ជាតិ » បរិយាយថ្ងៃនេះ

រដូវ​ធ្វើបុណ្យ នាំ​គ្នា​ធ្វើបាប ?

ដោយ ៖ សហការី   

ថ្ងៃព្រហស្បតិ៍ ទី១៥ ខែកញ្ញា ឆ្នាំ២០១៦ ម៉ោង ១៤:៥៥   (15-09-2016 14:55)

រដូវ​បិណ្ឌ​ភ្ជុំ​ចូល​មក​ដល់​ហើយ​...​ជា​រដូវ​ធ្វើបុណ្យ​ដាក់​ទាន​តាម​ប្រពៃណី​ខ្មែរ​យើង​...​។ រដូវ​នេះ​អ្នកមាន​ធនធាន ក៏​ដូច​អ្នក​ក្រីក្រ​...​តែង​នាំ​គ្នា​ធ្វើបុណ្យ​សន្សំ​កុសល​...​បញ្ជូន​កុសល​...​ឧទ្ទិស​ជូន​ដល់​ញាតិ​កា​ទាំង​៧​សន្តាន​...​ដែល​គេ​នាំ​គ្នា​ហៅ​ថា ធ្វើបុណ្យ​លាងបាប​...​។​ល​។

នៅ​ក្នុង​រាជធានី​ក៏​ដូច​នៅ​តាម​បណ្តា​ខេត្ត​នានា​...​ជា​ពិសេស​តាម​ផ្លូវគោក ក៏​ដូច​តាម​ផ្លូវទឹក​...​កើត​មាន​កុងត្រូលជជុះ​ដុះ​ម​មិះ​ស្អេកស្កះ​លើស​ខែ​...​លើស​រដូវ​នានា​...​។
កុងត្រូលជជុះ​បើ​ពិនិត្យ​មិន​ឱ្យ​ខុស​...​មាន​ស្ទើរ​គ្រប់​ស្ថាប័ន​មាន​សមត្ថកិច្ច ទាំង​សី​ុ​វិល ទាំង​កងកម្លាំង​...​ដាក់​ជា​ក្រុម​តូច​ៗ...​ត្រៀបត្រា​តាម​ដងផ្លូវ​...​ផ្លូវជាតិ​លេខ​៤ លេខ​៥ លេខ​៦ លេខ​៧ លេខ​៨ ។​ល​។ រាប់​មិន​អស់​ទេ​...​។ មិន​ខុស​ទេ ហើយ​ក៏​មិន​និយាយ​បំផ្លើស​ដែរ​...​គេ​ដាក់កុង​ត្រូល​ប្រមូល​លុយ​ពី​ការ​ដឹក​ជញ្ជូន​តូច​-​ធំ​ទាំងឡាយ​...​។ ខុស​ពី​អ្នក​សុំទាន​ធម្មតា​...​ពួក​គេ​ជា​អ្នក​សុំទាន​ពេញ​ទៅ​ដោយ​អំណាច​...​។ រថយន្ត​ល្មើស​ណា​មិន​ឈប់​...​មិន​ឈប់​មួយ​ភ្លែត​បង់ប្រាក់​ទេ​...​ត្រូវ​ពួក​គេ​ប្រដេញ​ដោយ​រថយន្ត​...​យក​រថយន្ត​ទៅ​ស្ទាក់​ចាប់​...​បុក​គ្នា​រញ្ជួយ​ដី​ក៏​មាន​ដែរ​...​សួរ​អ្នក​ខេត្ត​ត្បូងឃ្មុំ​កាន់តែ​ច្បាស់ ! ថ្មី​ៗ​នេះ​ដេញ​ស្ទាក់​បុក​គ្នា​ខ្ទេច​រថយន្ត​២​គ្រឿង​ទៅ​ហើយ​...​របួស​មិន​ដល់​ស្លាប់​ទេ គឺ​ជិត​...កុងត្រូល​តាម​ដងផ្លូវ​...​មិនមែន​ចេះ​តែ​ចាប់​ទេ​...​គឺ​សម្រួល​គ្នា​យក​ប្រាក់​តើ ! ព្រោះ​ជា​រដូវ​ធ្វើបុណ្យ​ដាក់​ទាន ត្រូវការ​ណាស់​បច្ច័យ​...​ទោះ​តិច ទោះ​ច្រើន​ត្រូវ​តែ​មាន​...​។

ចង្វារ​ទាំងឡាយ​ដែល​មានសិទ្ធិ​ទៅ​បោះទីតាំង​...​មិនមែនសិទ្ធិ​ចិត្ត​ឯង​ទេ ! បើ​គ្មាន​មេបញ្ជា​...​មិន​ហ៊ាន​ល្មើស​ឡើយ​...ដែល​គេ​និយាយ​ជា​ទូទៅ​ថា «​ចង្វាចិញ្ចឹម​ឆ្តោ​»
ទោះបី​ហួសហេតុ​យ៉ាងណា​ក៏​ដោយ​...​គួរ​ក្រឡេក​មើល​រដូវ​ផង​...​រដូវ​នេះ​ជា​រដូវ​ធ្វើបុណ្យ​សន្សំ​កុសល​...​មិនមែន​បុណ្យ​ក៏​ធ្វើ​...​បាប​ក៏​ធ្វើ​...​ឈើ​ក៏​កាប់ សត្វ​ក៏​សម្លាប់ ដូច​អ្នកប្រមឹក​និយាយ​ទេ !

មិនមែន​ការពារ​អ្នករក​សី​ុ​ប្រព្រឹត្ត​ខុស​ទេ​...​ប៉ុន្តែ​បណ្តា​យមរាជ​ទាំងឡាយ​តាម​ដងផ្លូវ​...​គួរ​អាណិតអាសូរ​ប្រែ​ត​...​កូនចាប កូន​ព្រាប​ទាំងឡាយ​ផង​...​កុំ​សាង​បាប​ពេក​...​ហេ ! ហេ !            
           អា​ឡេវ