ក្រុមមុខសញ្ញាចាស់យ៉ាងសកម្ម លុះឃាត់ខ្លួនបាន សុទ្ធតែជាសិស្សសាលា
- ភ្នំពេញ
រាជធានីភ្នំពេញ ៖ ជនសង្ស័យចំនួន៣នាក់ត្រូវបានកម្លាំងនគរបាលខណ្ឌជ្រោយចង្វារ សហការជាមួយនគរបាល
រាជធានីភ្នំពេញ ៖ ជនសង្ស័យចំនួន៣នាក់ត្រូវបានកម្លាំងនគរបាលខណ្ឌជ្រោយចង្វារ សហការជាមួយនគរបាលប៉ុស្តិ៍ព្រែកសេក ស្រាវជ្រាវឃាត់ខ្លួនកាលវេលាទៀបភ្លឺថ្ងៃទី១ ខែមេសា ឆ្នាំ២០២២ នៅចំណុចច្រកចូលសណ្ឋាគារ ហ្គាឌិនសុតធី ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ បន្ទាប់ពីសមត្ថដាក់កម្លាំងពួនស្ទាក់អស់ជាច្រើនយប់ ។
ជនសង្ស័យដែលត្រូវឃាត់ខ្លួនជាមុខសញ្ញាចាស់រួមមាន ១-ឈ្មោះនិត រតនា ភេទប្រុស អាយុ១៦ឆ្នាំ មុខរបរសិស្ស ២-ឈ្មោះលន់ ចាន់ ភេទប្រុស អាយុ១៦ឆ្នាំ និង៣-ឈ្មោះសៀម ចិត្រា ភេទប្រុស អាយុ១៥ឆ្នាំ មុខរបរសិស្ស ។ បន្ទាប់ពីឃាត់ខ្លួន សមត្ថកិច្ចដកហូតបានម៉ូតូចំនួន៣គ្រឿង។
តាមសមត្ថកិច្ចបានឱ្យដឹងថា ជនសង្ស័យ ជាក្រុមចោរធាក់ប្ល.ន់យ៉ាងសកម្ម ដែលតែងតែធ្វើសកម្មភាព ធាក់ប្ល.ន់យកម៉ូតូ នៅតាមបណ្តោយមហាវិថីឈ្នះឈ្នះ ក្នុងសង្កាត់ព្រែកតាសេក ។
បន្ទាប់ពីរងគ្រោះ ដោយចោរប្ល.ន់ ប្រជាពលរដ្ឋ ក៍បានប្តឹងនគរបាលមូលដ្ឋាន ហើយត្រូវបានកម្លាំងនគរបាលដាក់កម្លាំងពួនស្ទាក់ឈានទៅឃាត់ខ្លួនបានជនសង្ស័យតែម្តង ។ ទោះបីជាយ៉ាងណា នៅមានបក្សពួកជាច្រើននាក់ទៀត បានគេចខ្លួន ត្រូវបាននគរបាលកំពុងតែស្រាវជ្រាវតាមឃាត់ខ្លួន ។ ជនសង្ស័យ ត្រូវបាននគរបាលកសាងសំនុំរឿងចាត់ការតាមច្បាប់៕
ចែករំលែកព័តមាននេះ