ខេត្តពោធិ៍សាត់ ៖ រថយន្តរបស់មន្ត្រីមេព្រៃម្នាក់ ត្រូវរថយន្ដរបស់ក្រុមរកស៊ីបទល្មើសព្រៃឈើបើកដេញកៀរ បណ្ដាលឱ្យកំពិត
បែកស្ដុប និងកញ្ចក់ ព្រមទាំងរបួសមន្ត្រីយោធាម្នាក់ចូលរួមបង្ក្រាបទៀត ដែលហេតុការណ៍នេះ កើតឡើងកាលពីថ្ងៃទី១៧ កញ្ញា ២០១៦ វេលាម៉ោង០៨ និង៣០នាទីព្រឹក ស្ថិតនៅកំណាត់ផ្លូវជាតិលេខ៥ ត្រង់ចំណុចភូមិកំពែងស្វាយ ឃុំស្នាមព្រះ ស្រុកបា
កាន ។ រថយន្តម៉ាកកាមរី ស៊េរី៩៥ ពណ៌.ស គ្មានស្លាកលេខរបស់លោកម៉ូយ រដ្ឋា មន្ត្រីរដ្ឋបាលព្រៃឈើពោធិ៍សាត់ ។
សមត្ថកិច្ចបានចោទប្រកាន់ថា ការធ្វើបែបនេះ ជាការប៉ុនប៉ងមនុស្សឃាតដោយចេតនា និងរំដោះយកវត្ថុតាងបទល្មើសព្រៃឈើទៅវិញ ។
ទាក់ទិននឹងរឿងរ៉ាវខាងលើនេះ លោកថ្លាង វណ្ណី នគរបាលប្រឆាំងបទល្មើសសេដ្ឋកិច្ចខេត្តបានឲ្យដឹងថា កាលពីព្រឹកថ្ងៃទី១៧ កញ្ញា វេលាម៉ោង០៧ និង២០នាទីព្រឹក កម្លាំងសមត្ថកិច្ចមាននគរបាលប្រឆាំងបទល្មើសសេដ្ឋកិច្ចខេត្ត នគរបាលប្រឆាំងបទល្មើសសេដ្ឋកិច្ចក្រសួង និងមន្ត្រីរដ្ឋបាលព្រៃឈើ សហការគ្នាចាប់ឃាត់រថយន្តដឹកឈើប្រណីតមួយគ្រឿង នៅចំណុចភូមិដប់បាត សង្កាត់លលក.ស ក្រុងពោធិ៍សាត់ ហើយបានសណ្ដោងយកទៅដាក់នៅខណ្ឌរដ្ឋបាលព្រៃឈើពោធិ៍សាត់ ។
ខណៈកំពុងធ្វើដំណើរមកដល់ផ្លូវជាតិលេខ៥ ត្រង់ចំណុចភូមិកំពែងស្វាយ ឃុំស្នាមព្រះស្រុកបាកាន ស្រាប់តែក្រុមជនល្មើសមួយក្រុម មានគ្នា៥នាក់ ជិះរថយន្តISUZUមួយគ្រឿង និងម៉ូតូមួយគ្រឿង មកកៀររថយន្តសមត្ថកិច្ច បណ្ដាលឲ្យកំពិតបែកស្ដុបនិងកញ្ចក់ និងបានគប់ដែកស្បែងប្រវែងកន្លះម៉ែត្រ ចំមន្ត្រីយោធាម្នាក់របួសផងដែរ ។ បន្ទាប់ពីធ្វើសកម្មភាពរួច ពួកវាបានគេចខ្លួនបាត់
សូមបញ្ជាក់ថា រថយន្តដឹកបទល្មើសនោះ ម៉ាកកាមរីឆ្លាមពណ៌.ស្ករ គ្មានស្លាកលេខដឹកឈើគ្រញូងចំនួន២៧៨ ដុំទម្ងន់៦៣៣គក្រស្មើនឹង០,៥២៧ម៉ែតគូប ។ ទាំងរថយន្តនិងឈើក្រញូងបានរក្សាទុកនៅខណ្ឌរដ្ឋបាលព្រៃឈើពោធិ៍សាត់ ចំណែកក្រុមប៉ុនប៉ងមនុស្សឃាត និងរំដោះយកវត្ថុតាងនោះ សមត្ថកិច្ចកំពុងស្រាវជ្រាវ ។
ចែករំលែកព័តមាននេះ