ឌឺមែន! លួចទាំងទ្រព្យ លួចទាំងខោអាវ ថែមទាំងពាក់បញ្ឈឺនៅមុខម្តាយជនរងគ្រោះទៀត
- បន្ទាយមានជ័យ
ជនសង្ស័យដែលតែងតែបង្កអសន្តិសុខដល់សង្គម លួចយ៉ាងសកម្ម និងជាប់សារធាតុញៀ.នចំនួន៣នាក់នោះ ត្រូវបាន
ជនសង្ស័យដែលតែងតែបង្កអសន្តិសុខដល់សង្គម លួចយ៉ាងសកម្ម និងជាប់សារធាតុញៀ.នចំនួន៣នាក់នោះ ត្រូវបាន
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ជនសង្ស័យដែលតែងតែបង្កអសន្តិសុខដល់សង្គម លួចយ៉ាងសកម្ម និងជាប់សារធាតុញៀ.នចំនួន៣នាក់នោះ ត្រូវបាននគរបាលប៉ុស្តិ៍រដ្ឋបាលសង្កាត់ប៉ោយប៉ែត ធ្វើកាបង្ក្រាប ក្រោយពេលទទួលសេចក្តីរាយការណ៍ពីពលរដ្ឋក្នុងមូលដ្ឋាន។
ករណីបង្ក្រាបខាងលើនេះ សមត្ថកិច្ចធ្វើឡើងកាលពីរសៀលថ្ងៃទី៥ ខែមេសា ឆ្នាំ២០២២ នៅខាងក្រោយរបងសាលាបឋមសិក្សាសាមគ្គីមានជ័យ ស្ថិតក្នុងភូមិសាមគ្គីមានជ័យ សង្កាត់និងក្រុងប៉ោយប៉ែត។
ជនសង្ស័យទាំងនេះ រួមមាន ៖ ១- ឈ្មោះ ផាន់ ប៉ោង ភេទប្រុស អាយុ៣៣ឆ្នាំ, ២- ឈ្មោះ សុខ នី ភេទប្រុស អាយុ៤១ឆ្នាំ និង៣- ឈ្មោះ សាយ អូន ភេទប្រុស អាយុ២៨ឆ្នាំ ដោយពួកគេទាំង៣នាក់គ្មានទីលំនៅ និងមុខរបរពិតប្រាកដ ស្នាក់នៅក្នុងភូមិកើតហេតុខាងលើ។
បើតាមប្រភពពីពលរដ្ឋរស់នៅក្នុងភូមិកើតហេតុ បាននិយាយថា ក្រុមជនសង្ស័យទាំងនេះ កន្លងមកតែងតែបង្កអសន្តិសុខ ដោយដើរលួចទ្រព្យសម្បត្តិគេឯងមិនញញើតនឹងច្បាប់ឡើយ ហើយពេលខ្លះ ម្ចាស់ទ្រព្យសម្បត្តិទ្រាំមិនបានក៏នាំគ្នាវា.យថែមទៀត។
បើតាមគ្រួសារមួយ ក៏បាននិយាយដែរថា ជនសង្ស័យទី១ (ផាន់ ប៉ោង) កន្លងមក បានលួចម៉ូទ័រទឹកកូនរបស់គាត់ ហើយពេលតាមទាន់ ជននេះបានទម្លាក់ចោលធ្វើឲ្យបាក់ម៉ូទ័របូមទឹកកូនរបស់គាត់ ហើយនិយាយថា ចាំគេសង។ មិនតែប៉ុណ្ណោះ ជននេះ និងបក្សពួកក៏បានគាស់ផ្ទះកូនគាត់យកទ្រព្យសម្បត្តិផ្សេងៗទៀត។ គាត់ថា ជននេះហាក់ឌឺខ្លាំងតែម្តង សូម្បីតែខោអាវកូនរបស់គាត់ នៅពេលដែលពួកគេលួចបាននោះ គឺបានស្លៀកពាក់នឹងខ្លួន ហើយដើរទៅលេងម្តុំផ្ទះគាត់ឲ្យឃើញថែមទៀតផង។
រីឯប្រភពពីប្រជាការពារភូមិខ្លះ បាននិយាយថា ជនសង្ស័យ១ក្រុមនេះ កន្លងមក ធ្លាប់ត្រូវអ្នកស្រុកចាប់វា.យស្ទើរសន្លប់ ដោយសារតែលួចទ្រព្យសម្បត្តិ។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត ក៏បានប្រាប់កោះសន្តិភាពថា ដោយមានសេចក្តីរាយការណ៍ពីពលរដ្ឋល្អ និងអនុវត្តន៍តាមបទបញ្ជាដ៏ម៉ឺងម៉ាត់ ក៏ដូចជាកាណែនាំពីលោកឧត្តមសេនីយ៍ទោ សិទ្ធ ឡោះ ស្នងការនគរបាលខេត្ត បង្ក្រាបរាល់បទល្មើសក្នុងមូលដ្ឋាន លោកក៏បានបញ្ជាដល់កម្លាំងជំនាញ និងប៉ុស្តិ៍ឲ្យចុះស្រាវជ្រាវភ្លាមៗ ទើបឈានទៅឃាត់ខ្លួនបានមុខសញ្ញាលួចយ៉ាងសកម្ម ថែមទាំងជាប់សារធាតុញៀ.នទៀត។
យោងតាមចម្លើយដែលសួរនាំ ពួកគេទាំង៣នាក់បានសារភាពថា ពិតជាបានធ្វើសកម្មភាពដើរលួចទ្រព្យសម្បត្តិអ្នកស្រុកតាមមុខផ្ទះ និងតាមការដ្ឋានសំណង់ផងដែរ ដើម្បីយកទៅលក់បានប្រាក់ ហើយទៅទិញថ្នាំញៀ.នប្រភេទខេទឹកកក និងថ្នាំគ្រា.ប់ ពណ៌ក្រហម ចែកគ្នាសេព។
លោកអធិការរូបនេះបន្តថា ជនសង្ស័យទាំងនេះ ក្រោយសាកសួរធ្វើកំណត់ហេតុរួច និងកសាងសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ