៅតាមប្រពៃណីជាធម្មតា ។
ចែករំលែកព័តមាននេះ