ទៅទិញបារី តែអត់លុយ សុំជំពាក់សិន តែអ្នកលក់មិនឱ្យជំពាក់ ផ្អើលភូមិ
- កំពង់ស្ពឺ
បុរសម្នាក់ត្រូវបានសមត្ថកិច្ចឃាត់ខ្លួនភ្លាមៗ ខណៈពេលដែលខឹងអ្នកលក់បារីមិនឲ្យជំពាក់លុយ ហើយបែរជាស្ទុះទៅយកដំបងវា.យអ្នកលក់ បណ្តាលឲ្យ
បុរសម្នាក់ត្រូវបានសមត្ថកិច្ចឃាត់ខ្លួនភ្លាមៗ ខណៈពេលដែលខឹងអ្នកលក់បារីមិនឲ្យជំពាក់លុយ ហើយបែរជាស្ទុះទៅយកដំបងវា.យអ្នកលក់ បណ្តាលឲ្យ
ខេត្តកំពង់ស្ពឺ ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវបានសមត្ថកិច្ចឃាត់ខ្លួនភ្លាមៗ ខណៈពេលដែលខឹងអ្នកលក់បារីមិនឲ្យជំពាក់លុយ ហើយបែរជាស្ទុះទៅយកដំបងវា.យអ្នកលក់ បណ្តាលឲ្យរងរបួស។ ហេតុការណ៍ឃាត់ខ្លួនបុរសចិត្តឆេវឆាវរូបនេះ បានកើតឡើងកាលពីវេលាម៉ោង៧យប់ ថ្ងៃទី៣១ ខែមីនា ឆ្នាំ២០២២ នៅចំណុចភូមិកៀក ឃុំព្រះនិព្វាន ស្រុកគងពិសី ខេត្តកំពង់ស្ពឺ ។
បើតាមសមត្ថកិច្ច បានឲ្យដឹងថា ជនសង្ស័យដែលបានឃាត់ខ្លួននោះ មានឈ្មោះ ចាន់ ឈន ភេទប្រុស អាយុ៤០ឆ្នាំ មុខរបរកសិករ រស់នៅភូមិលៀក ឃុំព្រះនិព្វាន ស្រុកគងពិសី ពាក់ព័ន្ធករណីហិ.ង្សាដោយចេតនា ដោយធ្វើសកម្មភាពយកដំបងវា.យទៅលើឈ្មោះ ចាន់ ចំរើន ភេទប្រុស អាយុ៤៤ឆ្នាំ មុខរបរលក់ដូរ រស់នៅភូមិ-ឃុំជាមួយគ្នា បណ្តាលឲ្យរងរបួសដៃ និងជង្គង់។
ប្រភពដដែលបានបន្តទៀតថា នៅមុនពេលកើតហេតុ បុរសជាជនដៃដល់បានមកទិញបារី០១កញ្ចប់ ហើយមិនមានលុយជាប់ហោប៉ៅនោះទេ ដោយបាននិយាយថា «ជំពាក់លុយសិន» តែត្រូវបុរសរងគ្រោះដែលជាអ្នកលក់ បាននិយាយតបវិញថា «គាត់មិនឱ្យជំពាក់ទេ» ស្រាប់តែជនដៃដល់រូបនេះខឹងជាមួយនឹងជនរងគ្រោះដែលមិនអោយខ្លួនជំពាក់លុយថ្លៃបារី និងថ្លៃគ្រឿងទេសទៀត ទើបជនសង្ស័យស្ទុះទៅទាញដំបង រួចវា.យជនរងគ្រោះតែម្តងទៅ។
បច្ចុប្បន្នជនសង្ស័យ ដែលទើបចេញពីពន្ធនាគារកាលពីពេលថ្មីៗនេះ ត្រូវបានសមត្ថកិច្ចកំពុងតែសាកសួរនៅអធិការដ្ឋាននគរបាលស្រុកគងពិសី ដើម្បីកសាងសំណុំរឿងអនុវត្តតាមនីតិវិធីច្បាប់៕
ចែករំលែកព័តមាននេះ