ការដ្ឋានសំណង់ដ៏រឹងមាំរបស់ឈ្មោះ ស៊ុយ ឆេងលី ដែលគេស្គាល់ថា ជាកូនស្រីលោកជំទាវអ្នកឧកញ៉ា ស៊ុយ សុផាន ដែលជាស្ត្រីខ្មែរម្នាក់ដ៏ល្បីឈ្មោះ នៅតែបន្តសាងសង់រំលោ.ភយកច្រាំងទន្លេមេគង្គ ទោះបីអាជ្ញាធរខណ្ឌជ្រោយចង្វារ បានចុះទៅផ្អាកការដ្ឋានជាច្រើនដងយ៉ាងណាក៏ដោយ
រាជធានីភ្នំពេញ ៖ ការដ្ឋានសំណង់ដ៏រឹងមាំរបស់ឈ្មោះ ស៊ុយ ឆេងលី ដែលគេស្គាល់ថា ជាកូនស្រីលោកជំទាវអ្នកឧកញ៉ា ស៊ុយ សុផាន ដែលជាស្ត្រីខ្មែរម្នាក់ដ៏ល្បីឈ្មោះ នៅតែបន្តសាងសង់រំលោ.ភយកច្រាំងទន្លេមេគង្គ ទោះបីអាជ្ញាធរខណ្ឌជ្រោយចង្វារ បានចុះទៅផ្អាកការដ្ឋានជាច្រើនដងយ៉ាងណាក៏ដោយ។
សំណង់នោះ បានសង់រំលោ.ភយកច្រាំងទន្លេ ដោយគេសង្ស័យថា មានការឃុបឃិតគ្នា ក្រោមរូបភាពអោយច្បាប់អនុញ្ញាតពីមន្ត្រីរដ្ឋបាលរាជធានីភ្នំពេញម្នាក់ដែលយើងមិនទាន់បានសុំការបំភ្លឺជាអ្នកនៅពីក្រោយបទល្មើសអោយស្ថាបនាធ្វើច្រាំងទន្លេ ទុកលំហែកាយ និងទុកជាប្រយោជន៍សាធារណៈ បែរជាត្រូវកូនស្រីយាយផានដ៏មានអំណាចរូបនោះ ធ្វើការសាងសង់ហ៊ុមព័ទ្ធទុកធ្វើជាកម្មសិទ្ធិផ្ទាល់ខ្លួនទៅវិញ។
ម្យ៉ាងនៅក្នុងការសាងសង់ទៀតសោធន៍ គ្មានមន្ត្រីជំនាញណាចុះទៅត្រួតពិនិត្យលក្ខណៈបច្ចេកទេស និងហាមឃាត់ឡើយ មានតែអាជ្ញាធរខណ្ឌជ្រោយចង្វារ ចុះទៅផ្អាកម្តងតែគ្មានប្រសិទ្ធភាព (ម្ចាស់មិនស្តាប់)។
ទន្ទឹមការរំលោ.ភច្រាំងទន្លេនេះបានដោយសុវត្ថិភាពនោះ គេឃើញសំណង់មួយទៀត ដែលនៅខាងត្បូងជាប់នឹងសំណង់កូនស្រីយាយផាន ក៏បានបន្តសាងសង់រំលោ.ភយកច្រាំងទន្លេដែរ ដោយចាក់ថ្មចូលទៅក្នុងទឹកទន្លេប្រមាណមិនតិចជាង៤០ម៉ែត្រនោះទេ និងកំពុងតែបុកគ្រឹះធ្វើរបង។ សំណង់ដែលសង់រំលោ.ភយកច្រាំងទន្លេទាំង២នោះ ស្ថិតនៅក្រោយបុរីហ្គ្រែនជ្រោយចង្វារ ក្នុងភូមិទី៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
បើតាមព័ត៌មាន បានអោយដឹងថា សំណង់រំលោ.ភយកច្រាំងទន្លេដែលជ្រកក្រោមច្បាប់អនុញ្ញាតសង្ស័យលួចលាក់ត្រូវគ្នា បានដំណើរការធ្វើរបងព័ទ្ធជុំវិញរួចរាល់ហើយ និងកំពុងតែ សាងសង់ផ្ទះលំហែលកាយដ៏រឹងមាំនៅក្នុងបរិវេណ។
គួរបញ្ជាក់ថា បន្ទាប់ពីព័ត៌មានបានផ្សព្វផ្សាយ លោក ឃ្លាំង ហួត អភិបាលខណ្ឌជ្រោយចង្វារ ក៏បានបញ្ជាអោយលោក កៅ សារ៉ាវុធ អភិបាលរងខណ្ឌជ្រោយចង្វារ ចុះទៅផ្អាកការដ្ឋានសំណង់នោះម្តង កាលពីរសៀលថ្ងៃទី២៤ ខែវិឆ្ឆិកា ឆ្នាំ២០២១។ តែម្ចាស់សំណង់ដែលគេស្គាល់ថា ជាកូនស្រីយាយផានដ៏រឹងមាំនៅតែបន្តសាងសង់ ដោយពុំញញើតអាជ្ញាធរមូលដ្ឋានឡើយ ដោយសំអាងថា មានមន្ត្រីម្នាក់ក្នុងជួរសាលាក្រុងនៅពីក្រោយទៅហើយ ។
ចំណែកមន្ត្រីមន្ទីរជំនាញក្រោមៗមិនហ៊ានក្អកនោះទេ ព្រោះមានភ្លើងខៀវ ។ ជាហេតុធ្វើអោយសំណង់នោះ សង់រំលោ.ភច្រាំងទន្លេបានដោយសុវត្ថិភាព។ ដោយឡែកការដ្ឋានសំណង់មួយ ទៀត នៅជាប់គ្នានោះក៏បានបន្តសង់រំលោ.កច្រាំងទន្លេកាន់តែរឹងមាំដែរ បន្ទាប់ពីឃើញកូនស្រី យាយផានរំលោ.ភយកបានសម្រេច គេធ្វើបានរឿងអីអញធ្វើមិនបាន។
តាមព័ត៌មានអោយដឹងទៀតថា សំណង់ថ្មីនោះ ត្រូវបានម្ចាស់ដឹកថ្មភ្នំមកចាក់ចូលទៅក្នុងទន្លេមេគង្គអស់ជាច្រើនសាឡង់កាលពីថ្មីៗនេះ ។ ហើយនៅព្រឹកថ្ងៃទី០៣ ខែមេសា ឆ្នាំ២០២២នេះ គេឃើញសំណង់ថ្មីនោះ កំពុងតែបុកគ្រឹះ ហើយសាងសង់ធ្នឹមរឹងមាំណាស់ ដើម្បីវាទយកដីច្រាំងទន្លេមេគង្គមកធ្វើជាកម្មសិទ្ធិទៀតហើយ។ ទោះបីជាយ៉ាងណា គេពុំដឹងថា សំណង់នោះមានម្ចាស់ឈ្មោះអ្វីឡើយ បានជាថ្លើមធំបែបនេះ។
ក្នុងជួរអភិបាលរាជធានី តើឯកឧត្តមមួយណា សុខចិត្តធ្វើខ្នងបង្អែកឱ្យកូនយាយផានដល់ថ្នាក់នេះ0x017d7
ម្សិលម៉ិញនេះ មិនអាចសុំការបំភ្លឺតាមទូរស័ព្ទបានទេ ព្រោះជាថ្ងៃសម្រាកការងារ ។ សូម្បីកូនយាយផាន ទូរស័ព្ទចូលក៏គ្មានអ្នកលើកទទួលដែរ ។ ដូច្នេះពេលណាបានព័ត៌មានថ្មី យើងនឹងផ្សាយជូនជាបន្តទៀត ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ