និស្សិតជប៉ុនផ្តល់ថវិការសាងសង់តារាងបាល់ទាត់ដល់អនុវិទ្យាល័យត្រពាំងបេង
ខេត្តកំពង់ចាម ៖ ក្រុមនិស្សិត CUE មកពីប្រទេសជប៉ុន បានរាយអង្គាសថវិការមនុស្សធម៌មកជួយកសាងតារាងបាល់ទាត់ធំទូលាយជាបន្តបន្ទាប់ជាច្រើនកន្លែង …
ខេត្តកំពង់ចាម ៖ ក្រុមនិស្សិត CUE មកពីប្រទេសជប៉ុន បានរាយអង្គាសថវិការមនុស្សធម៌មកជួយកសាងតារាងបាល់ទាត់ធំទូលាយជាបន្តបន្ទាប់ជាច្រើនកន្លែង …
ខេត្តកំពង់ចាម ៖ ក្រុមនិស្សិត CUE មកពីប្រទេសជប៉ុន បានរាយអង្គាសថវិការមនុស្សធម៌មកជួយកសាងតារាងបាល់ទាត់ធំទូលាយជាបន្តបន្ទាប់ជាច្រើនកន្លែង រួមនឹងផ្តល់សម្ភារជាច្រើនទៀត គិតសរុបទឹកប្រាក់ប្រមាណជាង៩ម៉ឺនដុល្លារ រួមទាំងតារាងបាល់ទាត់ថ្មីស្រឡាង១ក្នុងបរិវេណអនុវិទ្យាល័យត្រពាំងបេង ស្ថិតក្នុងភូមិត្រពាំងបេង ឃុំបារាយណ៍ ស្រុកព្រៃឈរ ហើយត្រូវបានបើកសម្ពោធដាក់ឲ្យប្រើប្រាស់កាលពីព្រឹកថ្ងៃទី១៥ ខែកញ្ញា ឆ្នាំ២០១៦ ក្រោមអធិបតីភាពលោក លី ម៉េងសាន ប្រធានមន្ទីរអប់យុវជន និងកីឡាខេត្ត ព្រមទាំងសការីជាច្រើននាក់ទៀត ។
លោក ហែម ហ៊ែល នាយកអនុវិទ្យាល័យត្រពាំងបេង ឲ្យដឹងថា អនុវិទ្យាល័យមាន២អគារ និងបឋមសិក្សា១អគារ បានកសាងឡើងនៅក្នុងអំឡុងឆ្នាំ២០០៦ រាជរដ្ឋាភិបាលកម្ពុជាផ្តល់ចំនួន១ខ្នងមាន៥បន្ទប់ ហើយនៅឆ្នាំ២០០៩គណៈកម្មការសាលាបានស្នើសុំពីអង្គការស្ពាន ដោយបានកសាងនូវអគារ
សិក្សា១ខ្នង មាន៦បន្ទប់ ក្នុងនោះថវិការបដិភាគចំនួន៤.៨០០ដុល្លារ ។ ដោយឡែកនៅឆ្នាំ២០១៦នេះអង្គការ TDO បានជួយកសាងតារាងបាល់ទាត់ ដែលផ្តល់ប្រយោជន៏សម្រាប់វិស័យកីឡាឲ្យមានសន្ទុះការរីកចម្រើន ដើម្បីទៅប្រកួតជាមួយនឹងសាលាដ៏ទៀត ។
លោក SHOHEI FUKUDA តំណាងឲ្យក្រុមនិស្សិតជប៉ុន បានឲ្យដឹងថា ដោយសារតែមានការណែនាំពីលោកប្រធានមន្ទីអប់រំយុវជន និងកីឡាខេត្ត ដែលបានលើកឡើងថា អនុវិទ្យាល័យត្រពាំងបេងនេះមិនមានតារាងបាល់ទាត់ ទើបរូបលោកបានចលនាថវិកាមកកសាងតារាងបាល់ទាត់ ហើយត្រូវបានដាក់សម្ពោធឲ្យប្រើប្រាស់នៅព្រឹកថ្ងៃទី១៥ កញ្ញា សម្រាប់ឲ្យក្រុមកីឡាបាល់ទាត់២ក្រុមហ្វឹកហ្វឺន ។
លោក ហ៊ន់ ស៊ាងហុង ប្រធានអង្គការ TDO បានឲ្យដឹងថា តារាងបាល់ទាន់នេះក៏មានសាលាផ្សេងទៀតចង់បានដែរ តែដោយសារមានការស្នើសុំពី ប្រធានមន្ទីរអប់រំយុវជន និងកីឡាខេត្ត ហើយក៏ជាកិច្ចសហប្រតិបត្តិការដែលរូបលោកធ្លាប់បានបំពេញការងារជាច្រើនឆ្នាំជាមួយនឹងមន្ទីអប់រំខេត្ត ទើបសម្រេចមកកសាងជូនដល់អនុវិទ្យាល័យត្រពាំងបេង ។ បន្ទាប់ពីទទួលបាននូវសមិទ្ធផលថ្មីនេះសូមឲ្យប្អូនៗជាសិស្សសាលាប្រឹងប្រែងលើកតម្កើតវិស័យកីឡាឲ្យមានការរីកចម្រើន ។
លោក លី ម៉េងសាន ប្រធានមន្ទីរអប់រំយុវជន និងកីឡាខេត្ត មានប្រសាសន៍ឲ្យដឹងដែរថា រូបលោកពិតជាមានក្តីរំភើបរីករាយនៅពេលដែលបានមកចូលរួមសម្ពោធតារាងបាល់ទាត់នាពេលនេះ សម្រាប់ថវិកាដែលបានមកគឺសុទ្ធសឹងតែជារបស់ក្រុមនិស្សិតជប៉ុនជាច្រើននាក់ ។ សូមឲ្យប្អូនៗដែលកំពុងតែសិក្សានៅអនុវិទ្យាល័យត្រពាំងបេង ត្រូវតែខិតខំហ្វឹកហាត់លើវិស័យកីឡាបាល់ទាត់នេះឲ្យកាន់តែប្រសើរឡើងដូចបណ្តាប្រទេសផ្សេងៗទៀត ព្រោះថានៅក្នុងឆ្នាំ២០២៣ខាងមុខប្រទេសកម្ពុជានឹងក្លាយទៅជាម្ចាស់ផ្ទះនៃការប្រកួតកីឡា ។
ក្នុងឪកាសនោះដែរក៏មានពិធីបំពាក់មេដាយ ចែកបណ្ណសសើរដល់និស្សិតជប៉ុន ព្រមទាំងចែកសៀវភៅដល់សិស្សជាង២០០នាក់ សម្ភារកីឡាថែមទៀតផងដែរ ៕
ចែករំលែកព័តមាននេះ