រាជធានីភ្នំពេញ ៖ ស្រាសាំប៉ាញ ម៉ាក Mum Corden Rouge ដែលជាផលិតផលស្រាដ៏ល្បីឈ្មោះមួយមកពីប្រទេសបារាំង បានសហការជាមួយបណ្ដាសណ្ឋាគារលំដាប់ផ្កាយនៅក្នុងប្រទេសកម្ពុជា
រាជធានីភ្នំពេញ ៖ ស្រាសាំប៉ាញ ម៉ាក Mum Corden Rouge ដែលជាផលិតផលស្រាដ៏ល្បីឈ្មោះមួយមកពីប្រទេសបារាំង បានសហការជាមួយបណ្ដាសណ្ឋាគារលំដាប់ផ្កាយនៅក្នុងប្រទេសកម្ពុជា ដើម្បីចែកចាយដល់ភ្ញៀវដែលពិសារអាហារនៅក្នុងសណ្ឋាគារ ឬភ្ញៀវដែលចូលស្នាក់ និងរៀបចំកម្មវិធីនានា ក្នុងសណ្ឋាគារ។ កាលពីល្ងាចថ្ងៃទី១៦ ខែកញ្ញា ឆ្នាំ២០១៦ កន្លងមកនេះដែរ ក្រុមហ៊ុននាំចូលស្រាសាំប៉ាញមួយប្រភេទនេះ បានអញ្ជើញភ្ញៀវលំដាប់ពិសេស ( VIP ) នៅក្នុងប្រទេសកម្ពុជា ចូលរួមពីសាអាហារពេលល្ងាច និងភ្លក្សរសជាតិស្រាសាំប៉ាញមួយនេះផងដែរ នៅសណ្ឋាគាររ៉ាហ្វល់ឡឺរ៉ូយ៉ាល់ រាជធានីភ្នំពេញ ។
តំណាងក្រុមហ៊ុននាំចូលស្រាសាំប៉ាញ Mum Corden Rouge បានឱ្យដឹងថា តាមពិតទៅស្រានេះ បាននាំចូលមកក្នុងទីផ្សារប្រទេសកម្ពុជាយូរមកហើយ តែទើបតែពេលនេះក្រុមហ៊ុននាំចូលបានចាប់ផ្ដើមផ្សព្វផ្សាយ និងសហការជាមួយសណ្ឋាគារលំដាប់ផ្កាយ៤ ផ្កាយប្រាំនៅក្នុងប្រទេសកម្ពុជា ដើម្បីអោយភ្ញៀវបានស្គាល់ និងសាកល្បងរសជាតិរបស់ស្រាសាំប៉ាញ Mum Corden Rouge មួយនេះ ។ ស្រានេះវាមានឈ្មោះល្បីណាស់នៅបណ្ដាប្រទេសជឿនលឿនមួយចំនួន ។
តំណាងក្រុមហ៊ុននាំចូលបន្តថា ស្រានេះយើងសំដៅលើអតិថិជនដែលមានកម្រិតជីវភាពថ្នាក់មធ្យមឡើងទៅ ព្រោះថា តម្លៃរបស់វាហាក់ដូចជាខ្ពស់ជាស្រាដទៃទៀតបន្តិច ។ សម្រាប់នៅក្រៅប្រទេសវិញស្រានេះលក់ដាច់ខ្លាំងនៅប្រទេសបារាំង ចិន និងប្រទេសសិងហ្កាពួរ និងប្រទេសមួយចំនួនទៀត ។
តំណាងក្រុមហ៊ុនបន្ថែមថា ក្រៅពីសណ្ឋាគាររ៉ាហ្វល់ឡឺរ៉ូយ៉ាល់ ស្រាសាំប៉ាញ Mum Corden Rouge ក៏មានសហការជាមួយសណ្ឋាគារលំដាប់ផ្កាយ៤ ផ្កាយ៥ផ្សេងទៀតនៅក្នុងប្រទេសកម្ពុជា ដូចជាសណ្ឋាគារ ឡឺក្រង់ ( Le Grand ) នៅសៀមរាប សណ្ឋាគារអ៊ីនធើខន់ ហើយនឹងត្រៀមសហការនាំចូលទៅក្នុងសណ្ឋាគារលំដាប់ផ្កាយ៤ និងផ្កាយ៥ផ្សេងទៀតនៅក្នុងប្រទេសកម្ពុជា ដើម្បីអោយភ្ញៀវដែលចូលទៅញ៉ាំអាហារនៅក្នុងសណ្ឋាគារអាចភ្លក្សរសជាតិជាមួយនឹងម្ហូបនៅក្នុងសណ្ឋាគារ ជាមួយគូរសង្សារ មិត្តភក្ដិ ក្រុមការងារ ឬក្រុមគ្រួសារជាដើម ៕
ចែករំលែកព័តមាននេះ