ក្រុងហ្សាការតា និងតំបន់ជុំវិញគឺជាទីប្រជុំជនមានប្រជាជនរស់នៅច្រើនបំផុតលើពិភពលោក តែជាទីតាំងនៃគ្រោះទឹកជំនន់ និងកម្រិតស្រុតដីលឿនប្រហែល១០ទៅ១១សង្ទីម៉ែត្រក្នុងមួយឆ្នាំ ។ ដោយសារបែបនោះចៅហ្វាយក្រុងចាប់ផ្តើមផែនការការពារទីក្រុងដោយសង់កំផែងសមុទ្របណ្ដោយប្រវែង១៥ម៉ៃ និងកែលំអប្រព័ន្ធលូបង្ហូរទឹកដែលមានសភាពទ្រុឌទ្រោម ។
កាលពីថ្ងៃទី១៣ កញ្ញា ២០១៦រដ្ឋាភិបាលឥណ្ឌូណេស៊ីប្រកាសថា នឹងសាងសង់«កំផែងសមុទ្រដ៏ធំ»ដើម្បីការពារនៅភាគខាងជើង រួមទាំងលើកកំពស់ទីក្រុងហ្សាការតាឱ្យក្លាយជាមហាក្រុងនៅមាត់សមុទ្រដូចគ្នានឹងសិង្ហបុរី។ លោកLuhut Panjaitanរដ្ឋមន្ដ្រីក្រសួងកិច្ចការដែនសមុទ្រប្រាប់សារព័ត៌មានក្នុងស្រុករបស់ឥណ្ឌូណេស៊ីកាលពីថ្ងៃទី១៣ កញ្ញាថា«ប្រសិនបើការសាងសង់កំផែងសមុទ្រមិនបានជោគជ័យទេនឹងបង្កឱ្យកើតមានការរុករាននៃទឹកប្រៃបង្កផលប៉ះពាល់ដល់ទីក្រុង» ។
រដ្ឋាភិបាលមានគម្រោងកសាងប្រជុំកោះសិប្បនិមិត្តចំនួន១៧នៅខាងក្រៅឆ្នេរទៅភាគខាងជើងក្រុងហ្សាការតាក្នុងនោះមានទាំងហាងទំនិញធុនធំ និងទីតាំងទេសចណ៍ ស្រដៀងនឹងកោះ«Centosa»របស់សិង្ហបុរី ។ ឥណ្ឌូណេស៊ីបានចាប់ផ្តើមគម្រោងសាងសង់ «កំផែងយក្ស»ការពារក្រុងហ្សាការតាដែលលិចដោយទឹកសមុទ្រ រួមទាំងសង់ប្រជុំកោះសិប្បនិមិត្តនៅខាងក្រៅឆ្នេរផងដែរ ។
អ្នកនេសាទក្នុងតំបន់មួយចំនួនបានជំទាស់ការកែលំអស្ថានភាពដីធ្លីនៅក្បែរមាត់សមុទ្រ ព្រោះពួកគេបារម្ភខ្លាចផលនេសាទធ្លាក់ចុះ ប៉ុន្តែរដ្ឋាភិបាលឆ្លើយតបលើបញ្ហានេះ ដោយចេញលិខិតអនុញ្ញាតឱ្យនេសាទត្រីនៅជុំវិញប្រជុំកោះ« Natuna » វិញ ៕
ចែករំលែកព័តមាននេះ