ទីភ្នាក់ងារសារព័ត៌មាន«ស៊ីនហួ» ផ្សាយថា អាជ្ញាធរចិនបានបើកដំណើរការផ្លូវ រថភ្លើងល្បឿនលឿនមួយខ្សែថ្មី ចេញដំណើរពីភាគខាងកើតឆ្ពោះទៅភាគខាងលិចបង្កើតឯតទគ្គកម្មចម្ងាយផ្លូវសរុប ២០.០០០ គីឡូម៉ែត្រ ។
ផ្លូវរថភ្លើងល្បឿនលឿនចេញពីក្រុង zhezhouខេត្តហ៊ឺណាន នៅភាគកណ្តាលទៅក្រុងស៊ូចូវ ខេត្តជាំងស៊ូ នាភាគខាងកើត បានបើកកាលពីពេល ថ្មីៗកន្លងមក ។ សម្រាប់ផ្លូវរថភ្លើងល្បឿនលឿនពីក្រុង Zhengzhou ទៅស៊ូចូវមានប្រវែង ៣៦០គីឡូម៉ែត្រតភ្ជាប់ផ្លូវល្បឿនលឿនទៅភាគខាងលិចប្រទេស រួមទាំងផ្លូវរថភ្លើងនៅភាគខាងជើងទៅភាគខាងត្បូងជួយកាត់បន្ថយពេលវេលាក្នុងការធ្វើដំណើរនៅសល់ត្រឹមតែ៦ម៉ោងប៉ុណ្ណោះ ដោយពីមុនរយៈពេលមានជិត១១ម៉ោង ។
ផ្លូវរថភ្លើងល្បឿនលឿននោះចាប់ផ្ដើមសាងសង់តាំងពីខែធ្នូ ឆ្នាំ២០១២ រួមទាំងស្ថានីយ តូចៗចំនួន៩ ។ ខ្សែរថភ្លើងនោះអាចរត់ក្នុងល្បឿនលឿនជាង៣០០គីឡូម៉ែត្រ ក្នុងមួយម៉ោងហើយចាប់ផ្តើមសាកល្បងកាលពីខែមេសាដោយមានប្រវែងសរុបជាង២០.០០០ គីឡូម៉ែត្រ វែងបំផុតនៅលើពិភពលោក ៕
ចែករំលែកព័តមាននេះ