បណ្តាសារព័ត៌មានក្នុងស្រុក និងបណ្តា អ្នកទទួលខុសត្រូវគូសបញ្ជាក់ថា មនុស្សយ៉ាងតិច៥នាក់ស្លា.ប់ និងជាង១០០នាក់រងរបួស កាលពីព្រឹកថ្ងៃទី១៥ កញ្ញា ដោយសារការបុកគ្នារវាងរថភ្លើងដឹកអ្នកដំណើរមួយខ្សែ
បណ្តាសារព័ត៌មានក្នុងស្រុក និងបណ្តា អ្នកទទួលខុសត្រូវគូសបញ្ជាក់ថា មនុស្សយ៉ាងតិច៥នាក់ស្លាប់ និងជាង១០០នាក់រងរបួស កាលពីព្រឹកថ្ងៃទី១៥ កញ្ញា ដោយសារការបុកគ្នារវាងរថភ្លើងដឹកអ្នកដំណើរមួយខ្សែ និងរថភ្លើងដឹកទំនិញមួយខ្សែនៅស្រុកមូលតាន់ភាគកណ្តាលប៉ាគីស្ថាន ។
លោក NADIR CHATTHA មេប៉ូលិសស្រុកម្នាក់គូសបញ្ជាក់ថា រថភ្លើងដឹកទំនិញបានឈប់លើផ្លូវដែក ក្រោយពីបុកមនុស្សម្នាក់ ស្លាប់ស្រាប់តែរថភ្លើងដឹកអ្នកដំណើរមកពីទិសស្របគ្នាបានបុករថភ្លើងនេះ នៅជិតស្ថានីយ BUCH ខេត្ត PENDJAB ។ អ្នកបើករថភ្លើងដឹកទំនិញពេលកើតមានឧប្បត្តិហេតុនេះកំពុងជាប់ដៃទាញយកសាកសពមនុស្សដែលបុកស្លាប់ចេញពីផ្លូវដែក ។
ទូរទស្សន៍ក្នុងស្រុក GEO រាយការណ៍ថា គ្រោះថ្នាក់នេះបណ្តាលឱ្យមនុស្សស្លាប់៥នាក់ និងជាង១០០នាក់រងរបួសបញ្ជូនទៅកាន់មន្ទីរពេទ្យនានា ។ យោងតាមក្រុមអ្នកជួយសង្គ្រោះថា តុល្យការអ្នកស្លាប់អាចមានច្រើនជាងនេះទៀត ព្រោះមានមនុស្សជាច្រើននៅជាប់ក្នុងរថភ្លើងដឹកអ្នកដំណើរនៅឡើយ ៕
ចែករំលែកព័តមាននេះ