រាជធានីភ្នំពេញ ៖ បឺត ខាំ អ្នកប្រដាល់ មកពីក្លឹបសាលវ័ន្ដកីឡា ដែលមិនសូវមាន ឱកាសបានឡើងសង្វៀនញឹកញាប់នោះ ពេលនេះបានបង្ហាញខ្លួនជាថ្មីម្ដងទៀតហើយ ដោយជួបប្រកួតជាមួយ វ៉ែន សុវណ្ណ មកពីក្លឹប កងកេងខេត្ដបាត់ដំបង នៅលើសង្វៀនស្ថានីយទូរទស្សន៍ប៉ុស្ដិ៍លេខ៥ នារសៀលថ្ងៃ អាទិត្យ ទី៦ មិថុនា ឆ្នាំ២០១០ ។
បឺត ខាំ ជាអ្នកប្រដាល់ល្បីឈ្មោះដែល បច្ចុប្បន្នស្ទើរតែគ្មានដៃគូប្រកួត ហើយបញ្ហា នេះធ្វើឱ្យគេមិនសូវមានឱកាសបានឡើង សង្វៀនញឹកញាប់ ។ បឺត ខាំ ជាអ្នកប្រដាល់ ដែលពោរពេញទៅដោយកំរិតបច្ចេកទេស ខ្ពស់ ដែលកម្រមានអ្នកណាបង្ក្រាបបាន ទោះ បីយ៉ាងណា ពេលនេះ វ៉ែន សុវណ្ណ ដែលតាម ពិតទៅជាសិស្សច្បងរបស់ បឺត ខាំ ផងនោះ បានចេញមុខមកតតាំងជាមួយសិស្សប្អូនម្ដង ។ វ៉ែន សុវណ្ណ ក៏ជាអ្នកប្រដាល់ល្បី ឈ្មោះ១រូបដែរ ដែលការប្រកួតចុងក្រោយ របស់គេកាលពីអំឡុងខែមេសា កន្លងមក បានយកឈ្នះពិន្ទុ ម៉ា ឆៃមឿត មកពីក្លឹប ឃ្លាំងមឿងកីឡា ។
មជ្ឈដ្ឋានជាច្រើនបាន ទទួលស្គាល់ថា “បឺត ខាំ ខ្លាំង” ប៉ុន្ដែឆ្លងកាត់ ពេលវេលាដែលគេបានឃ្លាតឆ្ងាយពីសង្វៀន ប្រដាល់យូរ មិនដឹងជាយ៉ាងណានោះទេ ម្យ៉ាងទៀត សំរាប់ វ៉ែន សុវណ្ណ ក៏ជាអ្នក ប្រដាល់ដែលមិនអាចមើលស្រាលបានដែរ ។
នួន លិក្ខុ មកពីក្លឹបក្រសួងការពារជាតិ ត្រូវប្រកួតជាមួយ ចាន់ វីរៈ មកពីក្លឹបកងពល តូចលេខ៧០ ។ គូនេះក៏មិនធម្មតាដែរ ពួកគេ សុទ្ធតែជើងខ្លាំងក្នុងប្រភេទទំងន់៥៧គីឡូ ក្រាម ។ ប្រកួតចុងក្រោយរបស់ នួន លិក្ខុ និង ចាន់ វីរៈ សុទ្ធតែបានបំបាក់ដៃគូឱ្យសន្លប់ ដូចគ្នា ។ កាលពីថ្ងៃទី២៣ មេសា កន្លងមក នួន លិក្ខុ បានផ្ដួល សឺន ចាន់វីរៈ មកពីក្លឹបសិង្ហ កីឡា ឱ្យសន្លប់ក្នុងទឹកទី២ ។
រីឯ ចាន់ វីរៈ វិញ កាលពីថ្ងៃទី១៦ ឧសភា កន្លងមក គេ បានបំបាក់ ទិត្យ សុវណ្ណគិរី មកពីក្លឹប ប្រដាល់ខេត្ដកោះកុង ឱ្យសន្លប់ក្នុងទឹកទី៤ ។ រវាង នួន លិក្ខុ និង ចាន់ វីរៈ សុទ្ធតែជាជើង ខ្លាំងនៅពេលជួបគ្នា តើទៅជាយ៉ាងណា?
ចៅ ផលឌឿ មកពីក្លឹបកងកេងខេត្ដ បាត់ដំបង ត្រូវប្រកួតជាមួយ សិង្ហ សាវ៉ន មក ពីក្លឹបសិង្ហកីឡា ។ តាមពិត ផលឌឿ និង សាវ៉ន ប្រកួតក្នុងលក្ខណៈសងសឹក ពីព្រោះ កាលពីថ្ងៃទី២៣ ឧសភា កន្លងមក សាវ៉ន ធ្លាប់ប្រកួតចាញ់ពិន្ទុ ផលឌឿ ម្ដងរួចមក ហើយ ។
ចាំមើលមើល៍ ការជួបគ្នាលើកទី២ នេះ សាវ៉ន អាចយកឈ្នះ ផលឌឿ វិញម្ដង ឬយ៉ាងណា?នៅមានអ្នកប្រដាល់ស្រករក្រោយច្រើន គូទៀត ដូចជា ជ័យ ប៊ុនឡេង មកពីក្លឹបខេម រិន្ទមានឫទ្ធិ ប្រកួតជាមួយ សន វីរៈ មកពីក្លឹប កងពលធំអន្ដរាគមន៍លេខ៣ ខេត្ដព្រះវិហារ ។ សុខ ចាន់ដារ៉ា មកពីក្លឹបកងរថ ក្រោះ ប្រកួតជាមួយ លាង ចំណាប់ មកពី ក្លឹបបុរីនាគរាជ ។ រីឯការប្រកួតជាលក្ខណៈ សកលវិញ ហ៊ិន សៃហេង មកពីក្លឹបក្រសួង មហាផ្ទៃ ប្រកួតជាមួយ ចេង រិទ្ធីកុសល មក ពីក្លឹបកងទ័ពជើងទឹក ៕
ចែករំលែកព័តមាននេះ