មិនឃើញតបឆាត លុះមើលកាមេរ៉ាឃើញនិស្សិតម្នាក់លើកៅអីហាត់ប្រាណ ទើបដឹងយ៉ាងរន្ធ.ត់
- ភ្នំពេញ
រាជធានីភ្នំពេញ ៖ យុវជនជានិស្សិតដែលទើបតែបញ្ចប់ការសិក្សាម្នាក់ ត្រូវដុំដែកសង្កត់ពីលើបំពង់ក បណ្តាលឱ្យ
រាជធានីភ្នំពេញ ៖ យុវជនជានិស្សិតដែលទើបតែបញ្ចប់ការសិក្សាម្នាក់ ត្រូវដុំដែកសង្កត់ពីលើបំពង់ក បណ្តាលឱ្យស្លា.ប់ជាប់នឹងកៅអីហាត់ប្រាណ ខណៈពេលជនរងគ្រោះហាត់ប្រាណលើកដុំដែកខុសបច្ចេកទេសហើយរបូតដៃសង្កត់ចំពង់ក ។
ហេតុការណ៍ខាងលើនេះបង្កអោយមានការភ្ញាក់ផ្អើលកើតឡើងកាលពីវេលាម៉ោង៩និង៤០នាទីព្រឹកថ្ងៃទី៤ ខែមេសា ឆ្នាំ២០២២ ក្នុងបុរីភ្នំពេញថ្មី ផ្ទះលេខ៥ ផ្លូវលេខ៤ ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។
យុវជនរងគ្រោះឈ្មោះផេន ចាន់នី (ហៅ ពៅ ) អាយុ២១ឆ្នាំ ស្នាក់នៅកន្លែងកើតហេតុខាងលើ មានស្រុកកំណើត ភូមិត្របែក ឃុំជើងព្រៃ ស្រុកបាធាយ ខេត្តកំពងចាម ។
តាមប្រភពព័ត៌មានបានអោយដឹងថា យុវជនរងគ្រោះរូបនោះត្រូវបានម្ចាស់ផ្ទះដែលរាប់អានគ្នាឱ្យមកស្នាក់នៅជួយមើលការខុសត្រូវ ខណៈពេលដែលម្ចាស់ផ្ទះទៅរស់នៅក្រៅប្រទេស ។ នៅវេលាព្រឹកយុវជនរងគ្រោះរូបនោះតែងឆាតទៅលេងម្ចាស់ ។
តាមប្រភពព័ត៌មានបានបន្តឱ្យដឹងថា នៅមុនពេលកើតហេតុ ម្ចាស់ផ្ទះមិនឃើញយុវជនរងគ្រោះឆាតមក ក៏បានបើកកាមេរ៉ាសុវត្ថិភាពមើល ស្រាប់តែឃើញយុវជនរងគ្រោះរូបនោះបានដេកលើកៅអីហាត់ប្រាណ ដោយមានការសង្ស័យម្ចាស់ផ្ទះក៍បានតេទៅបងប្អូនដែលនៅជិតខាងឲ្យទៅជួយមើល ទើបដឹងថា ជនរងគ្រោះស្លា.ប់បាត់ទៅហើយ ក៍រាយការណ៍ប្រាប់នគរបាលបង្កអោយមានការភ្ញាក់ផ្អើលឡើងតែម្តង ។ នៅព្រឹកនោះ នគរបាលជំនាញ ក៍បានចុះទៅពិនិត្យស.ពជនរងគ្រោះ ដើម្បីរកមូលហេតុនៃការស្លា.ប់អោយបានច្បាស់។
តាមនគរបាលជំនាញ បានអោយដឹងថា យុវជនរងគ្រោះរូបនោះ ត្រូវដុំដែកសង្កត់ចំបំពង់ក បណ្តាលឱ្យស្លា.ប់បាត់់បង់ជីវីតនៅពេលហាត់ប្រាណរបូតដុំដែក ដែលមានទម្ងន់ម្ខាងៗចំនួន១៥គីឡូក្រាម ។
ក្រោយពេលកើតហេតុ ស.ពជនរងគ្រោះត្រូវបានក្រុមគ្រួសារបញ្ជូនទៅកាន់ស្រុកកំណើតធ្វើបុណ្យតាមប្រពៃណី៕
ចែករំលែកព័តមាននេះ