ប្រទេសចិន ៖ កាលពីថ្ងៃទី១៩ កញ្ញា អ្នកជំនួញក្នុងទីផ្សារអាស៊ីមួយចំនួនបានត្រៀមខ្លួនសម្រាប់កិច្ចប្រជុំធនាគារជាតិនៅសហរដ្ឋអាមេរិក និងជប៉ុន នាសប្តាហ៍នេះ។ អ្នកជំនួញទាំងនោះមានសង្ឃឹមថា
ប្រទេសចិន ៖ កាលពីថ្ងៃទី១៩ កញ្ញា អ្នកជំនួញក្នុងទីផ្សារអាស៊ីមួយចំនួនបានត្រៀមខ្លួនសម្រាប់កិច្ចប្រជុំធនាគារជាតិនៅសហរដ្ឋអាមេរិក និងជប៉ុន នាសប្តាហ៍នេះ។ អ្នកជំនួញទាំងនោះមានសង្ឃឹមថា អាជ្ញាធរនឹងអនុម័តនូវគោលនយោបាយរូបិយវត្ថុដែលធូររលុងជាងមុន ។
បន្ទាប់ពីមានការតស៊ូមតិពីមន្ត្រីធំៗរបស់សហរដ្ឋអាមេរិកទៅលើបញ្ហាដំឡើងប្រាក់ក៏មានការព្រួយបារម្ភថា ក្រដាស់ប្រាក់ដែលមានតម្លៃថោកអាចនឹងមកដល់ទីបញ្ចប់នាពេលខាងមុខ។
ភាពខ្វះខាតនៃជំនឿទុកចិត្តទៅលើគម្រោងរបស់ធនាគារ Bank of Japan ក៏នាំឲ្យមានភាពព្រួយបារម្ភផងដែរ ។ ការទិញអាជ្ញាប័ណ្ណ និងការចំណាយយ៉ាងច្រើនរបស់រដ្ឋាភិបាលអស់រយៈពេលជាច្រើនឆ្នាំមកនេះ ពិតជាមានឥទ្ធិពលតិចតួចណាស់ទៅលើសេដ្ឋកិច្ច ដែលកាន់តែអន់ថយរបស់ប្រទេសជប៉ុន ។
លោក Bernard Aw មកពីក្រុមហ៊ុន IG Ltd ប្រទេសសិង្ហបុរី បាននិយាយថា ៖ «មានការព្រួយបារម្ភកើនឡើងពីកម្រិតនៃឥទ្ធិពល ដែលគោលនយោបាយរូបិយវត្ថុអាចមានទៅលើការរីកចម្រើន » ។
សម្រាប់ធនាគារ Bank of Japan គឺពិតជាស្មុគស្មាញណាស់ មិនដូចធនាគារជាតិរបស់សហរដ្ឋអាមេរិក Fed ដែលជាកន្លែងវិនិយោគិនមើលឃើញទៅលើគោលនយោបាយរូបិយវត្ថុទេ ។ លោកទេសាភិបាល Haruhiko Kuroda បាននិយាយម្តងហើយម្តងទៀតថា ពួកគេមានគោលនយោបាយជាច្រើនទៀតសម្រាប់ប្រើប្រាស់ ។
សន្ទស្សន៍ទីផ្សារហ៊ុន Straits Times Index (STI) របស់ប្រទេសសិង្ហបុរី បានកើនឡើងប្រមាណ០,៨% ។ ចំណែកឯទីផ្សារហ៊ុននៅហុងកុង បានកើនឡើង០,៩% បន្ទាប់ពីវិនិយោគិនត្រឡប់មកពីកិច្ចប្រជុំក្នុងតំបន់ កាលពីថ្ងៃសុក្រ ។
សម្រាប់ទីផ្សារហ៊ុននៅសៀងហៃវិញបានបិទក្នុងថ្ងៃព្រហស្បតិ៍ និងសុក្រ តែក៏បានកើនឡើង០,៨% ខណៈក្រុងសេអ៊ូលកើនឡើង០,៨% ដូចគ្នា ។ ប៉ុន្តែសម្រាប់ក្រុងតូក្យូ គឺទីផ្សារហ៊ុនត្រូវបានបិទ ព្រោះមានបុណ្យជាតិ ។
បន្ទាប់ពីមានការបញ្ចេញនូវទិន្នន័យដែលបង្ហាញថា មានអតិផរណាកើនឡើងក្នុងសហរដ្ឋអាមេរិកនាខែសីហា តម្លៃប្រាក់ដុល្លារក្នុងថ្ងៃសុក្រមុននៅតែកើនឡើង បើធៀបនឹងប្រាក់ផោន និងប្រាក់អឺរ៉ូ ។
ម្យ៉ាងទៀត តម្លៃប្រេងបានកើនឡើងព្រោះតែជម្លោះបានបញ្ឈប់ក្នុងប្រទេស Libya ដែលទ័ពរបស់រដ្ឋាភិបាលត្រូវបានគាំទ្រដោយអង្គការសហប្រជាជាតិ វាយបកទៅវិញកាលពីថ្ងៃអាទិត្យ និងគ្រប់គ្រងផែ ដែលត្រូវបានរឹបអូសកាលពីសប្តាហ៍មុនដោយគណបក្សប្រឆាំង ។
គួរបញ្ជាក់ថា តម្លៃប្រេងបានធ្លាក់ចុះអស់រយៈពេល១ខែពេញ តាំងពីមុនមានជម្លោះក្នុងប្រទេសខាងលើ ដែលជាប្រទេសមានប្រេងច្រើនជាងគេក្នុងទ្វីបអាហ្វ្រិក ។ តម្លៃប្រេងរបស់ក្រុមហ៊ុន West Texas Intermediate បានកើនឡើង៧៦សេន ស្មើនឹង៤៣.៧៩ដុល្លារអាមេរិក និងក្រុមហ៊ុន Brent បានកើន៧៤សេន ស្មើនឹង៤៦.៥១ដុល្លារអាមេរិក ។
ទោះយ៉ាងណា ការកើនឡើងនៃតម្លៃនេះមានកម្រិតនៅឡើយ ព្រោះការផ្គត់ផ្គង់ និងការផលិតហួសកម្រិត ។ ពាណិជ្ជករកំពុងរង់ចាំកិច្ចប្រជុំរវាងប្រទេសផលិតប្រេង OPEC និងប្រទេសរុស្ស៊ី នាសប្តាហ៍ខាងមុខ ដែលមានគោលដៅស្វែងរកដំណោះស្រាយលើបញ្ហានេះ ។ ប៉ុន្តែការព្រួយបារម្ភនៅតែមានទៅលើឱកាសដែលកិច្ចព្រមព្រៀងនេះអាចនឹងសម្រេចឬអត់ ៕
ចែករំលែកព័តមាននេះ