ខេត្តកំពង់ចាម ៖ ឆ្លើយតបទៅនឹងការណែនាំរបស់លោកឧត្តមសេនីយ៍ទោ បែន រ័ត្ន ស្នងការនគរបាលខេត្តក្នុងរដូវវស្សានេះ បានឱ្យកម្លាំងអធិការដ្ឋាននៅតាមដងទន្លេមេគង្គ ចាប់ពីស្រុកស្ទឹងត្រង់ ដល់ស្រុកស្រីសន្ធរ ត្រូវតែបង្កើនការប្រុងប្រយ័ត្ន ដើម្បីជួយសង្គ្រោះដល់ពលរដ្ឋដែលរងគ្រោះដោយទឹកជំនន់ទៅកាន់ទីទួលសុវត្ថិភាព ។
ជាក់ស្តែង នៅព្រឹកថ្ងៃទី១៧ កញ្ញា ២០១៦ នេះ ផ្ទះអ្នកភូមិទួរីលើ ឃុំព្រែកពោធិ ស្រុកស្រីសន្ធរចំនួន៣ខ្នង ត្រូវបានសមត្ថកិច្ចចុះអន្តរាគមន៍ជួយរុះរើ ព្រោះច្រាំងទន្លេបាក់ស្ទើរតែមកដល់ផ្ទះ គឺបញ្ចៀសកុំឱ្យមានគ្រោះថ្នាក់ដល់អាយុជីវិត ។
លោកវរសេនីយ៍ទោ ហេង វណ្ណា អធិការនគរបាលស្រុកស្រីសន្ធរប្រាប់ឱ្យដឹងថា លំនៅឋានរបស់ពលរដ្ឋចំនួន២ខ្នង នៅភូមិទូរីលើ ក្នុងនោះមានផ្ទះ៧គុណ៩ម៉ែត្រ ត្រូវបានជួយរុះរើ ចំនែកផ្ទះទី៣ត្រូវបានជញ្ជូនទ្រព្យចេញអស់ ក៏ត្រៀមនឹងរុះរើ ដែលត្រូវបានយារយីដោយការបាក់ច្រាំងទន្លេនោះ និងកាន់តែកៀកដល់ផ្ទះនោះ ដោយបានទទួលការណែនាំ ពីលោកស្នងការនគរបាលខេត្ត រូបលោក បានចាត់ឲ្យកម្លាំងប្រចាំការរួមនិងប៉ុស្ត៏រដ្ឋបាលមូលដ្ឋាន ប្រញាប់ចេញទៅជួយរុះរើផ្ទះព្រមទាំងទ្រព្យ សម្បត្តិមកកាន់កន្លែងសុវត្ថិភាព ។
ចែករំលែកព័តមាននេះ